John 9:34 - Sei di Uka Ago Ruaka di Buka Bedakai

³⁴ Kamini nikabai reyadi, “Ya vegu no tausa vata niyo, idu una oteimagika reisa ba?” Ye ini usa usa yava rofu umeki rei makuyadi.

John 9:34 Referans Kwoze

John 9:22

(Ini nono baba yaku makai niyadi, adina bi Jew vene rofu ori reyadi. Adina bi sena yo niyadi amiye yokoi yaku nigo Iesu bi Keriso vonisi, bi usa usa yava gutuna umeki rei makugedi.)

John 9:2

ma ini usi dina vene yaku nikaiteyadi, “Oteimana amiye, kaere vegu no reyo, ne taufa vata niyo dada, mina amiye ba ini nono baba?”

Luke 18:17

Rama ya nida, kaere amiye yaku Sei di ourefeidena amena sana mida keika kana de moigo vonisi, bi de iniye iniye dui rego.”

Niokuna sina 13:17

Makai amiye yokoi ikefata nufa vonisi, bi gugura voi resi sero reyagane maka; mina ikefata bi tuma dona nadina di roka o ini roka di naba.

3 John 1:9

Fefa tumu yokoi ekalesia vene rofu sena bura reyaka, idu Diotrephes, kaere iniye nigi ina bi ourefeidena amiye ura redo, bi una mokei vava de redo.

1 Peter 5:5

Mina makai, ya ofi godua bi tora vene di gabireri raga refa; ma yi amiye tau ya kaya ya kaya varuka kana ave nina nufa fufuta bou rebifa, adina “Sei yaku matuka vene gedu mado, idu ave nidedi vene rofu buni tora gade mado.”

Ephesus vene 2:3

Ari yokoiri ina vene di fogori, una tau vakoi uni roaita di udu dada, amesi roaita ma mokena di ura usi digamadi, bi amiye tau noibanu kana Sei di gubuyo iniye bi moigedi.

Galatia vene 2:15

Una bi Jew vene ago gira gabireri vata niyafa, idu tutubena idana vegu no rena vene kana bi de.

1 Corinth vene 5:13

Idu Sei yaku etofaro vene moi kota rego. “Amiye no yi utari meki rei feidefa.”

John 9:40

Pharisee vene bedakai ina atafuri bi mina ago neidesi nikaiteyadi, “Una ka bi ne taufa nisifa vene ba?”

John 9:35

Iesu yaku neideyo bi umeki rei makuyadi ma baku resi nikaiteyo, “Amiye di mida rofu mokena vari gira aesa ba ide?”

John 8:41

Yi baba yaku regamo mina rededi.” Kamini niyadi, “Una bi diya mena de rema di mida mida; uni Baba yokoi maka bi Sei.”

John 6:37

Nai Baba yaku na maro vene tau vakoi bi na rofu baegedi, ma na rofu baegedi vene bi de meki regida de iniye.

Luke 14:11

Adina kaere iniye moi odoro rigo, bi Sei yaku moi ave nigi rigo. Ma kaere iniye ave nigo, bi Sei yaku moi odoro rigo.”

Luke 11:45

Ago gira oteimana amiye yokoi ina rofu niyo, “Oteimana amiye, ya makai sina nigasa ka una rofu ni no reisa mini!”

Luke 6:22

“Amiye yaku ya rofu gubuyo resi fufuta masi ya rofu nifafana resi yi roka moi no rigediri, Amiye di mida usi dina dada, bi ada regedi!

3 John 1:10

Mina resi ya vene rofu baegida vonisi, bi ini vegu ma fufuta ago una rofu nido, mina moi ogau rigida! Mina maka de, idu ekalesia usika ourena okidedi ka de moido. Ma kaere yaku ina vene moigi ura redediri, ka duburi gutuna moi etagae rigi redo!