John 8:46 - Sei di Uka Ago Ruaka di Buka Bedakai

⁴⁶ Ya kaere na rofu vegu no yokoi baku reyo? Na bi ago rama nida vonisi, beika resi ya vene na rofu mokena vari gira de aededi?

John 8:46 Referans Kwoze

Hebrew vene 4:15

Ini adina uni Sei ma amiye utari naivo amiye tora bi uni uka yau nidedi, una iriyeduka redo. Ina bi ida tau rofu una kana, ini uka maina regika niveyo, idu vegu no de reyo.

John 14:30

Na bi yasa ago ni doba de regida, mina kono di ourefeidena amiye baedo dada. Ini vava na fafau bi koina iniye,

John 8:7

Ma toga nikaite regamadiri, dadisi are resi ina vene rofu niyo, “Ya kaere amiye yokoi vegu no de nufa vonisi, bi ya yaku siko mina rema rofu fore moisi youfa.”

Mark 11:31

Ye iniye iniye nidodi resi niyadi, “Nigifa vonisi, ‘Oma gutuna,’ ina yaku nikaitego, ‘Ma beika resi ina rofu mokena vari gira de aeyadi?’

Matthew 21:25

John di babatiso rena di vava bi goinari gutuna baeyo? Oma gutuna ba amiye gutuna?” Ye iniye iniye nidodi resi niyadi, “Ye ‘Oma gutuna,’ nigifa vonisi, una nikaitego, ‘Ye beika resi ina rofu mokena vari gira de aeyadi?’

1 Peter 2:22

Ina bi vegu no yokoi de resi ka ofa sina yokoi de niyo.

Hebrew vene 7:26

Ini adina bi buni iniye una bi Sei ma amiye utari naivo amiye tora mina kana nufa, kaere bi kikifa, vegu no nufa de, ini vegu bi kino de, ma vegu no rededi vene moi tae risi oma odorori ini roka moi odoro riyo.

2 Corinth vene 5:21

Keriso, kaere bi vegu no de reyo amiye, bi una dada vegu no rena amiye kana niyo, ye ina dudu Sei di mokena rorobo kana nigifa dada.

John 18:37

Mina dada Pilate yaku nikaiteyo, “Makai bi, ya bi kini ba?” Ma nikabai reyo, “Ya nisa na bi kini. Na vata nisi mina konori okiyaka bi mina rofu, ago rama rofu niogau regika dada. Kaere bi ago rama di, bi nai ago neidego.”

John 16:8

Ma baesi kono tora noibanu di vene ini mokena, vegu no dada, ma mokena rorobo dada, ma kota rena dada, bi no mina ina rofu oteimago.

John 15:10

Nai ago gira neidegedi vonisi, nai uka manari amegedi, nai Baba di ago gira neideyaka ma ini uka manari ameida kana.

John 8:47

Kaere bi Sei di amiye bi Sei di ago neidedo; ya bi de neidededi, adina ya bi Sei di vene de dada.”