John 8:43 - Sei di Uka Ago Ruaka di Buka Bedakai

⁴³ Beika resi na beika ago nida bi diba de nidedi? Mina di adina bi nai ago neidena rofu anua rededi.

John 8:43 Referans Kwoze

John 5:43

Na bi nai Baba di roka di vava dudu deyaka, idu ya bi na de moiyadi; idu amiye bi iniye di roka di vava dudu soka regori, bi moigedi.

John 7:17

Kaere amiye Sei di ura rena kana rego vonisi, bi diba nigo mina ago oteimaida bi Sei rofu dedo, o na kaya nai vava dudu sina nida.

Moimai di vegu 7:51

“Ya bi ada gira ma uka gira vene! Gokai resi Sei di ago rofu bi anema kora rededi! Ya vene bi yi tutubena vene kana: ya vene ka Vima kikifa rofu neidena de rededi!

John 6:60

Ini usi dina vene tau mina ago neidesi niyadi, “Mina ago bi gira iniye; kaere yaku neidego?”

John 8:27

Ini Baba fafau nigamo, idu diba de niyadi.

Rome vene 3:11

yokoi de yaku vegu buni diba nido, ma yokoi de Sei maina redo.

Matthew 13:15

ini adina mina vene di uka bi gira iniye, ma ini anema kebi risi neidena de resi ini nemoko muguna reyadi. Bi ini nemoko dudu vesi ini anema dudu neidesi ini uka dudu diba nigedi baebu, ye na rofu kero regedi ma na yaku moi buni rigida.’

John 5:25

Rama iniye ya nida: meda nemoko baego; rama bi sena okiyo—muyena vene yaku Sei di mida di goroka neidegedi, ye kaere neidededi bi vegu nigedi.

John 8:33

Ma nikabai reyadi, “Una bi Abraham di tutubena vene, ma toga amiye yokoi rofu moimai rei tavoi de reyafa. Ye gokai nisa, ‘Ya erufugo’?”

John 8:39

Kamini nikabai reyadi, “Uni baba bi Abraham.” Ma niyo, “Ya bi Abraham di mida vonisi, bi ini reremama regamo kana mina rebiyagadu.