John 5:32 - Sei di Uka Ago Ruaka di Buka Bedakai

³² Idu amiye yokoi yaku na beika reida rofu niokudo, ma na diba ina yaku na dada beika nido bi rama.

John 5:32 Referans Kwoze

John 12:50

Ma na na diba ini ago gira bi toga toga ameibobina vegu. Mina dada beika ago nida, bi nai Baba yaku na niyo nigida kana.”

John 1:33

Na kaya na toto ina, idu Sei, kaere yaku koru dudu babatiso regi na nifeideyo, bi na rofu niyo, ‘Vima vegiya ma amiye yokoi desi fafau amego; mina bi kaere Vima kikifa dudu babatiso rego.’

Matthew 3:17

Ma goroka yokoi oma gutuna degasa niyo, “Mina bi nai uka maida mida, kaere bi ina rofu ada tora gade reida.”

Luke 3:22

ma Vima kikifa bi pune erena kana roaita dudu desi ina fafau rou riyo. Ma goroka yokoi oma gutuna degasa niyo, “Ya bi nai uka maida mida; ada tora gade ya rofu reida.”

Mark 1:11

Ma goroka yokoi oma gutuna degasa niyo, “Ya bi nai uka maida mida; ada tora gade ya rofu reida.”

Matthew 17:5

Mina nigamori, seuya vabara kama resi ina vene bou riyo ma ago goroka mina seuya gutuna desi niyo, “Mina bi nai uka maida Mida, kaere ina rofu ada tora reida—ina bi neidefa!”

John 5:34

Idu na beika reida di niogau rena ago bi diya amiye rofu, ye ya vene moi vegu riyainedi rofu mina ago nida.