John 5:15 - Sei di Uka Ago Ruaka di Buka Bedakai

¹⁵ Kamini mina amiye disi Jew vene nioteimaro ina bi Iesu kaere yaku moi buni riyo.

John 5:15 Referans Kwoze

John 4:29

“Baefa amiye yokoi kaere na beika tau vanu reyaka mina na nioteimaro veyagane. Rama mina bi Keriso ba?”

John 9:34

Kamini nikabai reyadi, “Ya vegu no tausa vata niyo, idu una oteimagika reisa ba?” Ye ini usa usa yava rofu umeki rei makuyadi.

John 9:30

Ma nikabai reyo, “Na bi tururu reyaka! Ya ya toto goina rofu baeyo, idu nai nemoko moi areyo.

John 9:25

Ma nikabai reyo, “Na na toto ina bi vegu no redo amiye o de, idu mina maka na na diba: bi ne taufa vata niyaka ma gua nene reida.”

John 9:15

Kamini Pharisee vene dudusa nikaiteyadi gokai ida dudu nene reyo. Ma niyo, “Ina yaku nai nemokori dikina dudu ifi reyo ma koiteyakari, gua nene reida mini.”

John 5:12

Ye nikaiteyadi, “Kaere amiye yaku makai reyainedi ya niyo?”

John 1:19

Ye Jew vene di ourefeidena vene yaku Sei ma amiye utari naivo vene ma Levi rubu di vene be Jerusalem gutuna nifeideyadi, ma John Baptist nikaiteyadi, “Ya bi kaere?”

Mark 1:45

Idu mina amiye yaku disi mina ago nirausi regasa gagani noibanuri digamo. Iesu rofu ago tora niyadi mina resi taoni ariara ma dina bi de reyo. Ye ina bi gagani autu sanari amei digamo, idu amiye gagani gagani tau ina vegika toga okigamadi.

John 5:10

ye Jew vene yaku mina moi buni riyo amiye rofu niyadi, “Gua bi Sabati meda, ma ago gira dudu yi ekama uakaigi bi tabu.”

John 5:16

Mina resi Jew vene yaku Iesu esika esika maradi, bi Sabati medari mina vegu reyo dada.

John 5:18

Jew vene bi besa umuyegika maina regamadi mina ago dada, adina Sabati meda di ago gira ukero vau reyo maka de, idu ka nigamo Sei bi ini Baba ma mina ago yaku ina bi Sei sa moi yokoi maka riyo.