John 3:29 - Sei di Uka Ago Ruaka di Buka Bedakai

²⁹ Rema megi redo rumana bi ini rema nufa. Rema mego amiye di asini bi are resi ini goroka neidegasa ada tora redo. Mina dada na ada tora iniye reida.

John 3:29 Referans Kwoze

Matthew 9:15

Ye Iesu yaku nikabai reyo, “Rema mego amiye yaku ini asiyaka venesa amebigori, isaka nigedi ba ide? Ide mada! Idu rema mego amiye afei digedi di meda baegori, bi oyo regedi.

Niokuna sina 21:9

Kamini Sei di naivo naivo vima 7 ri, yokoi kaere bi mina metona beika no iniye 7 di dodoku 7 vata baeyadi nufa, na rofu baesi niyo, “Bae kumo na yaku mego rema ya oteimagida, kaere bi Mamoe mida di rema.”

Philippi vene 2:2

mokena ma uka mana yokoi maka dudu na moi ada refa, vima ma uka yokoi maka dudu kana.

John 16:24

Boyo gua, ya yaku beika yokoi nai roka dudu usa de niyadi. Yi beika baika usa nigedi bi moigedi, yi ada rena moi vau regedi dada.

1 John 1:4

Mina bura resifari uni ada rena bi rei vau reyainedi dada.

2 Corinth vene 11:2

Sei kana ya rofu maunu nida, adina na bi yi maruka yokoi maka ya nitore reyaka; vegu no yokoi de rumanasa varena kode rema ofi kana, Keriso magida.

Luke 15:6

uakaisi rauturi okigo. Mina resi bi ini asiyaka vene ma ina atafu amededi vene raka niegogo resi nigo, ‘Na bi nai boiyo reyo mamoe baku reyaka dada, nasa ada renadi!’

Matthew 25:1

“Kamini Sei di ourefeidena amena sana omari bi rema ofi 10 kaere bi ini keroko moisi rema mego amiye baku regika neyadi mina kana.

2 John 1:12

Ye nai bura regida ago ya rofu bi tora gade, idu fefari bura rena bi ura de reida. Mina resi nai uka mokena bi bae nesi ago niyagadu, ye una ada rei vau regifa.

John 17:13

Na ya rofu baegida, ye konori mina ago nida, ye nai ada rena tau gade bi ini uka ideri moi vata baeyaganedi.

Matthew 22:2

“Sei di ourefeidena amena sana omari bi kini yokoi kaere yaku ini mida di rema mena irakuna rei maro mina kana.

John 3:30

Ini roka bi boi tora niyaine, idu nai bi keika niyaine.”

John 15:11

“Na mina ya rofu niyaka ye nai ada yasa feregida ma ya ada ya muyegedi.