John 20:15 - Sei di Uka Ago Ruaka di Buka Bedakai

¹⁵ Ye ina rofu niyo, “Rema, beika resi isaka nisa? Ya bi kaere maina reisa?” Ma mokeyo bi muro nari redo amiye yokoi, dada niyo, “Amiye tora, moi diyo vonisi, bi goidu aeyo na oteima ma bosi moigida.”

John 20:15 Referans Kwoze

John 20:13

Kamini nikaiteyadi, “Rema, ya bi beika resi isaka nisa?” Ma niyo, “Nai Varika amiye bi moiyadi ma goidu aeyadi bi na toto!”

John 18:7

Ye dudusa nikaiteyo, “Ya bi kaere maina rededi?” Ma dudusa niyadi, “Iesu Nazareth amiye.”

John 1:38

Iesu kero resi ina usi baeyadi mina vesi nikaiteyo, “Ya bi beika maina rededi?” Ma nikabai reyadi, “Rabbi (ini adina bi ‘Oteimana amiye’), ya bi goinari ameisa?”

Mark 16:6

Idu niyo, “Tururu ga refa, Iesu Nazareth amiye, kaere bi satauro ikoko reyadi, mina maina rededi. Ina bi dadi rae reyo! Bi minari de amedo. Ini aeyadi sana vefo.

Matthew 28:5

Idu Sei di naivo naivo vima yaku rema rofu niyo, “Ori ga refa, adina na na diba ya bi Iesu maina rededi, kaere bi satauro ikoko reyadi.

John 18:4

Ye Iesu sena diba niyo beika tau gade ina rofu vata nigo, dada ini budari bosi nikaiteyo, “Ya bi kaere maina rededi?”

Luke 24:5

Ma ori resi ini seira kono rofu agu riyadiri, bi mina amiye remanu yaku nikabai reyadi, “Beika resi vegu amedo amiye bi muyena vene di fogori maina rededi?

Matthew 12:34

Ya aruma di mida mida—gokai ida dudu ya bi uka no vene, ma ya yaku ago buni be nigedi? Adina beika uka ideri vata baedo, bi vena yaku nido mini.

Luke 2:44

Ini mokenari, ina bi ini amiye fogori dido mironi. Meda yokoi maka koina niyo fufutari mamo, ini usika ourena vene rofu ma asiyaka vene rofu, Iesu kamini maina reyadi.