John 17:25 - Sei di Uka Ago Ruaka di Buka Bedakai

²⁵ Baba e, ya mokena rorobo amiye, mina kono vene ina ka toto ya, idu na na diba ya, ma mina vene diba ya yaku na nifeideyo.

John 17:25 Referans Kwoze

John 17:11

Ma na gua konori de amegida, idu ina vene bi konori amededi ma na ya rofu bae neida. Baba kikifa, yi roka di vava dudu nari re—mina roka na maro—ye yokoi maka niyaganedi, una yokoi maka kana.

John 17:8

Adina ya yaku ago na maro ma na yaku ina vene maraka, bi moisi ago rama diba niyadi na bi ya rofu deyaka. Ina ka mokena vari gira aeyadi ya na nifeideyo.

John 15:21

Idu nai roka dada mina tau vakoi ya fafau regedi, ye kaere na nifeideyo amiye toto dada.

John 7:29

Na bi ina diba, adina ina gutuna deyaka ma na nifeideyo.”

John 16:27

Baba ina kaya ya rofu uka mado dada, adina na rofu uka masi mokena vari gira aeyadi na bi Sei gutuna deyaka.

Hebrew vene 8:11

Kamini ina yokoi yokoi yaku ini atafu amedo amiye ma ini usika ourena rofu nisi ‘Varika amiye diba ni’ oteimana de regedi, adina tora ma keika vene noibanu bi na diba nigedi.

2 Corinth vene 4:4

Mina kono di ofa sei yaku mokena vari gira de aededi vene di mokena moi forovai reyo, ye Keriso, kaere iniye bi Sei kana, ini vabara di ago buni di vabara vegi anua rededi.

John 10:15

Mina kana, nai Baba ina diba na ma na diba nai Baba, ma nai mamoe dada muyegi nai vegu magida.

John 8:55

Ya toto ina, idu na na diba ina. Na toto ina vo nigida vonisi, bi ya vene kana ofa ofa nina amiye nibiyagadu. Idu na diba ina, ma ini ago neidesi anema yora reida.

Luke 10:22

“Nai Baba yaku beika baika tau na nimaro. Ma amiye yokoi ina toto ini Mida, idu ini Baba maka ina diba. Ma amiye yokoi ka ini Baba toto, ini Mida maka ina diba, ma ini Mida yaku ka Sei bi kaere moi ogau rigi ura redo amiye rofu bi rama iniye vegedi.”

Niokuna sina 13:8

Konori amededi vene tau gade iniye yaku nivakegedi, kaere ini roka bi kono ma oma rina kode medari, Mamoe mida di vegu roka aena bukari de bura reyo. Mina Mamoe di mida bi amiye kaere umuyeyo.

1 John 1:9

Ye uni vegu no niogau resifa vonisi, bi uni vegu no koite makusi uni mokena rorobo de, mina moi ruaka rina vegu rama ma rorobo rego.

2 Thessalonica vene 1:8

Sei rofu gedu madedi vene ma uni Varika amiye Iesu di ago buni de neidededi vene rofu, ini obini toe tora iniye mago.

1 Corinth vene 15:34

Ida rama dada, yi mokena forovai youfeidesi vegu no ga rebifa. Adina bedakai bi Sei rofu ada yora kode. Ya moi maena regi makai nida.

1 Corinth vene 1:21

Adina kono tora noibanu amededi vene bi Sei di mokena vabara dudu bi Sei toto, ye amiye di mokenari bi forovai rena ago kana nirausi reyafa, mina dudu Sei di mokenari, bi buni mokena vari gira aededi vene moi vegu rigo.

Rome vene 3:26

Makai Sei yaku gua ini mokena rorobo oteimaro, ye makai bi rama ma kaere Iesu rofu mokena vari gira aego, ina rofu nigo ini vegu bi rorobo.

Rome vene 3:11

yokoi de yaku vegu buni diba nido, ma yokoi de Sei maina redo.

Rome vene 1:28

Ma beika bi rama, mina dudu Sei rofu mokegi moi kekevata uyadi, ini mokenari Sei di mokena mokei itu reyadi, ye Sei yaku beika rena de vegu mina regi ina vene rofu mokena no ekure reyo.

Moimai di vegu 26:18

Na bi ina vene rofu ya nifeideida, nemoko aresi mukunari gutuna vabarari kero resi Satani di vavari gutuna Sei rofu etagae riyagane, ye ini mokena vari gira aena na rofu dudu ini vegu no koite makugo, ma Sei di moi akeke riyo vene di fogori ini sanari amegedi.’

Moimai di vegu 17:23

Adina bi yi taoni nana resi veyaka yi beika nivakededi rofu, ma bi bura yokoi ori sisika rena fore fata fafau veyaka, yomakai bura reyadi, ‘Sei kaere una toto rofu di.’ Mina ya nivakesi kamini toto nidedi na gua mina ya rofu niodoro regida.

John 17:23

Na ina venesa ma ya nasa, mina dada ina bae yokoi maka rei vau nigedi, ye mina kono vene yaku diba nigika ya yaku na nifeidesi ina vene uka maro, na uka maro kana.

John 17:21

ye ina tau vakoi bae yokoi maka niyaganedi, ya Baba kana; ya bi na ideri ma na bi ya ideri. Una ideri ka ameyagane, ye kono vene ya yaku na rofu nifeideyo, mina rofu mokena vari gira aegedi.

John 17:18

Ya yaku konori na nifeideyo kana, ye ina vene ka konori nifeideyaka.

John 17:3

Ma toga toga ameibobina vegu bi mini: ye amiye yaku ya Sei rama maka ma Iesu Keriso kaere nifeideyo, ya remanu diba nidedi.

John 16:30

Gua una diba ya bi beika tau gade diba nisi amiye yokoi yaku ya nikaitegika baku de reisa; mina resi ya bi Sei gutuna deyo, mina rofu mokena vari gira aesifa.”

John 16:3

Ma mina regedi nai Baba ma na ina toto dada.

John 8:19

Ye nikaiteyadi, “Yi baba bi goini?” Ma nikabai reyo, “Nai Baba ma na bi ya ya toto; idu ya bi na diba niyagadu vonisi, nai Baba ka diba niyaidu.”

John 6:19

Ye kilometre 5 o 6 kana fayo reyadi ma Iesu moka daidai tora fafau nana regamo ma veyadi. Bouti adinari baegamori, bi ori reyadi.

John 3:17

Adina Sei yaku ini Mida konori bi kono amededi vene kota regika de nifeideyo, idu ina dudu moi vegu rigi dada.

John 1:18

Yokoi yaku Sei vena de, de iniye, idu ini Baba di eta rofu amedo amiye yaku una fafau Sei yokoi maka moi ogau riyo.

Matthew 16:16

Ye Simon Peter nikabai resi niyo, “Ya bi Keriso, toga amedo Sei di mida.”

Matthew 11:27

“Nai Baba yaku beika baika tau na nimaro. Ma amiye yokoi ina toto ini Mida, idu nai Baba maka ina diba. Ma amiye yokoi ka ini Baba toto, ini Mida maka ina diba ma ini Mida yaku ka Sei bi kaere moi ogau rigi ura redo amiye rofu bi rama iniye vegedi.

Niokuna sina 16:5

Kamini koru nari redo naivo naivo vima ago niyo ma neideyaka, “Ya Amiye kikifa, kaere bi gua amedo ma senagi amegamo, ya bi mokena rorobo nufa, adina ya yaku mina fafau kota reyo!