John 15:25 - Sei di Uka Ago Ruaka di Buka Bedakai

²⁵ Idu ago gira di sina bura reyo bi kamini moi rama aeyaine: ‘Ina vene na rofu gubuyo reyadi, vegu no yokoi de dada.’

John 15:25 Referans Kwoze

Luke 24:44

Resi niyo, “Mina bi nai ago yasa amegasa nigamaka: na dada beika tau bura reyadi Moses di ago girari, Sei di ago nidedi vene di burari ma Psalms bukari. Mina tau bi baesi rama aeyaine.”

2 Corinth vene 11:7

Ye na kaya moi keika riyaka ya moi odoro rigidari, bi vegu no reyaka ba, Sei di ago buni nirausi resi obini de moiyaka dada?

Niokuna sina 21:6

Resi ka na niyo, “Koina niyo mini! Na bi ouresi ma gabi, kora rena ma metona. Koru vaido amiye rofu davana yokoi de nufa, vegu amena di buruka koru magida.

Niokuna sina 22:17

Vima ma mego rema yomakai niyo, “Bae!” Ma neideyo amiye yomakai niyaine, “Bae!” Ma koru vaiyo amiye bi baeyaine; ma ura redo amiye davana yokoi de nufa vegu ameibobina di koru moiyainedi.

2 Thessalonica vene 3:8

Resi amiye yokoi di iruku iri tavoi de reyafa. Idu, uru ari kosika de dudu moimai regamafa, una dada ya yokoi yaku fore makugedi baebu.

Galatia vene 2:21

Sei di buni tora gade etofa de reida, adina Sei yaku ago gira dudu amiye moi rorobo rigo vonisi, Keriso bi muyei tavoi reyo!

Rome vene 3:24

Ye davana de nufa, beika buni tora gade maro dudu vegu rorobo niyadi; mina bi Iesu Keriso yaku voi resi erufuyo.

Rome vene 3:19

Gua una diba beika ago gira yaku nido, bi kaere ago gira di vava gabireri amedo ina rofu nido, ye vena biri risi ago nina de, ma kono tora noibanu di vene tau bi Sei di nemokori ini vegu dada kota regi are reyaganedi.

John 10:34

Ma nikabai reyo, “Yi ago girari bura reyadi bi yomakai, ‘Ya bi sei vene, vo niyaka.’

John 19:36

Adina mina vata niyadi, Sei di ago moi rama aeyaine dada: “Ini nena yokoi de uroki regedi.”

Matthew 10:8

Gauka moi buni risi muyena edadisi refera nufa moi ruaka risi vima no meki rebigedi. Mina de voi resi moiyadi, ye mana rofu ka obini bi ga moifa.

John 13:18

“Na bi diya ya vene tau vakoi rofu nida; kaere na yaku auba reyaka bi na na diba. Idu mina bi Sei di agori bura reyo ma moi rama aego: ‘Kaere nasa beredi iriyafa amiye yaku kero resi na gutuna etagae riyo.’