John 14:13 - Sei di Uka Ago Ruaka di Buka Bedakai

¹³ Beika nai roka dudu usa usa nigedi bi regida, makai dudu na, ini Mida, yaku nai Baba di roka moi odoro rigida.

John 14:13 Referans Kwoze

John 15:7

Na ideri amegedi ma nai ago yi ideri amego vonisi, ya ura rededi kana usa usa nifa, ye ya rofu rego.

Mark 11:24

Mina dada ya nida, moigedi kana mokena vari gira aesi beika baika tau rofu usa usa nigedi bi moigedi.

Matthew 21:22

Ye mokena vari gira aegedi vonisi, beika baika tau rofu usa usa nigedi bi moigedi.”

Matthew 7:7

“Usa nifa kumo ya mago; maina refa kumo baku regedi; raka nifa kumo ya rofu ida vena moi ekego.

1 John 5:14

Sei di nemokori una bi mina mokena buni moiyafa, ye beika yokoi ini ura renari usa nigifa vonisi, bi una neidego.

John 16:23

“Mirona medari, beika yokoi na rofu usa de nigedi. Rama iniye na nida: beika baika nai roka dudu nai Baba rofu usa nigedi, bi ya mago.

1 John 3:22

Kamini beika baika ina rofu usa nigifa, bi moigifa, adina ini ago gira moi gira risi ina moi ada rena vegu resifa.

John 15:16

Ya na auba de reyadi, idu na yaku ya auba resi abidi reyaka, ye disi meko varegedi, ma yi meko bi toga amebigo. Makai beika baika nai roka dudu nai Baba rofu usa nigedi, bi ya mago.

John 14:14

Nai roka dudu beika baika yokoi na rofu usa nigedi vonisi, bi regida.

James 5:16

Mina resi, ya kaya ya kaya yi vegu no niogau resi usa usa nifa, ye bi buni niyagane. Mokena rorobo amiye di usa usa bi ini moimai renari vava iniye nufa.

Philippi vene 4:13

Ina kaere yeiva na maro bi ina dudu, beika baika tau gade regida bi buni.

James 1:5

Idu yi fogori amiye bi mokena vabara nufa de vonisi, Sei rofu usa niyagadu, kaere bi amiye noibanu emana rena de dudu rau resi ina mago.

Ephesus vene 3:12

Una bi ina rofu mokena vari gira aesifa dudu, ori yokoi de uka gira dudu Sei rofu baegifa.

John 16:26

Mirona medari ya yaku nai roka dudu usa nigedi; ye ya rofu de nida, bi ya dada, nai Baba usa nigida;

John 10:30

Nai Baba nasa bi yokoi maka.”

Ephesus vene 2:18

Adina una tau vakoi Vima yokoi maka dudu Baba rofu atafu degifa.

Colossae vene 3:17

Resi ago nina o reremama rena, beika tau noibanu regasa Varika amiye Iesu di roka dudu resi ina dudu buni tora gade Baba Sei rofu mabifa.

John 7:37

Irakuna metona meda isivagari, Iesu dadi are resi raka niyo, “Kaere bi koru vaido bi na rofu baesi koru gaga re.

Hebrew vene 7:25

Mina dada, ina dudu Sei rofu ekaira regedi vene moi vegu ri vau rego, ina vene rofu toga usa usa nigi rofu toga ameibobigo dada.

John 14:6

Ma nikabai reyo, “Na bi ida, ma ago rama, ma vegu. Amiye yokoi nai Baba rofu de bogo, idu na dudu maka.

John 12:44

Kamini Iesu yaku raka nigasa niyo, “Kaere na rofu mokena vari gira aego, bi diya na rofu maka de, idu rama na nifeideyo amiye rofu ka mokena vari gira aego.

Luke 11:9

“Ye ya vene rofu nida: Usa nifa kumo ya mago; maina refa kumo baku regedi; raka nifa kumo ya rofu ida vena moi ekego.

1 Peter 2:5

Ma fore vegu amededi kana baefa ma ya kaya yi roaita dudu, Sei di vima nivakena yava akudo. Ma makai Sei ma amiye utari naivo vene nivakena yava kikifa kana, naivo regedi vima di ori sisika buni Sei rofu, Iesu Keriso dudu regika.

John 5:19

Mina resi Iesu yaku niyo, “Rama iniye ya nida: Mida yaku inike beika yokoi de rego; ini Baba yaku beika redo, mina vesi maka redo. Adina beika Baba yaku redo bi Mida ka makai redo.

Hebrew vene 13:15

Ye ina dudu ori sisika rena kana, toga toga Sei nivakenadi; mina bi ini roka niogau regi ago mini.

Hebrew vene 4:15

Ini adina uni Sei ma amiye utari naivo amiye tora bi uni uka yau nidedi, una iriyeduka redo. Ina bi ida tau rofu una kana, ini uka maina regika niveyo, idu vegu no de reyo.

Ephesus vene 3:14

Mina resi Baba rofu nai efuka imi odeida,

John 4:14

idu kaere amiye na yaku magida ma irigo koru bi toga toga koru de vaigo. Na yaku ina rofu magida koru bi ini ideri koru buruka nisi furu furu regasa makai toga toga ameibobina vegu mago.”

John 4:10

Iesu yaku nikabai reyo, “Sei yaku beika mado ma kaere yaku koru ya usa nido bi diba niyo vonisi, ya bi ina usa niyagadu ma ina yaku vegu koru ya maraidu.”

John 16:7

Idu rama ya nida: na digida ya rofu bi buni, adina de digida vonisi, Aedena amiye ya rofu de dego. Idu digida vonisi, ya rofu nifeidegida.

John 13:31

Resi diyori, Iesu yaku niyo, “Gua Amiye di mida di roka moi odoro riyo ma bi ina dudu ka Sei di roka moi odoro riyo.

1 Corinth vene 14:13

Mina dada, kaere ago bouna nido, bi ini adina nina di vava rofu usa usa niyaine.