John 11:25 - Sei di Uka Ago Ruaka di Buka Bedakai

²⁵ Ma niyo, “Na bi dadi rae rena ma vegu ameibobina. Kaere amiye na rofu mokena vari gira aego, bi muyego, idu vegu amebigo;

John 11:25 Referans Kwoze

1 Thessalonica vene 4:14

Adina una bi mokena vari gira aesifa Iesu bi muyesi dudusa dadi rae reyo, ye Sei yaku mina neyadi vene, kaere bi ini mokena vari gira Iesu rofu aegasa muyeyadi, mina inasa moi dego.

John 3:36

Amiye kaere ini Mida rofu mokena vari gira aedo bi toga toga ameibobigo, idu kaere ini mida di ago de neidedo bi toga toga ameibobina vegu bi de vego, ye Sei di gubuyo tora ina fafau amebigo.

John 1:4

Mina ago ideri bi vegu; ye mina vegu bi amiye di vabara.

John 5:21

Baba yaku muyena edadisi ini vegu mado kana, Mida ka ini ura dudu kaere vegu mago vo nido bi mado.

John 6:44

Nai Baba na nifeideyo amiye bi amiye yokoi moi rutu resi na rofu mago vonisi, bi na rofu baego, ye ari metonari moi edadigida.

Rome vene 8:2

Adina vegu mado Vima di ago gira Iesu Keriso dudu, vegu no ma muyena di ago gira ya erufuyo.

John 6:35

Ye niyo, “Na bi vegu di beredi; amiye kaere na rofu baego bi rauna de rego, ma kaere na rofu mokena vari gira aego bi toga koru de vaigo.

Niokuna sina 21:4

Resi ini nemoko di ne koru tau gade moi ugago ma muyena bi koina nigo. Guruo rena, isaka nina ma esika moina ka bi koina nigedi, adina sena di beika baika bi koina niyadi mini.”

Philippi vene 3:10

Ye na ina ma ini dadi rae rena di vava diba nisi inasa ini esika gurauyo, mina anarauda regasa ini muyenari ina kana nigida,

Niokuna sina 20:5

(Muyeyadi vene idana bi dudusa dadisi rae de reyadi kumo mina lagani 1,000 koina nigedi mamo.) Mina bi ouresi dudusa dadi rae rena mini.

Moimai di vegu 3:15

Mina dada ya vene yaku Vegu ourefeidena amiye umuyeyadi. Idu Sei yaku muyena sanari gutuna moi dadiyo—una mina bi veyafa ma una diba.

John 14:6

Ma nikabai reyo, “Na bi ida, ma ago rama, ma vegu. Amiye yokoi nai Baba rofu de bogo, idu na dudu maka.

John 5:26

Ye Baba iniye bi vegu di adina kana, makai ini Mida ka bi vegu di adina risi

Niokuna sina 22:17

Vima ma mego rema yomakai niyo, “Bae!” Ma neideyo amiye yomakai niyaine, “Bae!” Ma koru vaiyo amiye bi baeyaine; ma ura redo amiye davana yokoi de nufa vegu ameibobina di koru moiyainedi.

John 14:19

Doba de kono tora noibanu di vene yaku dudusa na vena de regedi, idu ya yaku bi na vegedi. Adina na vegu ameida kana, ya ka vegu ameibobigedi.

Philippi vene 1:23

Ye na rofu bi gira nido, mina remanu di utari goina ere bi auba regida. Na ura reida mina vegu feresi Keriso sa amegida, goina bi toga buni iniye;

Niokuna sina 22:1

Mina usi Sei di naivo vima yaku vegu amena di koru na oteimaro; bi neva dabu dabu garasi rama guta kana ma Sei ma Mamoe mida di ourefeidena amena fata gutuna iyana reyo.

2 Corinth vene 4:14

Adina una una diba Varika amiye Iesu moi dadi rae reyo amiye yaku ka Iesu sa una moi dadi rae resi ini budari una yasa afei baesi moi are rego.

Rome vene 4:17

bura reyo kana, “Na yaku gagani gagani di amiye tau di baba ya abidi reyaka.” Mina bi Sei di nemokori mokena vari gira aeyo amiye—mina Sei, kaere muyena vene rofu vegu masi beika baika de ameyadi, ina yaku amegedi vo niyo.

Luke 23:43

Ma Iesu yaku ina rofu niyo, “Gua ya nitore reida mini, mina medari ya bi nasa ada rena sanari amegiya.”

1 Corinth vene 15:29

Ye amiye yaku muyena vene dada babatiso moigedi di adina bi beika? Bi rama muyena vene bi moi dadi rae de regedi vonisi, amiye bi beika resi ina vene dada babatiso moiyadi?

1 Corinth vene 15:18

Kamini Keriso sa muyeyadi vene ka afu niyadi.

John 3:16

Adina Sei yaku konori amededi vene besa uka maro, ye ini Mida yokoi maka maro, ye kaere ina rofu mokena vari gira aego, bi de muyego idu toga toga ameibobina vegu baku rego dada.

Niokuna sina 1:18

Na bi vegu ameida amiye kaere bi muyeyaka, idu gua na bi toga toga vegu ameida! Muyena vene di amena sana ma muyena di vava bi na yaku moi gira reida.