John 10:32 - Sei di Uka Ago Ruaka di Buka Bedakai

³² Ma Iesu niyo, “Reremama buni buni nai Baba gutuna ya oteimaraka, idu goina dada fore dudu na ugi regedi?”

John 10:32 Referans Kwoze

1 John 3:12

Cain yaku reyo kana bi ga renadi. Ina bi amiye no di, ma ini usika Abel umuyeyo. Beika resi umuyeyo? Adina ini vegu bi no ma ini dubuini di vegu bi mokena rorobo nufa.

Moimai di vegu 10:38

Ya ya diba Iesu Nazareth amiye ma gokai Sei yaku Vima kikifa vavasa ina fafau ni moi feideyo. Gagani gagani tora rofu disi buni regasa amiye tau moi buni rigamo, kaere bi Bodaka di vava gabireri amegamadi, adina Sei bi inasa amedo.

Moimai di vegu 2:22

“Israel vene, mina ago neidefo: Sei yaku ya vene rofu Iesu Nazareth amiye nifeidesi mokena vegu ma rebe vegu ya vene di tobori ini vana dudu regamo, ye ya ka ya diba.

John 10:37

Nai Baba di reremama de reida vonisi, bi na rofu mokena vari gira ga aefa.

John 5:36

Nai niogau rena ago yaku John di ago ebu reyo. Adina vegu regi Baba na maro, mina reida ma mina niogau rededi, Baba bi na nifeideyo dada.

Matthew 11:5

ne taufa vene dudusa gagani vededi, yuka no vene nana rededi, refera nufa vene bi moi ruaka riyo, anema kora vene bi neidededi, muyena vene bi veguri edadiyo ma ago buni bi irava vene rofu nirausi reyo.

John 10:25

Ma nikabai reyo, “Na bi sena ya nioteimaraka, idu ya bi na rofu mokena vari gira de aeyadi. Nai Baba di roka dudu reremama reida bi na fafau niogau rededi.

John 10:31

Kamini Jew vene dudusa ugika fore moiyadi.

John 10:33

Ma nikabai reyadi, “Una bi mina reremama buni reyo dada fore dudu de ya ugi resifa, idu Sei di roka moi no riyo dada! Adina ya bi amiye maka, idu ya kaya moi Sei vo nisa dada!”