John 1:51 - Sei di Uka Ago Ruaka di Buka Bedakai

⁵¹ Resi niyo, “Rama iniye ya nida: oma bi ekego ma Sei di naivo naivo vima bi Amiye di mida fafau dega bogasa rebigedi kana vegedi.”

John 1:51 Referans Kwoze

Moimai di vegu 7:56

Resi niyo, “Vefa, oma ekeyo ma Amiye di mida bi Sei di vana rama rofu are redo mina veida!”

Luke 22:43

Kamini naivo naivo vima yokoi omari gutuna desi ina rofu ogau nisi egira reyo.

Luke 2:13

Kamini, minari maka, omari naivo naivo vima tau gade gade ogau nisi mina naivo naivo vimasa, Sei rofu nivakena resi yauta nigamadi:

Mark 14:62

Ma niyo, “Mina bi na; ye Amiye di mida Vava iniye amiye di vana rama rofu ameinu resi seuya omari dudu baebigo ma vegedi.”

Mark 1:10

Iesu bi evade koru ideri gutuna bae iruruka resi ne reyori bi oma ekeyo ma Vima kikifa bi pune erena kana ina fafau rou reyo.

Matthew 3:16

Iesu babatiso maro ma evade koru ideri gutuna bae iruruka resi ne reyori, bi oma ekeyo ma Sei di Vima bi pune erena kana desi ina fafau rou riyo mina veyo.

Moimai di vegu 10:11

Oma ekeyo ma beika yokoi bou varuka buni tora kana kono fafau degamo ma veyo. Mina bi teukana 4 rofu moi gira regamadi.

Luke 3:21

Amiye tau babatiso marori, bi Iesu ka babatiso reyo. Usa usa nigamori, oma ekeyo

Matthew 4:11

Kamini Bodaka feresi diyo ma Sei di naivo naivo vima yaku okisi nari regamadi.

Niokuna sina 19:11

Mina usi oma ekeyo ma veyaka, ye minari bi hosi feyo. Ini keu riyo amiye ini roka bi Vegu rama rena ma Rama. Mokena rorobo dudu kota resi iya redo.

Niokuna sina 4:1

Mina usi, omari ida vena eboka reyo ma veyaka. Vesi ouresi goroka neideyaka, bi kibi kana na rofu ago nigasa niyo, “Yominari bae, beika mina usi gabi vata nigedi ya nioteimagida.”

2 Thessalonica vene 1:7

Resi bi Sei yaku ya rofu, kaere bi gua esika moisa, bi ini vegu buni masi una rofu ka makai rego. Varika amiye Iesu ini naivo naivo vima yeiva tau ma ita fairo dudu, oma gutuna ogau nigedi di meda bi makai vata nigo.

Luke 2:9

Kamini, Varika amiye di naivo naivo vima yokoi desi mina vene adinari ogau niyo, ma Varika amiye di vabara yaku ina vene buru riyo ma ori no iniye reyadi.

Hebrew vene 1:14

Ye ina bi naivo naivo vima, kaere bi moi vegu rina vegu moigedi vene dada naivo regi moi feideyo.

1 Timothy 3:16

Ye Sei di sui ago bi tora yo nisifa: Amiye di roaita dudu ogau niyo, ma Vima yaku ina bi rama mina nioteimaro, ma Sei di naivo naivo vima yaku veyadi. Gagani gagani di vene di fogori ago nirausi reyadi, ma kono tora noibanu vene mokena vari gira ina rofu aeyadi, ma vabara dudu omari afei boyo.

John 10:1

“Rama iniye ya nida: kaere amiye yaku mamoe di dai buru rina ida vena ideri dui de rego, idu ida yokoi rofu firu rigo, bi duma duma ma moi tavoi amiye.

Luke 22:69

Idu gua ari gutuna Amiye di mida bi Sei Vava iniye di vana ramari amego.”

Matthew 25:31

“Ma Amiye di mida ini naivo naivo vima tausa ini vabara nufa degori, ina bi ini vabara di ourefeidena amena fata fafau ameinu rego.

Jude 1:14

Enoch, Adam gutuna ini tutubena bi 7 ere; ina yaku sena dobau mina vene dada niyo, “Neidefo, Varika amiye bi ini akeke vene tau gade gadesa dego,

2 Thessalonica vene 1:9

Ini obini bi yomakai: ina vene bi toga toga ameibobina di esika esika di kaunava mina masi Varika amiye ma ini vava di vabara gutuna resi ini nemokori nugai feidego.

John 14:12

Rama iniye ya nida: kaere na rofu mokena vari gira aego amiye bi reremama na yaku reida kana ka rego—ye mina kana maka de, idu isivaga iniye, adina na bi nai Baba rofu bogida dada.

John 6:47

Rama iniye ya nida: amiye kaere mokena vari gira na rofu aego bi toga toga ameibobina vegu moigo.

Luke 24:4

Mina ini mokena moi forovai reyori, bi amiye remanu ina atafu are reyadi, kaere ini varuka bi kama kama iniye.

Matthew 26:24

Adina Amiye di mida bi muyego, bura reyadi kana, idu mina amiye rofu bi iriyeduka no iniye, kaere bi Amiye di mida siri rego! Buni bi mina amiye bi vata de niyagadu vonisi.”

John 21:18

Rama iniye ya nida, ya goduari bi ya kaya farasi resi goidu digi ura regamo bi digamo. Idu ugava nigasa vana roto rigiya, ma amiye be ya farasi resi bi goidu digi ura de regiyari, bi ya afei digedi.”

John 8:51

Rama iniye ya nida: amiye yokoi nai ago neidesi anema yora nigo vonisi, bi toga de muyego.”

John 6:32

Kamini Iesu ina vene rofu niyo, “Rama iniye ya nida, bi diya Moses kaere bi omari beredi ya maro, idu nai Baba yaku omari gutuna beredi rama ya mado.

John 3:5

Ma nikabai reyo, “Rama iniye ya nida, amiye yokoi yaku Sei di ourefeidena amena sana bi de dui rego bogo ina bi koru ma Vima dudu vata nigo mamo.

John 16:20

Rama iniye ya nida: ya isaka nisi guruo regedi, idu kono tora noibanu di vene ada regedi; ya iriyeduka regedi, idu yi iriyeduka rena kero resi ada rena nigo.

John 13:16

Rama iniye ya nida: moimai rei tavoi redo amiye ini varika amiye ebu de rego, ma nifeidena amiye ka bi nifeidedo amiye ebu de rego.

John 10:7

Mina dada Iesu dudusa niyo, “Rama iniye ya nida: na bi mamoe di ida vena.

John 6:53

Ye Iesu yaku niyo, “Rama iniye ya nida: Amiye di mida di roaita ma ini dava de irigedi vonisi, vegu bi ya vene ideri de amebigo.

John 5:27

kota regi di vava maro, bi Amiye di mida dada.

John 5:19

Mina resi Iesu yaku niyo, “Rama iniye ya nida: Mida yaku inike beika yokoi de rego; ini Baba yaku beika redo, mina vesi maka redo. Adina beika Baba yaku redo bi Mida ka makai redo.

John 3:3

Ma nikabai reyo, “Rama iniye ya nida: amiye yokoi yaku Sei di ourefeidena amena sana bi de vego, idu ina bi dudusa vata nigo mamo.”

Matthew 9:6

Idu ya vei mama regedi Amiye di mida bi vava nufa konori vegu no koite makugo”—kamini dibo anua amiye rofu niyo, “Dadisi yi maduna vanau moisi yi yavari di!”

Matthew 8:20

Ma nikabai resi niyo, “Sufa auna bi ini fore ruba nufa ma erena odoro didedi bi ini buri nufa, idu Amiye di mida bi ini ada aesi raudai rena sana bi koina.”

John 16:23

“Mirona medari, beika yokoi na rofu usa de nigedi. Rama iniye na nida: beika baika nai roka dudu nai Baba rofu usa nigedi, bi ya mago.

John 13:38

Ma nikabai reyo, “Na dada yi vegu eyaregiya ba? Rama iniye ya nida: kokoro raka nina koderi, bi uru regode na nisui regiya.

John 8:58

Ma nikabai reyo, “Rama iniye ya nida, Abraham vata nina koderi, ‘Na bi’.”

John 8:34

Ma nikabai reyo, “Rama iniye ya nida: amiye tau gade, kaere vegu no rededi, bi vegu no di moimai rei tavoi rededi vene.

John 6:26

Iesu yaku ina vene rofu nikabai reyo, “Rama iniye ya nida: ya na maina rededi, diya nai rebe veyadi dada, idu beredi irisi uka bere niyadi dada.

John 1:50

Ma niyo, “Ya bi fuka yabo gabireri ya vesi nida, dada mokena vari gira aesa ba? Beika baika tora besa vegiya!”