John 1:16 - Sei di Uka Ago Ruaka di Buka Bedakai

¹⁶ Kamini una tau vakoi Ini vabara tora gutuna uni buni tora gade moi tanu resi moiyafa.

John 1:16 Referans Kwoze

Colossae vene 1:19

Adina Sei ini Mida ideri, iniye kana vata bae vau resi amedo vegasa ada regamo.

Rome vene 5:2

Una ka ina dudu uni mokena vari gira aena dudu, Sei di buni tora gade di sanari gua are resifa mini, resi gua Sei di vabara nufa amegifa rofu, uka mokena dudu ada regifa!

Ephesus vene 3:19

Keriso di uka mana diba nina ebu redo, mina ka diba niyaganedi, ye Sei di noibanu yaku ya moi vata baeyaine.

Ephesus vene 1:23

Mina ekalesia vene bi Keriso di roaita kana; Keriso bi beika tau noibanu ideri amedo ma mina vene bi ina yaku moi vata baena iniye reyo.

Rome vene 5:17

Ye, amiye yokoi maka vegu no reyo dada, ye muyena mina amiye yokoi maka dada ourefeideyo, ye besa besa kaere Sei di buni tora gade ma davana de nufa mokena rorobo moiyadi vene, bi amiye yokoi maka Iesu Keriso dada veguri ourefeidegedi.

John 3:34

Adina Sei yaku nifeideyo amiye bi ini ago nido, Sei yaku Vima di beika baika tau gade mado dada.

1 Peter 1:2

Baba Sei senagi ya diba nisi auba reyo ma ini Vima ya akeke rigo, ye Iesu Keriso di ago neidegedi ma ini dava yaku ya moi ruaka rigo. Sei di buni tora gade ma ini uka amuta ya rofu besa tanu maraine.

Matthew 13:12

Adina kaere ini beika baika nufa, bi besa tau gade moi tanu mago; idu kaere ina rofu bi de iniye iniye nufa, ka ina rofu amedo bi moi dairigo.

Colossae vene 2:3

ma mokena vabara ma diba nina di gugura buni tau noibanu bi ini ideri moi sui rido.

Rome vene 8:9

Idu rama bi Sei di Vima yi ideri amedo vonisi, roaita di ura yaku de ya ourefeidedo; Vima maka ya ourefeidedo. Amiye kaere Keriso di Vima nufa de, bi diya ini.

Luke 21:15

adina na yaku ago ma mokena tora ya magida. Ye yi tuma vene tau bi yi ago kebi rina anua regedi.

Matthew 3:14

John nivaigika niyo, “Ya yaku na babatiso regiya bi buni, idu ya bi na rofu baeyo!”

Matthew 3:11

Na yaku yi vegu no feresi moi etagae rigi koru dudu ya babatiso reida, idu na usi baego amiye ini vava yaku nai vava ebu reyo, ye na bi rorobo de ini yuka ro nurugida. Ina bi Vima kikifa ma ita dudu ya babatiso rego.

1 Peter 1:11

Ina vene bi maina regamadi goina medari vata nigo ma gokai kana dudu ogau nigo. Mina bi meda Keriso di vima, kaere ina vene dudu yaku ninegau reyo; niyadi Keriso bi esika esika moigo, ma gabi bi ini vabara ogau nigo.

Rome vene 5:20

Idu ago gira bi obe rena vegu tora nigi moi dui reyo, ye goinari vegu no rena tora niyo, buni tora gade ka besa tora ni vau reyo.