John 1:12 - Sei di Uka Ago Ruaka di Buka Bedakai

¹² Idu amiye tau gade kaere faiva nisi ini roka fafau mokena vari gira aeyadi, bi Sei di mida mida nigi di vava maro.

John 1:12 Referans Kwoze

Galatia vene 3:26

Adina ya tau gade bi mokena vari gira Iesu Keriso aena dudu Sei di mida mida niyadi.

Rome vene 8:14

Ini adina amiye tau gade kaere Sei di Vima yaku ourefeidedo bi Sei di mida mida.

1 John 3:1

Va mokefa, uni Baba di uka mana di gokai una rofu bi sena maro, ye una bi ini mida mida vo nibiyagane. Una bi rama iniye ini mida mida. Mina resi kono tora noibanu di vene bi una toto, adina ina vene bi Sei toto.

Galatia vene 4:6

Adina ya bi ini mida mida dada, Sei yaku ini Mida di Vima uni ukari nifeideyo ma raka nido, “Baba, nai Madini.”

John 3:18

Kaere ina rofu mokena vari gira aedo bi kota de rego, idu kaere yaku mokena vari gira de aedo bi sena kota reyo, adina bi Sei di mida yokoi maka di roka rofu mokena vari gira de aeyo.

Colossae vene 2:6

Mina dada, Varika amiye kana Iesu Keriso moiyadi, inasa nana rebifa.

Matthew 10:40

“Kaere ya moi dui rego, bi na moi dui rego, ma kaere na moi dui rego, bi kaere yaku na nifeideyo moi dui rego.

John 20:31

Idu mina bura reyo, Iesu bi Keriso, Sei di mida mina rofu mokena vari gira aeyaine dada, ye yi mokena vari gira aena dudu ini rokari vegu moigedi.

2 Peter 1:4

Mina dudu ina yaku ini nitore rena ago di beika baika buni tora gade gade una rofu maro. Ye mina kana vegu dudu, ya bi mina kono di vegu no rena rofu, ori disi Sei di vegu buni rau regedi.

Matthew 12:21

ma tutubena idana vene yaku ini roka rofu uka mokena aegedi.”

1 John 3:23

Sei di ago gira una rofu bi yomini: ini Mida Iesu Keriso di rokari, mokena vari gira aesi ma uniye uniye uka manadi, ini ago gira sena una maro kana.

Moimai di vegu 3:16

Mina bi ini roka di vava yaku mina yuka no amiye rofu yeiva maro. Beika vesi diba niyadi bi mokena vari gira aena di roka dudu reyafa. Mokena vari gira Iesu rofu aena yaku ya vene tau vakoi di neri moi buni riyo.

John 11:52

mirona vene dada maka de, idu Sei di mida mida gagani gaganiri rerevaida niyadi ka egogo resi moi yokoi maka rigo.

John 1:7

Ina deyo bi mina vabara di beika veyo kana mina niokugika, ye tau gade mina ago neidesi mokena vari gira aeyaganedi.

Matthew 18:5

Ma kaere yaku nai roka dudu mida yokoi makai kana moi dui rego, bi na moi dui rego.

John 2:23

Iesu bi Jerusalem ri Ferei ebu rena irakunari amegasa rebe bedakai reyori, amiye tau yaku mina mokena vegu vesi ina rofu mokena vari gira aeyadi.

John 1:11

Iniye di gaganiri deyo, idu iniye di vene yaku faiva de niyadi.

Rome vene 8:16

Vima iniye yaku uni vimasa ninegau resifa una bi Sei di mida mida.

Rome vene 8:19

Ini adina beika tau Sei yaku riyo bi uka dadina dudu, Sei di mida mida moi ogau rina meda tua rededi.

1 John 3:2

Nai uka maida vene, ruika una bi Sei di mida mida. Gabi una bi gokai kana bi ogau nina kode. Idu, yomina una diba: Keriso ogau nigori, una bi ina kana nigifa, adina ini rama iniye vegifa.

1 John 3:10

Mina bi gokai diba nigifa kaere bi Sei di mida mida ma kaere bi Bodaka di mida mida: kaere amiye mokena rorobo de rebigo bi Sei di mida de, mina kana kaere ini usika ourena uka de mago ka makai.