John 1:1 - Sei di Uka Ago Ruaka di Buka Bedakai

¹ Senagi beika baika rina koderi, Ago bi sena amegamo; mina Ago bi Sei sa, ma mina Ago bi Sei.

John 1:1 Referans Kwoze

John 17:5

Ma Baba o, gua yi nemokori nai roka moi odoro ri, sena mina kono rina koderi yasa amegasa vabara nufa kana.

Niokuna sina 19:13

Ini akuyo varuka doba bi davari biriyo. Ini roka bi “Sei di ago,” vo nido.

Colossae vene 1:17

Ma beika tau noibanu bi amena koderi, ina bi sena amegamo, resi ina yaku mina beika tau noibanu moi gogo resi adora rido.

John 1:14

Ma mina Ago bi amiye iniye nisi uni fogori amegamo. Ini vabara bi veyafa; mina vabara bi Baba rofu ini Mida yokoi maka fafau deyo kana, ma ini Baba bi buni tora gade ma rama iniye yaku vata baeyo.

Niokuna sina 22:13

Na bi ouresi ma gabi mamo, ouresi ma turi, adina ma metona bi na.”

John 1:2

Ini adinari gutuna ina bi Sei sa amegamo.

Niokuna sina 1:8

Varika amiye Sei yeiva iniye kaere amedo ma ameyo ma amego yaku niyo, “Na bi ouresi ma gabi mamo.”

Philippi vene 2:6

kaere bi Sei kana ini vava nufa, idu bi Sei sa gogo nina yokoi maka kana, mokena moigi de mokeyo.

Matthew 1:23

“Rumanasa varena kode rema yokoi yaku rivo nisi rumana mida odigo, ye ini roka nigedi bi Immanuel” (ini adina bi, “Sei bi unasa”).

Niokuna sina 21:6

Resi ka na niyo, “Koina niyo mini! Na bi ouresi ma gabi, kora rena ma metona. Koru vaido amiye rofu davana yokoi de nufa, vegu amena di buruka koru magida.

Hebrew vene 13:8

Iesu Keriso bi agiya, gua ma toga toga idana de nido.

1 John 5:20

Una una diba Sei di Mida bi dego ma vei mama rena, mina una maro, ye una diba amiye kaere bi rama iniye. Uni vegu bi mina amiye rama iniyesa amesifa—mina bi ini Mida Iesu Keriso sa. Ina bi Sei rama iniye, ma toga toga ameibobina vegu.

1 Timothy 3:16

Ye Sei di sui ago bi tora yo nisifa: Amiye di roaita dudu ogau niyo, ma Vima yaku ina bi rama mina nioteimaro, ma Sei di naivo naivo vima yaku veyadi. Gagani gagani di vene di fogori ago nirausi reyadi, ma kono tora noibanu vene mokena vari gira ina rofu aeyadi, ma vabara dudu omari afei boyo.

John 16:28

Na Baba gutuna desi konori dui reyaka, ye gua kono feresi nai Baba rofu digida.”

Niokuna sina 1:17

Na yaku ina veyakari, muyena kana ini yuka adinari abouyaka. Ma ini vana rama na fafau aesi niyo: “Ori ga re! Na bi ouresi ma gabi.

John 20:28

Ye niyo, “Nai Varika amiye ma nai Sei!”

Titus 2:13

Uni isivaga iniye Sei ma Moi vegu rina amiye Iesu Keriso di vabara ogau nigo, bi mina ada rena meda uka mokena aena nari resifa,

Hebrew vene 7:3

Ini nono baba ma tutubena nufa de; ka bi vata niyo ma muyeyo meda nufa de. Idu Sei di mida kana toga toga Sei ma amiye utari naivo amiye amedo ma ameibobigo.

Niokuna sina 3:14

“Laodicea ekalesia vene di naivo naivo vima rofu bura re: “Mina bi Ago rama, vegu rama resi ninegau redo amiye rama ma Sei yaku beika baika tau gade riyo, di ourefeidena amiye di sina.

Ephesus vene 3:9

Sei yaku beika baika tau noibanu risi ini nisui ago di nirorotari rena ago bi senagi senagi sui niyo ma amegamo, ye gua na yaku amiye tau noibanu rofu mina moi ogau rida.

Niokuna sina 1:2

kaere bi Sei di ago ma Iesu Keriso di niokuna ago tau veyaka mina niogau reyaka.

1 John 5:7

Niokudedi vene bi regode:

Rome vene 9:5

Ini tutubena bi roka tora nufa vene, ma Keriso ina vene rofu vata niyo, kaere bi beika baika tau noibanu odoro di Sei ma toga toga buni tora gade mado! Rama.

John 1:18

Yokoi yaku Sei vena de, de iniye, idu ini Baba di eta rofu amedo amiye yaku una fafau Sei yokoi maka moi ogau riyo.

Niokuna sina 2:8

“Symrna ekalesia vene di naivo naivo vima rofu bura re: “Mina bi kaere bi ouresi ma gabi, ka bi muyesi dadisi vegu niyo amiye di sina.

2 Peter 1:1

Mina bi na Simon Peter, Iesu Keriso di moimai rei tavoi reida amiye ma nifeidena amiye— Mina bi uni Sei kaere bi Iesu Keriso moi vegu rina amiye di mokena rorobo dudu bi una kana mokena vari gira aena buni moiyadi vene di:

Niokuna sina 1:11

Yomakai niyo, “Beika veisa bi bukari bura resi dubu rofu mina taoni 7 ri moi feide: Ephesus, Smyrna, Pergamum, Thyatira, Sardis, Philadelphia ma Laodicea.”

Luke 24:53

Kamini Sei nivakena yavari ari neinei Sei rofu buni tora gade magamadi.

John 8:58

Ma nikabai reyo, “Rama iniye ya nida, Abraham vata nina koderi, ‘Na bi’.”

Colossae vene 1:15

Keriso bi vena de Sei di rama iniye kana; ina bi beika baika tau noibanu rina koderi, bi amegamo. Sei yaku beika baika tau noibanu riyori, Keriso bi mina noibanu fafau ini vava nufa.