James 2:8 - Sei di Uka Ago Ruaka di Buka Bedakai

⁸ Idu Sei di ago dada, ini ourefeidena amena sana di ago gira neidegedi vonisi, “Ya kaya uka maisa kana, yi atafu amedo amiye ka uka ma,” ya bi rei mona rededi.

James 2:8 Referans Kwoze

Galatia vene 5:14

Adina ago gira noibanu bi sina yokoi makari mini: “Ya kaya uka maisa kana, yi atafu amedo amiye uka ma.”

James 2:12

Mina dada ago nisi makai refa, erufuna ago gira dudu kota redo vene kana.

Matthew 22:39

Ma usika bi ouresi kana: ‘Ya kaya uka maisa kana, yi atafu amedo amiye uka magiya.’

Galatia vene 6:2

Ya kaya ya kaya di maduna aedesi uakaifa, ye makai Keriso di ago gira moi vau regedi.

1 Peter 2:9

Idu ya bi ini abidi reyo vene, kini di Sei ma amiye utari di naivo vene, gagani tora kikifa vene ma Sei iniye di vene, ye Sei di vegu buni buni niogau regika, kaere mukunari gutuna ini vabara buni vayavayari ya raka ni moi yakuyo.

James 1:25

Idu kaere amiye mina erufuna ago gira rorobo vei ufatesi ini vegu toga rego vonisi, bi buni tora gade moigo; ina bi ago neidesi toto nina de redo amiye, idu ini vegu redo amiye dada.

1 Thessalonica vene 4:9

Ma gua usika ourena rofu uka mana bi ya rofu de bura regifa, adina mina bi Sei yaku ya kaya ya kaya uka maraganedi sena ya oteimaro.

Philippi vene 4:14

Idu buni iniye ya yaku nai toeri, nasa rau resi aedeyadi.

Matthew 25:23

Ma niyo, ‘Rei mona reyo; ya bi nai vana rama rena moimai rei tavoi reisa amiye buni! Beika keika ya maraka bi nari rei mona reyo mini; na yaku beika tau ourefeideyainedi ya magida. Baesi yi varika amiyesa ada regasa amebi!’

James 2:19

Ya mokena vari gira aesa Sei bi yokoi maka; rei mona reisa! Vima no ka mokena vari gira aesi ori dudu tururu rededi.

Matthew 25:21

Ma niyo, ‘Rei mona reyo; ya bi nai vana rama moimai rei tavoi reisa amiye buni! Beika keika ya maraka bi nari rei mona reyo dada, beika tau nari reyainedi ya magida. Baesi yi varika amiyesa ada regasa amebi!’

Matthew 7:12

“Mina dada ya ura rededi amiye yaku beika tau ya rofu rebigedi, ya ka ina rofu makai refa. Adina mina bi Moses di ago gira ma Sei di ago niyadi vene di ago di adina.

Rome vene 13:10

Uka mana yaku atafu amedo amiye rofu vegu no yokoi de redo; mina dada uka mana bi ago gira moi rama aedo.

James 4:11

Usika ourena, amiye idana rofu ni no ga refa. Kaere amiye yaku tobaini o dubuini rofu ni no rego o kota rego, bi ago gira rofu ni no resi mina ago gira kota rego. Idu ago gira kota regiya vonisi, ya bi ago gira neideisa amiye de, idu ini kota reisa amiye.