2 Peter 2:21 - Sei di Uka Ago Ruaka di Buka Bedakai

²¹ Ye mokena rorobo di ida diba toga toga de niyagadu vonisi, bi buni tora gade, idu diba niyadiri, bi ago gira akeke ina maro, mina rofu gedu maradi bi buni de.

2 Peter 2:21 Referans Kwoze

James 4:17

Ye kaere amiye ina bi vegu buni rena ina diba, idu de redo, ina rofu mina bi vegu no reyo.

Luke 12:47

“Ma mina moimai rei tavoi redo amiye, kaere bi ini varika amiye di mokena diba, idu yomakai kana dogo de resi de rego, bi ubobo tora gade rego.

John 15:22

Na de baesi ina vene rofu niyaka vonisi, bi vegu no nufa de, idu gua ini vegu no rofu ago yokoi nigi anua regedi.

1 Thessalonica vene 4:2

Adina ya ya diba beika ago gira bi Varika amiye Iesu di vava dudu ya marafa.

John 9:41

Ma niyo, “Ya bi ne taufa vonisi, ya bi vegu no de vene niyagadu, idu ya gua nidedi, ‘Vesifa,’ ye yi vegu no bi toga amededi.”

Matthew 21:32

Adina John bi mokena rorobo di ida ya oteimagika diyo ma ya bi ina rofu mokena vari gira de aeyadi; idu fore butu rededi vene ma koa rededi vene bi mokena vari gira aeyadi. Ma mina ka veyadi usi mokena kero de resi mokena vari gira de aeyadi.

Rome vene 7:12

Ye Moses di ago gira bi kikifa, ma ini ago gira neinei bi kikifa, mokena rorobo nufa ma buni.

Galatia vene 6:2

Ya kaya ya kaya di maduna aedesi uakaifa, ye makai Keriso di ago gira moi vau regedi.

1 Timothy 6:14

Mina ago gira kino de ma butigi yokoi de nufa, neide bogo uni Varika amiye Iesu Keriso ogau nigo mamo.

Hebrew vene 10:26

Ini adina ago rama diba niyafa, ye gabi uni mokena dada toga vegu no ura regi rebigifa vonisi, ka bi vegu no rofu ori sisika rena yokoi de rego.

2 Peter 3:2

Yi mokena moi dairisi beika vo nigedi di ago, Sei di ago niyadi vene akeke yaku niyadi ma Varika amiye ma Moi vegu rina amiye di ago gira bi yi nifeidena vene yaku ka ya niyadi, mina mokeyagadu.

Jude 1:3

Nai uka maida vene, na bi nai mokena tora noibanu dudu, una moi vegu rina sina vakoi resifa, mina ya rofu bura reida. Ye nai mokena bi ya rofu bura resi ya egira regida, ye mokena vari gira aena di ruda reyagane, goina bi Sei yaku uru yokoi maka ini vene maro.