1 Peter 4:19 - Sei di Uka Ago Ruaka di Buka Bedakai

¹⁹ Mina dada kaere Sei ini ura dudu esika moigedi, bi vegu buni renari ini vima oma ma kono riyo amiye rofu refo; ina toga ini ago nina redo.

1 Peter 4:19 Referans Kwoze

2 Timothy 1:12

Mina resi na bi mina rofu gurauga ameida. Idu na bi maena de reida, adina na na diba kaere rofu na bi mokena vari gira aeyaka, resi na bi nai mokena moida, beika na rofu nimaro, ina yaku na nari rego bogo mina Keriso di dairina meda okigo.

1 Peter 3:17

Adina bi buni fafau esika moigedi bi buni, Sei ina ura redo vonisi, idu vegu no rena fafau esika moina bi buni de.

1 Peter 2:15

Adina Sei yaku ini beika ura redo, bi yi beika buni rededi yaku ada de amiye di ada gira ago moi bere rigedi.

Rome vene 2:7

Amiye kaere vegu buni renari, are rei gira rena dudu vabara, kikifa rena ma moi no de rena, mina maina rededi, Sei bi ina vene rofu toga toga ameibobina vegu mago.

Moimai di vegu 7:59

Fore dudu ugamadiri, bi raka nisi niyo, “Varika amiye Iesu, nai vima moi!”

Luke 23:46

Ma goroka tora dudu raka nigasa niyo, “Baba, yi vanari nai vima fereida!” Mina nisi asa youfeideyo.

1 Peter 3:20

adina mina vima bi senagi Sei di ago obe regamadi, Noah di medari, Sei yaku toro reyori, sisima akugamadiri. Ye mirona ituari amiye be—ini naba bi 8—koru dudu moi vegu riyo.