1 Peter 2:24 - Sei di Uka Ago Ruaka di Buka Bedakai

²⁴ Iniye ini roaitari uni vegu no satauro odorori uakaiyo, ye gokai vegu no dudu muyesi vegu rorobo dudu amegifa. Mina bi ini ara yaku ya moi buni riyadi.

1 Peter 2:24 Referans Kwoze

Matthew 8:17

Beika Sei di ago niyo amiye Isaiah yaku niyo makai moi rama aeyo, “Ina kaya uni roaita afi rena ma uni gauka moi etagae riyo.”

Rome vene 6:11

Mina resi ya kaya vegu no rena rofu muyeyadi kana, ma Iesu Keriso dudu, Sei rofu vegu nidedi kana ka mokeyaganedi.

Niokuna sina 22:2

Taoni di ida tobori iyana reyo, ma ini eta berou berou rofu, bi vegu amena di yabo ini meko bouna bouna 12 nufa are reyo. Ina bi eyo neinei ini rama meko varego. Mina yabo di iye bi gagani gagani vene di moi buni rina rofu.

1 John 2:29

Ya ya diba bi mokena rorobo amiye vonisi, mina resi diba nigedi, kaere amiye mokena rorobo rebigo bi Sei di mida kana vata niyo.

James 5:16

Mina resi, ya kaya ya kaya yi vegu no niogau resi usa usa nifa, ye bi buni niyagane. Mokena rorobo amiye di usa usa bi ini moimai renari vava iniye nufa.

Hebrew vene 9:28

ye Keriso kaere bi amiye tau di vegu no koite makugi, uru yokoi maka ini vegu maro, bi dudusa ogau nigo; vegu no koite makuna rofu de, idu ina rofu uka dadina dudu tua rededi vene moi vegu rigika dego.

Galatia vene 3:13

Keriso una rofu kiraini moisi ago gira di kiraini una erufuyo, adina bura reyo, “Amiye tau gade kaere umuyesi yabo odoro ikigedi bi kiraini nigo.”

Rome vene 6:2

Ide, ide iniye! Vegu no rena rofu muyeyafa—ye gokai vegu no renari toga ameibobigifa?

Colossae vene 3:3

Adina ya bi muyeyadi ma yi vegu bi Keriso sa Sei ideri sui niyo.

Rome vene 6:13

Yi roaita di eta yokoi bi mokena rorobo de moimai gugura dada, vegu no rofu mana ga refa, idu amiye kaere muyena gutuna dairisi vegu maro kana, ya kaya Sei rofu mafa, resi ka yi roaita di eta yokoi mokena rorobo di kana, Sei rofu mafa.

John 1:29

Ari uveyori John yaku Iesu ina rofu baedo ma vesi niyo, “Sei di Mamoe mida mini, kaere yaku kono tora noibanu vene di vegu no erufudo!

Rome vene 7:6

Idu una bi senagi ago gira gutuna erufuyo, beika una diburari aeyo, mina rofu muyeyafa dada, ye bura reyo ago gira kori di ida dudu naivo de resifa, idu gua Vima di ida ruaka dudu Sei naivo resifa.

1 John 3:7

Nai mida mida, amiye yokoi ga ya eru reyaine. Kaere yaku vegu rorobo redo bi mokena rorobo redo amiye, Keriso iniye bi mokena rorobo rena amiye kana.

Rome vene 6:7

Adina amiye kaere muyeyo bi vegu no rena di vava gutuna erufuyo.

Rome vene 6:16

Ya ya diba ya yaku kaere rofu moimai rei tavoi rei neidededi amiye kana, ya kaya madedi, bi neidededi amiye rofu ini naivo naivo rei tavoi rededi vene nigedi—kamini bi vegu no rena rofu, bi muyena di ida mini; o bi neidena rofu, bi mokena rorobo di ida mini.

2 Corinth vene 6:17

Varika amiye ka niyo, “Mina dada ina vene feresi ina rofu ya kaya moi gaima rifa. Beika baika bi kino avaka moina ga refa, ye na yaku ya afei dui regida, vo niyo.

Moimai di vegu 5:30

Ya vene yaku satauro odorori ikoko resi umuyeyadi fufutari bi uni tutubena di Sei yaku Iesu muyenari gutuna moi dadiyo.

Luke 4:18

“Varika amiye di Vima bi nasa, na vo niyo dada, sina buni irava vene rofu nirausi regida. Ina na nifeideyo, bi dibura vene nigida bi moi younesi ne taufa vene bi dudusa nene reyagane; moke itu vene erufugida.

Matthew 5:20

Ye ya nida, yi vegu rorobo rededi bi ago gira oteimana vene ma Pharisee vene di vegu ebuna de reyo vonisi, ya bi Sei di ourefeidena amena sana omari toga toga de dui regedi.

Hebrew vene 12:13

Yi yuka di ida moi rorobo rifa, ye yuka no bi besa no iniye de nigo, idu moi buni rigo.

Moimai di vegu 13:29

Beika baika ina rofu Sei di ago bura reyadi kana minari rei vau reyadi fufutari, bi satauro gutuna moi soka resi muyena guriri aeyadi.

Moimai di vegu 10:35

Kaere yaku ina nivakesi vegu rorobo redo amiye bi Sei yaku moi odoro rido, ina goina gagani rofu di bi de mokedo.

Hebrew vene 7:26

Ini adina bi buni iniye una bi Sei ma amiye utari naivo amiye tora mina kana nufa, kaere bi kikifa, vegu no nufa de, ini vegu bi kino de, ma vegu no rededi vene moi tae risi oma odorori ini roka moi odoro riyo.

Colossae vene 2:20

Ya yaku Keriso sa kono di vima di vava gabireri gutuna muyeyadi dada, beika resi konori amededi kana, ago gira gabireri raga rededi?

Rome vene 6:22

Idu gua vegu no gutuna erufuyo ma Sei di naivo naivo rei tavoi rededi vene niyadi, ye ya beika moidedi, bi moi akeke rina rofu ourefeidedo; ini dairina bi toga toga ameibobina vegu.

Moimai di vegu 10:39

Una bi uniye uni nemoko dudu veyafa, beika vegu tau Jerusalem taoniri ma Jew vene di gagani noibanuri reyo bi. Mina resi bi umuyeyadi; yabo odorori ikoko reyadi.

Matthew 27:26

Mina usi ina vene rofu Barabbas erufuyo; idu ago gira maro ma Iesu buburu vai reyadi ma satauro ikoko reyaganedi iya rededi vene di vanari aeyo.

Ephesus vene 5:9

Adina vabara di meko bi buni vayavaya, mokena rorobo ma ago rama tau noibanuri baku rededi.

John 19:1

Kamini Pilate Iesu afei boyo ma buburu vai reyadi.

Philippi vene 1:11

Ye yi veguri bi mokena rorobo butu resi vata baego; mina bi Iesu Keriso dudu baego, ini vabara ma Sei di roka moi odoro rina rofu.

Mark 15:15

Ye amiye tau di uka moi ada regi, Pilate yaku Barabbas ina vene rofu erufusi ago masi Iesu iya rededi vene di vanari aeyo, buburu vai resi satauro ikoko reyaganedi.

1 Corinth vene 15:3

Adina na siko beika ago bi buni vayavaya ma moiyaka bi mina ya oteimaraka. Mina bi: Keriso bi Sei di ago dada uni vegu no rofu muyeyo;

Colossae vene 2:14

Mina ago gira di bura reyadi sina una tourage regamadi bi, sataurori ikoko reyadiri, ina yaku mina sina moi uroro reyo.

Hebrew vene 10:5

Mina resi, Keriso konori digasa yomakai niyo: “Ya bi ori sisika rena ma aira mana ura de reyo, idu ya yaku roaita yokoi na rofu dogo reyo.

Hebrew vene 10:10

Ma Sei di ura dada, Iesu Keriso di roaita aira mana dudu, uru yokoi makari una tau noibanu moi akeke riyo.