Repelesin 4:11 - Kobon

¹¹ “God Bɨ Kub hon! Nɨbi bɨ magöŋhalö gau, ne Bɨ kub ke yabɨƚ, a göm, hib ne haglö adö araŋ. Nɨbi bɨ magöŋhalö gau, ne Bɨ aij ke yabɨƚ, a göm, hib ne haglö adö araŋ. Nɨbi bɨ magöŋhalö gau, ne Bɨ kƚö ke yabɨƚ, a göm, hib ne haglö adö araŋ. Ne nan gau magöŋhalö gɨ lɨna. Ne nöp hagö, nɨbi bɨ mɨdöm, nan gau magöŋhalö mɨdöp,” a gaböl.

Repelesin 4:11 Referans Kwoze

Repelesin 5:12

Pen meg mɨgan dap ranöm kɨmap hagöl gɨ hagla, “Sipsip Pi al pak lɨla u, nɨpe aij yabɨƚ. Nɨpe nan gau magöŋhalö gɨ la, a gun, hib nɨpe hagno adö araŋ. Nɨpe nan ap uƚep lagöp, a gun, hib nɨpe hagno adö araŋ. Nɨpe gasɨ aij ke yabɨƚ mɨdöp, a gun, hib nɨpe hagno adö araŋ. Nɨpe kƚö ke yabɨƚ mɨdöp, a gun, hib nɨpe hagno adö araŋ. Nɨpe aij ke yabɨƚ mɨdöp, a gun, hib nɨpe hagno adö araŋ. Nɨpe mailö aij ke halö mɨdöp, a gun, hib nɨpe hagno adö araŋ. Nɨpe hib ke halö mɨdöp, a gun, hib nɨpe hagno adö araŋ,” a gɨla.

Repelesin 10:6

Anɨg göm, God pör nöp pör nöp kamɨŋ mɨdöp u, kumi kabö adö laŋ nan gau magöŋhalö gɨ la u, mɨnöŋ naböŋ nan gau magöŋhalö gɨ la u, ñɨg solwara nan gau magöŋhalö gɨ la u, God nɨŋö anɨbu mɨdöp rö nɨŋö yabɨƚ hagabin a göm haga, “God mɨñi rapɨn mɨdagnab!

Repelesin 14:7

Wɨñ kub alöm haga, “God nɨpe manö kub hagnab ñɨn u hadö auöp rö, God nɨp anɨnɨn gö pɨñɨŋ gɨmim. Bɨ Kub kumi kabö adö laŋ, mɨnöŋ naböŋ iƚ i, ñɨg solwara, ñɨg ilam gau magöŋhalö gɨ la u, hib nɨpe u hagpe adö araŋ,” a ga.

Repelesin 5:9

Pen kale kɨmap gɨsön nɨbö ap hagöm hagla, “Nöp al pak lɨlö, hagape ne lugö, nɨbi bɨ ram mɨnöŋ ke ke mɨdpal rö, iƚ ke ke mɨdpal rö, manö yabɨƚ ke ke hagpal rö, hañ ke ke löp rö, ne rauna nɨŋöm kale God nɨbi bɨ nɨpe mɨdpal. Anɨb u me, ne nöp köp wam adɨk aij ga anɨbu, hubɨk pɨƚai gɨ nɨŋmön rö mɨdöp.

Hibru 1:10

God manö rɨmnap halö hagöm haga, “Bɨ Kub, ne ke hadame dagol gau nöp mɨdmön, mɨnöŋ naböŋ iƚ i gɨ löm, kumi kabö au ñɨmagö ne gɨ lɨna.

Romans 11:36

Nɨhön gɨnɨg: God nɨpe nan gau magöŋhalö gɨ la; kƚö nɨpe nöp nan anɨb gau magöŋhalö mɨdöp; nan anɨb gau magöŋhalö God nɨp ñɨñɨ löl gɨ mɨdöl. Anɨb u, hib nɨpe u pör pör nöp hagno adö arnɨm! Anɨb unbö rö aij.

Epesas 3:9

Pen God nɨpe ram mɨnöŋ iƚ i mɨdöp nan gau, nan kumi kabö adö laŋ mɨdöp nan gau magöŋhalö gɨ la u, nɨpe ke nöp gö manö anɨbu pi göl mɨdmɨdöp. Pen uri God yɨp hag lö, yad manö pi göl mɨdmɨdöp anɨbu nɨbi bɨ magöŋhalö gau kalɨp waiö hag ñabin.

Aposɨl 14:15

“Kale nɨhön gɨnɨg anɨg gabim? Hol mɨhöŋ god wasö! Kale nɨbi bɨ yabɨƚ mɨdpim rö, hol u rö nöp unbö rö mɨdpun. Hol Jisas Krais manö aij nɨpe u kalöp hag ñɨnɨg aubul. God nɨpe kumi kabö laŋ gɨ löm, mɨnöŋ naböŋ iƚ i gɨ löm, ñɨg solwara u gɨ löm, nan nɨhön nɨhön mɨdöp gau magöŋhalö gɨ löm, ga. Hol kalöp Krais manö aij u haglo, nan yɨharɨŋ piral sabe gabim gau arö gɨmim, God kamɨŋ mɨdöp u nöp sabe gɨ mɨdaimim, a gul, kalöp hagabul.

Aposɨl 17:24

“God mɨnöŋ naböŋ iƚ i gɨ löm, nan mɨnöŋ naböŋ iƚ i mɨdöp gau magöŋhalö gɨ löm ga u, nɨpe Bɨ Kub yabɨƚ. Kumi kabö adö laŋ abe, mɨnöŋ naböŋ iƚ i abe, Bɨ Kub mɨdöm abad mɨdöp. Nɨbi bɨ gau God sabe gep ram ñɨmagö kale gɨ lɨlö, nɨpe ap ram aŋ anɨb gau mɨdagnab, wasö.

Repelesin 5:2

Pen yad nɨŋnö, God ejol kƚö yabɨƚ ap wɨñ kub alöm haga, “Nɨbi bɨ an rö nagɨ lɨla i hubɨköm, köp anɨb i pɨƚai gɨnɨm rö löp?” ö ga.

Hibru 1:2

Pen ñɨn hain mɨdpun i, Ñɨ nɨpe ke yuö apöm hanɨp manö hag ña. God hagö, Ñɨ nɨpe ram mɨnöŋ nan gau magöŋhalö hadame dagol gau gɨ la. God hagö, Ñɨ nɨpe ram mɨnöŋ nan gau magöŋhalö abad mɨdeinab.

Repelesin 1:6

Hon Kiŋ kub Jisas Krais ram nɨpe mɨdun, Nap God nɨp sabe gep nɨbi bɨ nɨpe mɨdpun. Anɨb u, Jisas Krais, Bɨ mailö aij halö u, Bɨ kƚö yabɨƚ u, hib nɨpe u pör nöp pör nöp hagno adö arnɨm! Anɨb unbö rö aij.

Repelesin 19:1

Ejol kƚö ke yabɨƚ u manö anɨbu hag pɨs ga nɨŋöm yad gu kub yabɨƚ apdi nɨŋnö. Gu anɨbu, nɨbi bɨ iru nöp kumi kabö adö laŋ mɨñ mɨñ göl gɨ, meg mɨgan dap ranöm hagla, “God hib nɨpe hagno adö araŋ! God hon nöp nɨbi bɨ ud kamɨŋ yuab. God hon nöp mailö aij ke halö mɨdöp. God hon nöp bɨ kƚö ke yabɨƚ mɨdöp.