Repelesin 21:3 - Kobon

³ Pen yad apdi nɨŋnö, sea kiŋ mɨdeia aŋ au nɨbö, manö kub wɨñ al hagöm haga, “Mɨñi rɨköm, God nɨpe ke nɨbi bɨ gau aip ram gɨ löm mɨdeinab. Nɨpe nɨbi bɨ gau aip han mɨdeinab nɨŋöm kale nɨbi bɨ nɨpe mɨdeinaböl. God nɨpe ke kalɨp aip mɨdöm, God kale mɨdeinab.

Repelesin 21:3 Referans Kwoze

2 Korid 6:16

God kamɨŋ u, hon sabe gep ram nɨpe mɨdpun. God nɨpe haga, “Yad aŋ kalɨp gau mɨdem, God kale u mɨdnö, kale pen nɨbi bɨ yad mɨdeinaböl,” a ga. Pen God sabe gep ram aip, nan yɨharɨŋ sabe gɨpal nan piral gau aip, manö ap hag adö añɨ löm gɨlö arnɨm rö lagöp.

John 14:23

Hageia, Jisas haga, “Nɨbi bɨ an yɨp mɨdmagö lɨnab u, manö hagpin u udöm hagpin rö nöp gɨnab. Bapi yad nɨp mɨdmagö löm, hol apɨl nɨp apul, nɨp aip mɨdeinabun.

Hibru 8:10

Yad Bɨ Kub kalöp hagabin, hainö yad Isrel nɨbi bɨ gau kalɨp manö hain nɨbö hagem manö hag adö añɨ lem, lo yad u gasɨ mɨdmagö aŋ kale daŋ lɨ ñɨnö, nɨŋ aij göm gasɨ nɨŋöl gɨ mɨdeinaböl. Anɨb u, yad God kale mɨdeinabin; kale nɨbi bɨ yad mɨdeinaböl.

Hibru 11:16

Pen gasɨ kub kale ara God ram mɨnöŋ aij kumi kabö adö laŋ au. God nɨpe pen kalɨp ram mɨnöŋ ap gɨ lɨ aij ga u me, kale God nɨp God hon a gɨpal u, nɨpe nɨŋö nable gagöp.

Repelesin 7:15

Anɨb u me, “Kale God sea kiŋ iƚ aŋ au mɨdöl gɨ, sɨdö aŋ, sɨbön yaŋ, sabe gep ram raul mɨgan nɨpe u wög nɨpe göl gɨ, gɨpal. Bɨ sea kiŋ bɨs gɨ mɨdöp u kalɨp abad mɨd aij yabɨƚ gɨnab.

2 Korid 6:18

Nap kale mɨdnö, kale ñɨ pai yad mɨdeinabim. Yad Bɨ Kub unbö ke, bɨ gep yabɨƚ u, anɨg hagabin,” a ga.

Repelesin 21:7

Nɨbi bɨ marö auö, gasɨ iru nɨŋagöm, yɨp cɨg göl gɨ nöp mɨdeinaböl gau, kalɨp nan hagajɨn i magöŋhalö ñɨnabin. Yad Nap kale mɨdnö, kale ñɨ pai yad mɨdeinaböl.

John 1:14

Pen Manö anɨbu, nɨpe apöm bɨ hañ romaŋ löm, hanɨp aip han mɨdmɨdöp. Anɨb u, hon mailö magö aij nɨpe hadö nɨŋbun. Nɨpe Bap Ñɨ nɨpe añɨ yabɨƚ u me, Bap nɨpe ke mailö magö aij ke halö mɨdöp rö, Ñɨ nɨpe u rö nöp mɨdöp. Pen nɨpe hañ romaŋ löm bɨ rö apöm, hanɨp magöŋhalö mög nɨŋöm mɨdmagö yabɨƚ löm, God Manö nɨŋö u magöŋhalö hag ñɨ aij gɨmɨdöp.

Repelesin 12:10

Pen manö kub ap kumi kabö adö laŋ au nɨbö hagöm haga, “Mɨñi God nɨpe nɨbi bɨ gau ud kamɨŋ yunab. Mɨñi God nɨpe kƚö nɨpe udöm, nɨbi bɨ ram mɨnöŋ gau gau magöŋhalö Kiŋ kub ke yabɨƚ mɨdeinab. Mɨñi God Krais nɨpe u nöp, Bɨ Kub kƚö ke yabɨƚ mɨdöm, nɨbi bɨ ram mɨnöŋ gau gau magöŋhalö abad mɨdeinab. Nɨhön gɨnɨg: Seden nɨpe God amgö ilö nɨpe au mɨdöm, sɨdö aŋ, sɨbön yaŋ, añ mam hon gau nan si nan naij nɨhön nɨhön geila gau hagmɨdöp u, nɨp mɨnöŋ naböŋ iƚ yaŋ ud yula.

Repelesin 10:8

Pen manö kumi kabö adö laŋ nɨbö nöd nɨŋnö u, yɨp kauyaŋ hagöm haga, “Ejol ma böŋ lap u ñɨg solwara adö rauöm, böŋ lap u mɨnöŋ adö rauöm mɨdöp u nɨp ammön hagö, köp pro pɨƚai ud mɨdöp u, nöp ñɨnɨm,” a ga.

Repelesin 10:4

Manö haga anɨbu kalɨ kƚiñ rɨknam, a gɨnö, manö ap kumi kabö adö laŋ nɨbö haga, “Manö anɨbu halö kalɨ kƚiñ rɨkagmön; manö anɨbu pi göl mɨdaŋ,” a ga.

1 Desalonaika 3:11

Anɨb u, Bapi God nɨpe ke abe, Bɨ Kub hon Jisas abe hanɨp adan hiɨklö, mɨdpim u nɨnabun.

Hibru 8:2

God Nɨp Nan Sabe Gep Bɨ Kub Yabɨƚ hon anɨbu, nɨpe God sabe gep ram au wög göp. God sabe gep ram au wög göp u, nɨbi bɨ gɨ lagla; God sabe gep ram nɨŋö u, God Bɨ Kub nɨpe ke gɨ la.

Repelesin 22:3

Daun kub anɨbu, God nɨp asɨ masɨ göp nan u mɨdagöp. God aip, Sipsip Pi u aip, sea kiŋ kale u daun kub aŋ au mɨdeinab. God nɨbi bɨ nɨpe gau, nɨp wög gɨ ñöl gɨ mɨdeinaböl.