Pilipai 4:20 - Kobon

²⁰ Anɨb u, God Bapi hon hib nɨpe pör nöp pör nöp hagno adö arnɨm. Anɨb unbö rö aij.

Pilipai 4:20 Referans Kwoze

Romans 11:36

Nɨhön gɨnɨg: God nɨpe nan gau magöŋhalö gɨ la; kƚö nɨpe nöp nan anɨb gau magöŋhalö mɨdöp; nan anɨb gau magöŋhalö God nɨp ñɨñɨ löl gɨ mɨdöl. Anɨb u, hib nɨpe u pör pör nöp hagno adö arnɨm! Anɨb unbö rö aij.

Repelesin 14:7

Wɨñ kub alöm haga, “God nɨpe manö kub hagnab ñɨn u hadö auöp rö, God nɨp anɨnɨn gö pɨñɨŋ gɨmim. Bɨ Kub kumi kabö adö laŋ, mɨnöŋ naböŋ iƚ i, ñɨg solwara, ñɨg ilam gau magöŋhalö gɨ la u, hib nɨpe u hagpe adö araŋ,” a ga.

Repelesin 7:12

hagla, “Nɨŋö yabɨƚ! God hon hib ke halö mɨdöp, a gun, hib nɨpe hagno adö araŋ. Nɨpe mailö aij ke halö mɨdöp, a gun, hib nɨpe hagno adö araŋ. Nɨpe gasɨ aij ke yabɨƚ mɨdöp, a gun, hib nɨpe hagno adö araŋ. Nɨpe ga u, nɨp aij yabɨƚ, a gun, hib nɨpe hagno adö araŋ. Nɨpe aij ke yabɨƚ mɨdöp, a gun, hib nɨpe hagno adö araŋ. Nɨpe nan nɨhön gɨnam a gɨnab u, u nöp gɨnab, a gun, hib nɨpe hagno adö araŋ. Nɨpe kƚö ke yabɨƚ mɨdöp, a gun, hib nɨpe hagno adö araŋ. God hon hib nɨpe u pör pör nöp hagno adö araŋ. Nɨŋö yabɨƚ!” a gɨla.

Repelesin 5:12

Pen meg mɨgan dap ranöm kɨmap hagöl gɨ hagla, “Sipsip Pi al pak lɨla u, nɨpe aij yabɨƚ. Nɨpe nan gau magöŋhalö gɨ la, a gun, hib nɨpe hagno adö araŋ. Nɨpe nan ap uƚep lagöp, a gun, hib nɨpe hagno adö araŋ. Nɨpe gasɨ aij ke yabɨƚ mɨdöp, a gun, hib nɨpe hagno adö araŋ. Nɨpe kƚö ke yabɨƚ mɨdöp, a gun, hib nɨpe hagno adö araŋ. Nɨpe aij ke yabɨƚ mɨdöp, a gun, hib nɨpe hagno adö araŋ. Nɨpe mailö aij ke halö mɨdöp, a gun, hib nɨpe hagno adö araŋ. Nɨpe hib ke halö mɨdöp, a gun, hib nɨpe hagno adö araŋ,” a gɨla.

Repelesin 1:6

Hon Kiŋ kub Jisas Krais ram nɨpe mɨdun, Nap God nɨp sabe gep nɨbi bɨ nɨpe mɨdpun. Anɨb u, Jisas Krais, Bɨ mailö aij halö u, Bɨ kƚö yabɨƚ u, hib nɨpe u pör nöp pör nöp hagno adö arnɨm! Anɨb unbö rö aij.

Jude 1:25

God nɨpe añɨ. Nɨpe hanɨp ud kamɨŋ yuöp. Bɨ Kub hon Jisas Krais hanɨp, a göm, umöm uraka u, hadame dagol gau rɨköm, mɨd damöm, uri, hainö, pör pör nöp nɨpe mɨdep nöp mɨdöm, nɨpe Bɨ mailö aij halö, Bɨ aij unbö ke, Bɨ kƚö naij yabɨƚ, Bɨ magöŋhalö abadep mɨdöp. Anɨbu, hib nɨpe pör nöp hagno adö araŋ. Anɨb unbö rö aij.

Pilipai 1:11

Anɨb u, Jisas Krais nɨbi bɨ nɨpe kalɨp gɨ ñö, kale gɨ aij gɨpal rö u, nɨpe kalöp u rö nöp gö, kale gɨ aij göl gɨ nöp mɨdpe, nɨbi bɨ gau nɨŋöm God hib nɨpe haglö adö arnɨm.

Epesas 3:21

Anɨb u, hon Krais Jisas nɨbi bɨ nɨpe mɨdun nɨp cɨg mɨdpun gau, hib nɨpe pör nöp pör nöp ud arno adö araŋ! Anɨb unbö rö aij.

Repelesin 11:13

Pen magö anɨbu nöp, munmon kub yabɨƚ udöm, daun kub anɨbu naböŋ unbö sɨduŋ laŋ rö hagöm, naböŋ unbö ajɨp u mɨdeila nɨŋöm naböŋ añɨ ap pa jö ma jö gö, nɨbi bɨ sepen dausan um hakla. Pen nɨbi bɨ mɨdeila gau, nan ga anɨbu nɨŋöm pɨñɨŋ göm, God ram mɨnöŋ kumi kabö adö laŋ au mɨdöp u nɨp hib haglö adö ara.

1 Dimodi 1:17

Kiŋ kub nɨpe hadame dagol mɨdmɨdöp, uri mɨdöp, hainö pör pör nöp mɨdeinab. Nɨpe kamɨŋ mɨdep magö u nöp mɨdöp; umeb magö u mɨdagöp. Nɨbi bɨ nɨp amgö nɨŋagpal. Nɨpe nöp God añɨ nöp mɨdöp. Bɨ Kub mailö unbö ke halö anɨbu, hib nɨpe pör pör nöp hagno adö araŋ. Anɨb unbö rö aij.

Pilipai 4:23

Bɨ Kub Jisas Krais kalöp magöŋhalö mög nɨŋöm abad mɨdainɨm.

Romans 16:27

God añɨ gasɨ aij gasɨ kƚö göm nɨŋöb u, Jisas Krais nɨp hanɨp nan a göm yuö aua rö, hib nɨpe pör nöp pör nöp hagno adö araŋ. Anɨb unbö rö aij me.

Madyu 28:20

Anɨg gɨmim, yad kalöp gɨmim, a gem, manö nɨhön nɨhön hag ñɨbin u, kale u rö nöp manö anɨbu magöŋhalö kalɨp hag ñɨ aij gɨpe, magöŋhalö hain göl. Pen yad kalöp nɨŋö yabɨƚ hagabin, yad kalöp aip mɨdem, mɨd damem, mɨd damem, mɨnöŋ naböŋ iƚ i ur gɨnab,” a ga.

Madyu 6:9

Anɨb u, God nɨp sabe gɨnɨg, hagmim, ‘Bapi kub kumi kabö adö laŋ mɨdpan; hib ne i adö laŋ mɨdöp.