Mark 8:18 - Kobon

¹⁸ Amgö la u nɨŋagpim? Rɨmɨd la u nɨŋagpim? Aka nɨŋmim hauƚ gɨpim?

Mark 8:18 Referans Kwoze

Mark 4:12

Anɨg gɨnö, bɨ God manö hagep ap God Manö kalɨ kƚiñ rɨköm haga rö nöp gɨnab. Nɨpe haga, ‘Amgö nɨŋnaböl u pen nan rɨmnap nɨŋagnaböl. Manö nɨŋnaböl u pen manö iƚ hagöp anɨg rö göm nɨŋagnaböl. Nɨŋ aij gɨblap, God nɨp hag nɨŋaiblap, nan si nan naij gɨpal gau nɨŋöm arö gɨböp,’ a gɨla,” a ga.

Romans 11:8

Adö anɨbu nöp, Mosɨs God Manö adɨŋ ap kalɨ kƚiñ rɨköm haga, “God nɨpe gö, kale hon hanöm, amgö ju ju gɨ mɨdeila; nɨpe gö, kalɨp amgö we gö, amgö nɨŋageila; nɨpe gö, kalɨp hauƚ alö, manö apdi nɨŋageila; anɨbu nöp mɨd damöm, uri unbö rö nöp mɨdpal,” a ga.

2 Pida 1:12

Kale manö hagajɨn anɨbu nɨŋmim, hadö ud aij gɨpim, pen yad pör nöp kalöp manö anɨbu hagöl gɨ nöp mɨdeinabin. Bɨ Kub hon Jisas Krais yɨp, umnabön, a göm, ñɨn hag la u söl auöp u me, hañ romaŋ halö mɨdpin ñɨn i, yad kƚö gem, kalöp manö anɨbu hagöl gɨ nöp mɨdeinabin u aij. Anɨg gɨnabin u, kale hauƚ gagnabim; yad umnabin pen kale manö anɨbu nɨŋöl gɨ mɨdeinabim.

2 Desalonaika 2:5

Kale aip mɨdem, anɨg gɨnab a gem hagnö u pen hauƚ gɨpim rö löp.