Mark 5:38 - Kobon

³⁸ Kale Jairas ram u amjaköm Jisas nɨŋa, nɨbi bɨ manö pɨg hagöm, mɨɫöŋ magö göl gɨ mɨdeila.

Mark 5:38 Referans Kwoze

Aposɨl 9:39

Hagailö, Pida kalɨp mɨhöŋ aip Jopa amöm amjaklö nɨŋöl gɨ, nɨp uɫ gɨ dam Dabida uma dam lɨla ram raul adö laŋ arla. Uɫ gɨ ud areilö nɨŋöl gɨ, nɨbi paƚpaƚ ap mɨdeila gau, nɨbi uma anɨbu nöd kamɨŋ mɨdmɨdöp u, waƚɨj mɨlö waƚɨj rɨmnap kalɨp yɨharɨŋ ñɨmɨdöp gau, Pida nɨp yamöl gɨ, mɨɫöŋ gɨ mɨdeila.

Mark 5:22

Bɨ ap hib nɨpe Jairas. Nɨpe Juda magum gep ram ap abad mɨdmɨdöp. Jairas Jisas nɨp nɨŋöm, ap mɨdeia au kugom yɨmöm haga, “Pai pro mɨdmagö yad u umnɨg gab. Ne yad aip aumön nɨp ud nɨŋö, urak araŋ,” a ga.

Madyu 11:17

Kale hagpal, ‘Hon aƚɨŋ pu gɨno, kale nɨhön gɨnɨg kugom ralagpim? Kɨmap mɨɫöŋ gep rö ap hagno, kale nɨhön gɨnɨg mɨɫöŋ gagpim?’ ” ö gɨpal.

Madyu 9:18

Jisas manö anɨbu hagö nɨŋöl gɨ, Juda bɨ kub ap Jisas mɨdeia au apöm, kugom yɨmöm haga, “Pai yad u böŋ nöp umöb u pen ne am nɨp ud nɨŋö, uraknɨm,” a ga.

Mark 5:39

Ram raul mɨgan yaŋ amöm haga, “Nɨhön gɨnɨg manö hauƚ gɨmim, mɨɫöŋ gabim? Pai u umagöp; yɨharɨŋ hon hanab,” a ga.