Mark 13:31 - Kobon

³¹ Kumi kabö adö laŋ abe, mɨnöŋ naböŋ iƚ i abe ur gɨnab; pen manö magö yad gau ur gagnab; pör pör nöp mɨdeinab.

Mark 13:31 Referans Kwoze

Madyu 24:35

Kumi kabö adö laŋ abe, mɨnöŋ naböŋ iƚ i abe ur gɨnab, pen manö magö yad ur gagnab.

Luke 21:33

Kumi kabö adö laŋ abe, mɨnöŋ naböŋ iƚ i abe ur gɨnab, jɨ manö magö yad gau ur gagnab.

Madyu 5:18

Yad kalöp nɨŋö yabɨƚ hagabin. Kumi kabö adö laŋ abe, mɨnöŋ naböŋ iƚ i abe böŋ nöp ur gɨnab u pen God Manö u manö magö rɨmnap ur gagnab; magöŋhalö pör pör nöp mɨdeinab. Manö nɨhön nɨhön haga u, magöŋhalö haga rö nöp gɨnab.

2 Dimodi 2:13

Pen Krais Jisas manö aij hagöp rö gagnabun u, nɨpe manö aij nɨpe hagöp rö nöp gɨnab. Nɨhön gɨnɨg: Krais pör nöp manö nɨŋö nöp hagöp; manö nɨŋö anɨbu arö gɨnɨm rö lagöp.

Daidas 1:2

God nɨpe manö piral ap hagagöp. Nɨpe hadame dagol gau ram mɨnöŋ gɨ laga ñɨn u manö nɨŋö hagöm haga rö, nɨbi bɨ an an manö nɨŋö nɨpe anɨbu nɨŋ udöm, manö nɨŋö yuö u nɨŋ aij göm, u rö nöp gɨnaböl gau, nɨpe kalɨp pör mɨdep magö u ñɨnab.

Repelesin 20:11

Pen sea kiŋ rud kub yabɨƚ ap abe, Bɨ adö anɨbu asɨköl mɨdajɨp u abe nɨŋnö. Bɨ Kub nɨpe au mɨdö nɨŋöl göm, mɨnöŋ naböŋ iƚ i abe, kumi kabö adö laŋ abe, adɨŋ böŋ nöp pɨñɨŋ gɨ ke gau arö, kuöyaŋ nɨŋagɨn.

Mark 13:30

Yad hagabin u gasɨ nɨŋöl gɨ mɨdaimim. Nɨbi bɨ mɨñi mɨdpal gau rɨmnap mɨdlö nɨŋöl gɨ, nan anɨb gau gɨ hakö, hainö umnaböl.

Mark 13:32

“Ñɨn mai aka magö mai aunabin u, nɨbi bɨ rɨmnap nɨŋagpal, ejol gau nɨŋagpal, yad u rö nöp nɨŋagpin; Bapi nöp nɨŋöb.