Luke 6:21 - Kobon

²¹ Kale mɨñi kɨyö kub löp gau, hainö kɨyö lagnab. Gasɨ anɨbu nɨŋmim mɨñ mɨñ gɨmim. Kale mög gö, mɨɫöŋ magö gabim gau, hainö aij gö nɨŋöl gɨ, mɨhol gɨnabim. Gasɨ anɨbu nɨŋmim mɨñ mɨñ gɨmim.

Luke 6:21 Referans Kwoze

John 6:35

Hageila, Jisas haga, “Yad nöp me bred kamɨŋ mɨdep bred anɨbu. Nɨbi bɨ yɨp aunaböl gau, kalɨp kauyaŋ kɨyö lagnab. Nɨbi bɨ yɨp nɨŋ udnaböl gau, kalɨp kauyaŋ ñɨg nan gagnab.

Madyu 5:6

Nɨbi bɨ, God haga rö nöp gɨnabun a göm, nɨŋbal gau, God kalɨp abad mɨdeinab u me, mɨñ mɨñ göl.

Jems 1:12

Pen nɨbi bɨ marö auö, God nɨp arö gagöm, cɨg aij göl gɨ nöp mɨdeinaböl gau, usajɨl bad pör pör mɨdep u udnabun a göm, mɨñ mɨñ gɨnaböl. Nɨbi bɨ God nɨp mɨdmagö lɨbal gau, God kalɨp usajɨl bad pör pör mɨdep u rol ñɨnab. Nɨpe manö kƚö hagöm anɨg haga.

Luke 1:53

Nɨbi bɨ kɨyö löp gau, God kalɨp nan nɨme lö ñɨŋlö mudun göp. Pen nɨbi bɨ nan iru mɨdöp gau kalɨp yɨharɨŋ hag yuö arbal.

Madyu 5:4

Nɨbi bɨ mɨɫöŋ gɨpal gau, God kalɨp hag udnab u me, mɨñ mɨñ göl.

Repelesin 7:16

Kalɨp kɨyö kuöyaŋ gagnab, ñɨg nan kuöyaŋ gagnab, sɨdö kal kuöyaŋ nɨŋöm ilön gagnab.

Luke 6:25

Pen kale mɨñi nan magö rö ñɨŋ gɨpe gɨpe mudun göp gau, hainö kɨyö lɨnab u nɨŋ aij gɨmim. Pen kale mɨñi manö mɨhol uƚɨb gɨ mɨdpim gau, hainö mög gö mɨɫöŋ magö gɨ mɨdeinabim.

1 Korid 4:11

Hadame nöp dagol gau rɨköl, mɨd damöm, mɨñi mɨdpun ñɨn i kɨyö lö, rugu mɨƚep gö, waƚɨj mɨdagö, ram mɨdagö, umeb rö lö, hon pör pak gɨlö gɨlö uɫham yabɨƚ mɨdpun.

John 4:10

Anɨg hageia, Jisas pen haga, “God nan aij nɨbi bɨ ñɨnɨg gab u nɨŋmön, yad nöp ñɨg mɨl dap lɨmön a gabin yad bɨ an rö mɨdpin nɨŋbnap u, ne yɨp hagbnap, yad nöp ñɨg kamɨŋ magö ñeb ñɨbnep.”

Repelesin 21:3

Pen yad apdi nɨŋnö, sea kiŋ mɨdeia aŋ au nɨbö, manö kub wɨñ al hagöm haga, “Mɨñi rɨköm, God nɨpe ke nɨbi bɨ gau aip ram gɨ löm mɨdeinab. Nɨpe nɨbi bɨ gau aip han mɨdeinab nɨŋöm kale nɨbi bɨ nɨpe mɨdeinaböl. God nɨpe ke kalɨp aip mɨdöm, God kale mɨdeinab.

2 Korid 12:10

Yad kƚö mɨdagöp; yɨp hag jubal; yad nan rɨk döp; yɨp gɨ naij gɨpal; yad uɫham mɨdpin. Pen Krais lau adö mɨdpin rö, yɨp aigöl aigöl gɨnaböl u, mɨñ mɨñ nöp gɨnabin. Pen yad ke kƚö mɨdagöp u nɨŋ mɨdeinabin u, God nɨpe gö, kƚö nɨpe udem kƚö göl gɨ mɨdeinabin.

2 Korid 11:27

Yad wög gosƚam gem, uhön hanem wasö, ñɨn iru nöp nan magö mɨdagö, kɨyö lö, ñɨg nan gö, waƚɨj mɨdagö, yɨgön göm göp.

2 Korid 6:10

mɨŋör kub göp u pen mɨñ mɨñ göl gɨ mɨdpun; bɨ mög gep rö mɨdpun u pen wög hon gɨpun adö u nɨbi bɨ iru nöp nɨbi bɨ gep rö mɨdpal; nan mɨdagöp rö mɨdpun u pen magöŋhalö udpun.

John 11:35

Jisas amgö ñɨg luga.

Luke 6:20

Jisas bɨ nɨpe gau kalɨp amgö nɨŋöl gɨ haga, “Kale nɨbi bɨ mög gep rö mɨdpim gau, God kalɨp ud aij göm abad mɨdeinab. Gasɨ anɨbu nɨŋmim mɨñ mɨñ gɨmim.

Luke 6:22

Bɨ Ñɨ nɨpe nɨp cɨg mɨdpe, nɨbi bɨ gau kalöp mulu kal nɨŋöm, jɨ nɨŋöm, nɨbi bɨ naij anɨb gai i, bɨ an aip mɨdeinaböl, a göm, kalöp hib gasɨ naij nɨŋöm manö udöm hag jueinaböl u, kale mɨñ mɨñ gɨmim.