Luke 4:13 - Kobon

¹³ Kɨjaki Jisas nɨp manö piral hag wasö nɨŋöm, arɨk arɨn a göm, gasɨ nɨpe gau nöp nɨŋa, “Uri wasö pen hainö ñɨn rɨmnap apem manö rɨmnap halö pir alem hag nɨŋnam,” a göm arɨk ara.

Luke 4:13 Referans Kwoze

Jems 4:7

Anɨb u, God nɨp böŋ lau mɨdmim, nɨpe hagöp rö nöp gɨmim. Seden nɨp wasö gɨnabim me, kalöp arɨk arnab.

Hibru 4:15

God Nɨp Nan Sabe Gep Bɨ Kub Yabɨƚ hon u apöm mɨnöŋ iƚ i mɨdmɨdöp rö, nan si nan naij hanɨp ɫɨp gɨ ud arnɨm rö löp gau abe, marö hanɨp nɨhön nɨhön göp gau abe, nɨp u rö nöp ga u pen nɨpe gɨ naij gaga. Anɨb u, marö nɨhön nɨhön hanɨp gɨnab u, God Nɨp Nan Sabe Gep Bɨ Kub Yabɨƚ hon u nɨŋ aij göp rö, hanɨp mög yabɨƚ nɨŋöm,

John 14:30

Nɨbi bɨ mɨnöŋ naböŋ iƚ i yɨp nɨŋ udagpal gau kalɨp kiŋ rö abad mɨdöp bɨ naij anɨbu auab u me, yad kalöp aip manö mɨlö kub hag mɨdeinam rö lagöp. Pen bɨ naij anɨbu yɨp gɨ naij gɨnabin a gab u, kƚö nɨpe mɨdagöp.

Madyu 4:11

Jisas anɨg hageia nɨŋöm kɨjaki, Jisas nɨpe nan naij rɨmnap gɨnɨm a göm gɨ gɨ wasö nɨŋöm, nɨp arö göm arö nɨŋöl gɨ, ejol rɨmnap apöm, nɨp ap aɫ ba göm abad mɨdeila.

Luke 4:12

Seden anɨg hageia, Jisas pen haga, “God Manö u manö rɨmnap halö kalɨ kƚiñ rɨköm hagla, ‘God Bɨ Kub u, nɨpe bɨ nɨŋö hagep aka bɨ pir alep, a gɨmim hagagmim,’ a gɨla,” a ga.

Luke 4:14

Pen God Ana Jisas nɨp kƚö ñö, Jisas nɨpe ado gɨ apöm ram mɨnöŋ Galili mɨdö nɨŋöl gɨ, nɨbi bɨ gau, manö nɨpe u nɨŋöm, dam ram mɨnöŋ Galili aŋ gau magöŋhalö ud arla.