Hibru 3:15 - Kobon

¹⁵ God Manö adɨŋ hagajɨn u hagöp, “Ñɨn i God manö apdi nɨŋeinabim u, manö nɨpe u nɨŋ udmim. Napɨs nahai bɨ hadame nöp, God nɨpe hanɨp nɨhön gɨnab a göm, manö yad u nɨŋagöm, gasɨ kale ke nöp nɨŋöm gɨlö armɨdöp. Napɨs nahai bɨ gɨla rö u, kale God manö hag juagmim,” a ga.

Hibru 3:15 Referans Kwoze

Hibru 10:38

Pen nɨbi bɨ kamɨŋ aij yad gau, yɨp nɨŋ udöm kamɨŋ mɨdeinaböl. Pen nɨbi bɨ rɨmnap yɨp arö gɨnaböl u, yɨp aij gagnab,” a gɨla.

Hibru 10:29

Anɨb u, nɨbi bɨ God Ñɨ nɨpe u nöp aƚeb aƚeb ñɨnaböl u, God nɨbi bɨ manö kub hagnab ñɨn u kalɨp manö kub hagöm, kalɨp pen ilön naij ñɨnɨg gab. God Ñɨ nɨpe nɨp aƚeb aƚeb ñɨnaböl anɨbu, Krais hagape nɨpe ke hanɨp God aip ud jɨm ñöl lɨnam a göm yua u, kalɨp nan yɨharɨŋ rö lö, anɨg gɨnaböl. Pen God Ana kalɨp mög nɨŋöb u, nɨp u rö nöp aƚeb aƚeb ñɨnaböl.

Hibru 4:7

Anɨb u, nɨbi bɨ manö nɨpe nɨŋöm arö gɨla gau umlö, mɨ iru nöp inö, bac iƚaŋ Depid God Manö kalɨ kƚiñ rɨköm, manö magö uri nöp hagajɨn u hagöm haga, “Ñɨn i God manö apdi nɨŋeinabim u, manö nɨpe u nɨŋ udmim. God manö nɨpe nɨŋmim iru göp a gɨmim jɨ nɨŋagmim,” a ga. Pen God kauyaŋ u, “Ñɨn i” a ga u me, hon nɨŋbun, ñɨn nɨpe nɨbi bɨ udnab ñɨn u auagöp; mɨdep nöp mɨdöp.