Epesas 4:28 - Kobon28 Nɨbi bɨ nan si udmɨdal gau hainö nan si udagöl; kƚö ke wög göm nan mɨdö nɨŋöl gɨ, rɨmnap nɨbi bɨ mög gep rö gau kalɨp ñöl. Gade chapit la |
Pen Sakias uraköm, Jisas nɨp haga, “Bɨ Kub, ne nöŋ! Mɨñi nan yad gau nɨme lɨ böŋ u lem, böŋ u nɨbi bɨ mög gep rö gau kalɨp ñɨnabin. Pen yad nöd pir alem, nɨbi bɨ rɨmnap nan kale si udnö rö löp gau pen ñɨnabin, a gem, nan añɨ ap si udnö rö, pen mɨhau mɨhau ñɨnabin; pen nan mɨhöp si udnö rö, pen unbö raleb jɨŋ u ñɨnabin. Anɨg gɨ dam dam magöŋhalö naböŋ ral pɨs gem, arö gɨnabin,” a ga.
Kale ñɨg paknɨg gɨnabim u, nan si nan naij gɨpim gau nɨhön gɨnɨg anɨg gɨpun, a gɨmim, arö gɨmim, mɨd aij gɨmim. Anɨg gɨpe me, nɨbi bɨ nɨŋnaböl, kale nan si nan naij gɨmɨdim gau arö gɨpim. Pen kale gasɨ ap nɨŋmim, ‘Hon bac iƚaŋ Ebraham ñɨ pai nɨpe mɨdpun,’ a gɨmim, gasɨ u nɨŋagmim. Hon Ebraham ñɨ pai nɨpe a gɨpim u nan yɨharɨŋ! God kabö gai i udöm, Ebraham ñɨ pai nɨpe gau gɨ lɨnɨg göm, gɨ lɨböp!
Manö nɨŋö yabɨƚ me anɨbu. Manö hagajɨn anɨbu nɨŋ aij gɨmön kƚö gɨmön hag ñɨmön, God nɨp nɨŋ udpal nɨbi bɨ gau gasɨ añɨ anɨbu nöp nɨŋöm, nɨbi bɨ rɨmnap kalɨp gɨ aij göl gɨ mɨdaiöl. Anɨg gɨnaböl u gɨ aij yabɨƚ gɨnaböl. Manö anɨbi manö aij yabɨƚ; ram mɨnöŋ gau gau ud arlö, hagöp rö nöp geinaböl u, nɨbi bɨ magöŋhalö agamɨj mɨd aij gɨnaböl.