2 Korid 5:7 - Kobon

⁷ Bɨ Kub nɨp gasɨ nɨŋöl gɨ ajpun u pen amgö nɨŋagpun.

2 Korid 5:7 Referans Kwoze

2 Korid 4:18

Mɨnöŋ naböŋ adö iƚ i mɨdun, nan amgö magö nɨŋeb gau gasɨ iru nɨŋagpun; nan adö laŋ au amgö magö nɨŋagep gasɨ nɨŋbun. Nan amgö magö nɨŋeb gau magö uƚep nöp mɨdeinab; nan amgö magö nɨŋagep gau pör nöp pör nöp mɨdeinab.

1 Pida 1:8

Kale nöd Jisas Krais nɨp amgö nɨŋagpe u pen nɨp mɨdmagö lɨbim. Kale uri u rö nöp nɨp amgö nɨŋagpim u pen nɨp nɨŋ udmim, mɨñ mɨñ yabɨƚ gɨpim. Jisas Krais nɨp nɨŋ udpe, God nɨpe ana kale pör nöp kamɨŋ mɨdeinaböl, a göm, kalöp abadöl mɨdöp. Anɨb u me, kale mɨñ mɨñ yabɨƚ gɨ mɨdpim. Hon mɨñ mɨñ gep magö anɨbu hagun, a gun, manö uƚep gɨnab.

Hibru 10:38

Pen nɨbi bɨ kamɨŋ aij yad gau, yɨp nɨŋ udöm kamɨŋ mɨdeinaböl. Pen nɨbi bɨ rɨmnap yɨp arö gɨnaböl u, yɨp aij gagnab,” a gɨla.

Galesia 2:20

God Ñɨ nɨpe yɨp mög nɨŋöm uma u, yad nɨp cɨg gem me, nɨpe uma u, yad aip umlo. Anɨb u, nɨp cɨg gem, nöd mɨdmɨdin rö mɨdagpin. Krais yad aŋ daŋ kamɨŋ mɨdöp. Mɨñi kamɨŋ yabɨƚ mɨdem, nɨp gasɨ nɨŋöl gɨ, yɨp gasɨ ñöb adö u nöp gɨpin.

1 Pida 5:9

Kɨjaki anɨg gab u, hanɨp nöp gagab; Krais nɨbi bɨ añ mam hon ram Mɨnöŋ gau gau magöŋhalö kalɨp u rö nöp gab, a gɨmim, kɨjaki nɨp wasö gɨmim, Krais manö aij u nɨŋ ud pɨdöŋ göl gɨ mɨdaimim.

1 Korid 13:12

Uri ñɨn anɨbi, ñɨg ana rö ral nɨŋbal rö u nɨŋun, nan gau magöŋhalö nɨŋ aij gagpun. Rɨmnap nɨŋbun; rɨmnap nɨŋagpun. Pen ñɨn hain anɨbu, nan gau rɨmnap nöp nɨŋagnabun; hon nɨbi bɨ magöŋhalö nan gau magöŋhalö amgö magö hon ke waiö nɨŋun, nɨŋ haknabun. Uri ñɨn anɨbi, God nɨpe aigale Bɨ rö mɨdöp u rɨmnap nɨŋbun, rɨmnap nɨŋagpun. Pen ñɨn hain anɨbu, God hanɨp nɨŋ aij yabɨƚ göp rö u, nɨp u rö nöp nɨŋ aij yabɨƚ gɨnabun.

2 Korid 1:24

Pen manö yad u nöp hain göl a gem gasɨ u nɨŋagpin. Kale ke Krais nɨp gasɨ nɨŋbim u me, yad am kalöp hagnö, kale kƚö gɨmim Krais nɨp nɨŋ aij gɨmim cɨg pɨdöŋ gɨmim mɨñ mɨñ göl gɨ mɨdeinabim, a gem hagabin.