2 Korid 11:4 - Kobon

⁴ Manö hagabin u, yad nɨŋbin, kale nɨbi bɨ gau nɨbö rɨmnap kalɨp ka ñɨbe, Jisas yad manö hag ñɨbin u rö hag ñagpal; Jisas ap ke rö manö u hag ñɨlö, abönamö udabim. Pen kale Ana u abe, manö aij u abe u rö nöp nöd udpe u wasö; ke hain nɨbö ap rö u udabim.

2 Korid 11:4 Referans Kwoze

1 Korid 3:11

God ram nɨpe u Jisas Krais nɨp padö kub aŋ yaŋ hadö böŋ nöp bɨnɨŋ göp u, nɨbi bɨ rɨmnap padö ke hain nɨbö ap bɨnɨŋ göl rö lagöp.

1 Dimodi 2:5

Nɨhön gɨnɨg: God añɨ ap nöp mɨdöp. Pen Bɨ aŋ nɨbö u, u rö nöp añɨ ap nöp mɨdöp. God böŋ lap mɨdöp; hon nɨbi bɨ böŋ lap mɨdpun. Pen Bɨ añɨ ap nöp nɨbi bɨ ud God aip jɨm ñɨnɨm rö löp. Bɨ anɨbu Krais Jisas, nɨpe ke bɨ yabɨƚ ap.

Galesia 3:2

Pen yad kalöp manö añɨ ap hag nɨŋabin. Kale nöd nɨhön nɨhön gaibe, God nɨpe Ana nɨpe u kalöp ñaŋ Kale lo manö hagöp rö gɨpe, God nɨpe Ana nɨpe u kalöp yua aka kale manö aij hag ñɨno u nɨŋ udpe, God nɨpe Ana nɨpe u kalöp yuaŋ

Romans 8:15

Ana kale udpim u, kalöp ɫɨp gɨ dam arö, kale nöd pɨñɨŋ gɨmɨdim rö kauyaŋ pɨñɨŋ gɨmim, nagɨ wög gep nɨbi bɨ rö mɨdagnabim. Ana kale udpim u, nɨpe gö, God ñɨ pai nɨpe mɨdpim. Anɨg nɨŋöm hon nɨp “Aba! Bapi!” a gabun.

Aposɨl 4:12

God nɨpe Jisas hib nɨpe nöp hanɨp haga nɨŋöm Jisas nɨpe nöp hanɨp ud kamɨŋ yunɨm rö löp. Mɨnöŋ naböŋ iƚ i bɨ ke nɨbö ap hanɨp ud kamɨŋ yunɨm rö lagöp wasö yabɨƚ,” a ga.

Mark 7:9

Jisas kalɨp kauyaŋ hagöm haga, “Kale gasɨ kɨd hiɨk nɨŋmim, God manö hag la u ud ke gau yumim, gasɨ magö kalpe ke u nöp nɨŋ udmim hain gabim.

2 Korid 2:12

Pen Krais manö aij u Droas nɨbi bɨ kalɨp hag ñɨnam a gem, Droas arainö, Bɨ Kub yɨp adan hiɨkö, wög nɨpe u ram mɨnöŋ anɨbu gɨnam rö la u pen,

2 Korid 11:1

Yad manö hauƚ rö hagnabin u pen manö iƚ mɨdö nɨŋöl gɨ hagnɨg gabin.

1 Dimodi 1:3

Yad nöd Masedonia Propins arnɨg gem, nöp daun kub Epesas ud lem manö hag ñɨnö u, mɨñi u rö nöp kauyaŋ hagnɨg gabin. Ne Epesas au mɨdmön, nɨbi bɨ God Manö hagabun, a göm, manö piral piral hagpal gau kalɨp wasö gɨmön, hag aij gɨmön.