2 Dimodi 4:22 - Kobon

²² Dimodi, Bɨ Kub nöp aip mɨdainɨm. God kalöp magöŋhalö mög nɨŋöm ud aij gɨnɨm.

2 Dimodi 4:22 Referans Kwoze

Pilimon 1:25

Bɨ Kub Jisas Krais kalöp nɨbi bɨ gau mög nɨŋöm abad mɨdainɨm.

Galesia 6:18

Añ mam yad gau. Bɨ Kub hon Jisas Krais kalöp mög nɨŋöm, abad mɨdainɨm. Anɨb unbö rö aij.

Kolosi 4:18

Yad Pol, mɨñi ñɨmagö yad u ke, manö adɨŋ magö i kalɨ kƚiñ rɨkabin. Yɨp sen udöm nagɨ pɨdöŋ lɨbal u, yɨp hauƚ gagmim. God kalöp mög nɨŋöm ud aij gö, mɨd aij gɨmim.

Romans 1:7

Anɨb u, kalöp Rom kai, God, nɨbi bɨ yad mɨdeilaŋ, a göm ud mɨdmagö yabɨƚ löp gau, kalöp köp i kalɨ kƚiñ rɨkabin. Bapi God, Bɨ Kub Jisas Krais, kalöp ud aij gɨmil, abad mɨd aij gɨlö me, kale agamɨj mɨd aij gɨmim.

Repelesin 22:21

Bɨ Kub hon Jisas kalöp God nɨbi bɨ nɨpe mög gö abad mɨd aij göl gɨ mɨdainɨm. Anɨb unbö rö aij.

1 Pida 5:14

Krais nɨbi bɨ añ mam mɨdmagö lɨbun, a gɨmim, pen pen hag wɨhai udöl gɨ, alaun bom halumim. Krais nɨbi bɨ nɨpe mɨdpim gau, Krais kalöp magöŋhalö ud aij gö, kale agamɨj mɨd aij göl gɨ mɨdaimim.

Epesas 6:24

Bɨ Kub hon Jisas Krais nɨp mɨdmagö löl gɨ nöp mɨdpim gau, God kalöp magöŋhalö mög nɨŋöm ud aij yabɨƚ gɨnɨm.

1 Dimodi 6:21

Nɨbi bɨ rɨmnap, manö piral kale anɨbu udöm, uri God Manö kabö rö nɨŋbun, a göm, ke padö u aramöm, Jisas manö aij nɨpe nɨŋ udla u böŋ nöp arö gɨpal. God nöp mög nɨŋöm, abad mɨdainɨm.

2 Korid 13:14

Bɨ Kub Jisas Krais kalöp magöŋhalö mög nɨŋöm ud aij göl gɨ mɨdainɨm; God nɨpe kalöp magöŋhalö mɨdmagö löl gɨ mɨdainɨm; Ana Uɫ nɨpe kalöp magöŋhalö aɫ ba göl gɨ mɨdainɨm.

1 Korid 16:23

Bɨ Kub hon Jisas kalöp mög nɨŋöm ud aij gɨnɨm.

Romans 16:20

Söl mɨdöp, God nɨbi bɨ abad mɨd aij göp u, nɨpe Seden nɨp ud raƚa mo kale gau lö, kƚö nɨpe mɨdageinab. Yad God nɨp sabe gabin, Bɨ Kub hon Jisas kalöp mög nɨŋöm ud aij gö nɨŋöl gɨ, kale mɨd aij gɨmim.

Madyu 28:20

Anɨg gɨmim, yad kalöp gɨmim, a gem, manö nɨhön nɨhön hag ñɨbin u, kale u rö nöp manö anɨbu magöŋhalö kalɨp hag ñɨ aij gɨpe, magöŋhalö hain göl. Pen yad kalöp nɨŋö yabɨƚ hagabin, yad kalöp aip mɨdem, mɨd damem, mɨd damem, mɨnöŋ naböŋ iƚ i ur gɨnab,” a ga.

Pilipai 4:23

Bɨ Kub Jisas Krais kalöp magöŋhalö mög nɨŋöm abad mɨdainɨm.