1 Korid 5:12 - Kobon

^12-13 Nɨbi bɨ Krais nɨp nɨŋ udagpal gau, nan si nan naij gaiöl u, nɨhön gɨnɨg anɨg gɨpim, a gem, kalɨp manö kub hagagnam. God nɨpe nöp manö anɨbu kalɨp hagnab. Pen Bɨ Kub Jisas nɨŋ udpun a gɨpim nɨbi bɨ gau, nan si nan naij gaiöl u, nɨhön gɨnɨg anɨg gɨpim, a gɨmim, kalɨp manö kub hagmim. God Manö u Mosɨs adɨŋ ap kalɨ kƚiñ rɨköm haga, “Nɨbi bɨ nan si nan naij gɨmɨdal gau hag höŋ yube aröl,” a ga.

1 Korid 5:12 Referans Kwoze

Mark 4:11

Hageila haga, “God nɨbi bɨ udöm abad mɨdeinab manö u, God gö kale nɨŋbim u pen nɨbi bɨ gau kalɨp hod rɨkem nöp hag ñabin.

1 Dimodi 3:7

Bɨ udnabim anɨb u, nɨbi bɨ Krais manö aij u nɨŋ udagpal gau nɨŋöm, bɨ u bɨ aij, a göm gasɨ nɨŋbal, bɨ anɨb rö nöp nɨŋmim udmim. Wasö u, nɨbi bɨ Krais Jisas nɨp nɨŋ udagpal gau bɨ anɨbu nɨp hag julö, kɨjaki hel nɨp udnɨm rö löp.

Luke 12:14

Hageia, Jisas nɨp pen haga, “Yɨp an hagöp, ‘Bɨ nan ud asɨk ñeb u mɨdaimön,’ a ga nɨŋem nan kalöp gau ud nɨme lɨ ñɨnam?” ö ga.

Kolosi 4:5

Kale pör nöp gasɨ nɨŋöl gɨ mɨdpe, adan hiɨknɨm, nɨbi bɨ Krais nɨp nɨŋ udagpal gau, gasɨ nɨŋ aij göl gɨ, kalɨp ud aij gɨmim, Krais manö aij u hag ñɨmim.

John 18:36

Hageia, Jisas haga, “Yad nɨbi bɨ udem abad mɨdeinabin u, kiŋ mɨnöŋ naböŋ iƚ i mɨdpal rö, mɨdageinabin. Yad mɨnöŋ naböŋ iƚ i kiŋ mɨdnɨg gaibnep, Juda nɨbi bɨ gau yɨp nagɨ lun, a gɨlö, nɨbi bɨ yad gau uraköm kale aip pen pen alblap. Pen yad nɨbi bɨ udem abad mɨdeinabin nagɨ u ke mɨdöp; mɨnöŋ naböŋ iƚ i rö wasö,” ga.