Yal Wơl 4:1 - Sră Goh 2018

¹ Ơ Israel, tŭ do iat tĕ ală bơta lơh nền mơ ală bơta boh lam mơ añ rơp bơto bol mê. Lơh jat ală bơta hơ̆ tồ bol mê geh kis mơ rgơi mut mơ dòp geh lơgar Jehôwa Yàng Tom Trồ ală ồng pàng bol mê dê ai bol mê in.

Yal Wơl 4:1 Referans Kwoze

Rôma 10:5

Môise cih lah dilah cau lơi lơh jat bơta song ring bơta boh lam dê, gen bơh hơ̆ mơ kis.

Yal Wơl 8:1

Kơrhia tĕ lơh jat kòp jơnau gơnoar sồr mơ añ ai bol mê in tòm ngai do, tồ bol mê geh kis, geh bơtơl oă mơ rgơi mut dòp geh lơgar mơ Yàng Jehôwa neh srat să mơ ală ồng pàng bol mê dê ai bol mê in.

Ejekiel 20:11

Añ neh ai bol khai in jơnau sồr Añ jê, mơ sơnio bol khai in git ală bơta boh lam Añ jê, bơh cau lơi lơh jat ală bơta hơ̆ gen rơp geh kis.

Lebi 18:5

Prap gàr tĕ ală bơta lơh nền mơ ală bơta boh lam Añ jê; bơh cau lơi lơh jat ală bơta hơ̆ gen bơh hơ̆ rơp kis. Añ la Yàng Jehôwa.

Yal Wơl 30:16

Dilah bol mê dòn bơr jơnau gơnoar sồr Jehôwa Yàng Tom Trồ bol mê mơ añ sồr bol mê tòm ngai do, mơ kòñ gơboh Jehôwa Yàng Tom Trồ bol mê dê, lòt tòm gùng dà Kơnràñ dê, mơ lơh jat ală jơnau gơnoar sồr Kơnràñ dê, ală bơta sồr lam, mơ ală bơta boh lam Kơnràñ dê, gen bol mê rơp geh kis mơ geh gơbơtơl oă, mơ Jehôwa Yàng Tom Trồ bol mê dê rơp ai lơngai bol mê in tòm lơgar mơ bol mê rơp mut nàng lơh gơs sre brê.

Yal Wơl 5:33

Lòt tĕ tòm jơh ală gùng dà mơ Jehôwa Yàng Tom Trồ bol mê dê neh sồr bol mê tồ bol mê in geh kis, geh bơtoah bơtoài mơ geh ơm jŏ jòng tòm lơgar mơ bol mê rơp dòp geh.”

Yal Wơl 5:1

Môise pơjum jơh Israel mơ đơs lah: “Ơ Israel, iat tĕ ală bơta lơh nền mơ ală bơta boh lam mơ añ bơto yal tòm tồr bol mê tòm ngai do. Bơtê tĕ mơ lơh nền lơh jat ală bơta hơ̆.

Lebi 22:31

Prap gàr tĕ ală bơta sồr lam Añ jê mơ lòt jat ală bơta hơ̆. Añ la Yàng Jehôwa.

Lebi 19:37

Prap gàr tĕ jơh ală bơta sồr lam mơ ală bơta boh lam Añ jê mơ lơh jat ală bơta hơ̆. Añ la Yàng Jehôwa.’”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Ejekiel 37:24

Cau duh broă Añ jê la Dabit rơp lơh gơs bơtau at bồ hơđang bol khai mơ jơh tơl nă bol khai rơp gơs mìng dô nă cau ê lơm. Bol khai rơp cơnđòa lòt jat ală bơta boh lam Añ jê mơ kơrhia prap gàr ală bơta sồr lam Añ jê.

Ejekiel 36:27

Añ rơp ơn Hwềng Añ tòm bol mê, mơ lơh bol mê in lòt jat bơta sồr lam Añ jê, mơ kơrhia prap gàr ală bơta boh lam Añ jê.

Ejekiel 20:21

Mơya ală kòn sau pơrlơ̆ dră mơ Añ; bol khai neh ò lơh jat ală jơnau sồr Añ jê, bol khai neh ò kơrhia prap gàr ală bơta boh lam Añ jê, bơh cau lơi lơh jat gen kòp nă rơp geh kis; mơ bol khai sền òsơp di ală ngai Saƀat Añ jê. Gen Añ kơlôi Añ rơp tuh bơta gơjrañ dờng Añ jê hơđang bol khai, mơ lơh wil tơl bơta gơjrañ mañ Añ jê tòmdră mơ bol khai tòm ƀlàng ngềt ngơt.

Ejekiel 11:20

behơ̆ tàng bol khai rơp lơh jat ală bơta sồr lam Añ jê mơ kơrhia prap gàr ală bơta sồr lam Añ jê. Bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê.

Đơs Crih 119:4

Yàng neh sồr bol hi prap gàr Ală jơnau sồr Kơnràñ dê dô bă kràñ cê.

Đơs Crih 105:45

Tồ bol khai in prap gàr ală jơnau sồr Kơnràñ dê, Mơ lơh jat ală bơta boh lam Kơnràñ dê. Jòng ro Yàng Jehôwa!

Yal Wơl 30:19

Ngai do añ hòi trồ mơ tiah lơh cơng tòmdră mơ bol mê lah añ neh ơn di đap bol mê bơta kis mơ bơta chơt, ală bơta lơngai lơngò mơ ală bơta srat sơntơm. Sac rwah tĕ bơta kis nàng bol mê mơ ală kòn sau bol mê dê geh kis,

Yal Wơl 16:20

Lơh jat bơta song ring mơ mìng bơta song ring lơm, tồ bol mê rgơi ơm kis mơ dòp geh lơgar Jehôwa Yàng Tom Trồ bol mê dê ai bol mê in lơh gơs phan tòm.

Yal Wơl 11:32

lơh nền tĕ la bol mê dòn bơr lơh jat jơh ală jơnau lơh nền mơ ală bơta boh lam mơ añ ơn di đap bol mê tòm ngai do.

Yal Wơl 11:1

Kòñ gơboh tĕ Jehôwa Yàng Tom Trồ bol mê dê mơ prap gàr ală gơnoar broă Kơnràñ jào, ală bơta lơh nền Kơnràñ dê, ală bơta boh lam Kơnràñ dê mơ ală jơnau sồr Kơnràñ dê.

Yal Wơl 4:45

Hơ̆ la ală sơnoa rnoas, ală bơta lơh nền mơ ală bơta boh lam mơ Môise neh ai bol khai in tòm tŭ bol khai lik lòt bơh di Ejiptơ

Yal Wơl 4:8

Mơ gơs làng bol lơi ndai dờng geh ală bơta lơh nền mơ ală bơta boh lam song ring be jơh tơl bơta boh lam mơ añ ơn di đap bol mê tòm ngai do sơl ơ?

Lebi 20:8

Prap gàr tĕ ală bơta sồr lam Añ jê mơ lòt jat ală bơta hơ̆. Añ la Jehôwa Yàng Tom Trồ la Bơtau lơh bol mê in gơs sàng goh.

Jang 15:14

Dilah bol mê lơh jat bơta Añ bơto sồr, gen bol mê la bơyô Añ jê.

Luka 1:6

Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng.

Lik Ejiptơ 18:20

Bơto bol khai ală bơta sồr lam mơ ală bơta boh lam, sơnio bol khai in git pal ngui sa lơh lòt mbe lơi, mơ ală broă tòm bol khai pal lơh.

Yal Wơl 1:3

Tòm nam dơ̆ poan jơt, tòm ngai dùl kơnhai jơt dùl, Môise bơto yal ală cau Israel in jơh ală jơnau mơ Yàng Jehôwa neh sồr khai yal wơl tòm bol khai.

Yal Wơl 4:40

Prap gàr tĕ ală bơta lơh nền mơ ală bơta sồr lam Kơnràñ dê mơ añ ai bol mê in tòm ngai do, tồ ală bơta rơp gơlik gơs niam bol mê in mơ ală kòn sau bol mê in tơnơ̆ mơ bol mê, nàng bol mê rgơi geh kis jŏ jòng tòm lơgar mơ Jehôwa Yàng Tom Trồ bol mê dê ai bol mê in gam sùm sùm.

Yal Wơl 30:20

kòñ gơboh tĕ Jehôwa Yàng Tom Trồ bol mê dê, dòn bơr Kơnràñ mơ ntào kơ̆ tòm Kơnràñ; hơ̆ la bơta kis bol mê in mơ ală ngai jŏ jòng tồ bol mê in kis tòm lơgar mơ Yàng Jehôwa neh srat să ai ală ồng pàng bol mê in la Abraham, Isak mơ Jakôp.

Lebi 19:19

Prap gàr tĕ ală bơta sồr lam Añ jê. Bañ lòi ală phan poan jơng jơi krơi tòmjă bal. Bañ tam bàr bơta gar sơntìl is tòm dô nơm ƀlàng sre. Bañ soh ồi ào tàñ mơ bàr bơta che brài krơi is.

Yal Wơl 1:8

Sền ne, Añ neh ai bol mê in lơgar do. Mut tĕ mơ dòp ù tiah lơh gơs sre brê mơ Yàng Jehôwa neh srat să ho nền ai ală ồng pàng bol mê in la Abraham, Isak mơ Jakôp, mơ ală kòn sau bol khai in.’

Yal Wơl 6:1

Do la ală gơnoar sồr, ală bơta lơh nền mơ ală bơta boh lam mơ Jehôwa Yàng Tom Trồ bol mê dê neh sồr añ bơto bol mê prap gàr tòm lơgar mơ bol mê rơp tiă Jordan mơ dòp geh,

Yal Wơl 6:24

Yàng Jehôwa neh ai jơnau gơnoar sồr bol hi pal prap gàr jơh ală jơnau lơh nền do, mơ rngòt di Jehôwa Yàng Tom Trồ bol hi dê, tồ bol hi rơp geh bơtoah bơtoài sùm sùm mơ geh kis kung be tòm ngai do.

Yal Wơl 7:11

Gen tàng, ngac ngar lơh jat tĕ ală jơnau gơnoar sồr, ală bơta lơh nền mơ ală bơta boh lam añ ai bol mê in tòm ngai do.

Yal Wơl 8:11

Kơrhia tĕ nàng bol mê ò hŭi Jehôwa Yàng Tom Trồ bol mê dê mơ prap gàr lơh jat ală jơnau gơnoar sồr Kơnràñ dê, ală bơta boh lam Kơnràñ dê mơ ală bơta lơh nền Kơnràñ dê mơ añ ai bol mê in tòm ngai do.

Yal Wơl 9:1

Ơ Israel, iat tĕ, ngai do bol mê rơp tiă Jordan nàng tòmpìt ai ală lơgar dờng rlau mơ pràn rlau mơ bol mê, gơs ală ƀòn dờng ơnàng ơm tòm ală dơrñang kơ̆ cê jơnhoa tus hơ trồ.

Yal Wơl 13:1

Dilah digùl oh mi gơs dô nă cau gơnoar hwơr, hala dô nă cau đơs lài kơnòm di ală bơta mpau, tơlik mat digùl bol mê mơ bơto yal bol mê in dô nơm tềl is hala bơta krơi,

Jôsue 3:9

Gen Jôsue đơs mơ làng bol Israel lah: “Tus tĕ rềp tềng do mơ iat jơnau Jehôwa Yàng Tom Trồ bol mê dê.

Jeremi 11:6

Mơ Yàng Jehôwa đơs mơ añ lah: “Yal tơlik tĕ ală jơnau do tòm ală ƀòn dờng Juda dê mơ tòm ală gùng Jerusalem dê lah: ‘Iat tĕ ală jơnau ho bal do mơ lơh jat.’