Yal Wơl 3:4 - Sră Goh 2018

⁴ Tòm tŭ hơ̆ bol hi tòmpìt ai jơh ală ƀòn dờng khai dê. Ò gơs ƀòn dờng lơi tòm prau jơt nơm ƀòn dờng mơ bol hi ò tòmpìt ai bơh di bol khai, hơ̆ la jơh dô kơnhwàl Argôp, lơgar Ôk la bơtau Basan dê.

Yal Wơl 3:4 Referans Kwoze

I Ală Bơtau 4:13

Ben Geber, tòm Ramôt Galaat (ală ƀòn Jair dê, kòn klau Manase tòm Galaat la gơrê mơ khai, bal mơ kơnhwàl Argôp tòm Basan mơ prau jơt ƀòn dờng gơs dơrñang gùt dar mơ gơs kai mpồng ƀòn mơ kòng);

Jôsue 12:4

Mơ bơtau Ok lơgar Basan dê, la dô nă cau gam wơl bơh làng bol Rephaim, khai ơm tòm Astarôt mơ Edrei,

Khà Làng Bol 21:35

Behơ̆ bol khai tơnchơt khai bal mơ ală kòn klau khai dê mơ jơh mpồl ling khai dê, ò lòi dô nă cau lơi gam kis. Mơ bol khai tòmpìt ai lơgar khai dê.

Yal Wơl 3:3

Behơ̆ Jehôwa Yàng Tom Trồ bol hi dê kung neh jào tòm tê bol hi Ok bơtau Basan mơ jơh dô mpồl ling khai dê. Bol hi tơnchơt khai, ò lòi dô nă cau lơi gam kis.

Yal Wơl 3:5

Jơh ală ƀòn dờng hơ̆ la ală ƀòn dờng kơ̆ cê gơs dơrñang jòng jơnhoa mơ mpồng dờng gơs kai kal wơl, mơ kung gơs oă ƀòn ò gơs dơrñang gùt dar sơl.

Yal Wơl 3:13

Pơnah gam wơl Galaat dê bal mơ jơh Basan lơgar bơtau Ôk dê gen añ ai nggùl jơi bơtiàn Manase in. (Jơh dô kơnhwàl Argôp tòm Basan òs geh kòp la ù tiah cau Rephaim dê.

Yal Wơl 3:14

Jair, dô nă kòn sau Manase dê neh ai jơh dô kơnhwàl Argôp, ngài tus hơ nhàr lơgar cau Gesurit mơ cau Makathit; gơ geh tơmoh sơnđan jat sơnđan khai dê, tian gơs tus di ngai do Basan geh sơnđan la Habôt Jair.)

Yal Wơl 4:47

Bol khai ai lơgar khai dê mơ lơgar Ok bơtau Basan dê lơh gơs sre brê, hơ̆ la bàr nă cau bơtau Amôrit ơm đah mattơngai lik Jordan dê.