Yal Wơl 3:1 - Sră Goh 2018

¹ Tơnơ̆ mơ hơ̆, bol hi wèt wơl mơ lòt guh hơ gah gùng lòt hơ Basan. Ok bơtau Basan bal mơ jơh dô mpồl ling khai dê lik lòt tòmlơh mơ bol hi tòm Edrei.

Yal Wơl 3:1 Referans Kwoze

Yal Wơl 29:7

Tòm tŭ bol mê tus tềng do, Sihôn bơtau Hesbôn dê mơ Ôk bơtau Basan dê lik lòt nàng tòmlơh mơ bol he, mơya bol he neh pha rlau mơ bol khai.

Yal Wơl 1:4

Hơ̆ la tơnơ̆ mơ tŭ khai neh lơh alah Sihôn bơtau cau Amôrit neh at bồ tòm Hesbôn, mơ tòm Edrei neh lơh alah Ok bơtau Basan neh at bồ tòm Astarôt.

Đơs Crih 136:20

Mơ Ôk, bơtau Bassan dê, Bơh bơta kòñ gơboh kơ̆ dơn Kơnràñ dê gam sùm sùm.

Nehemi 9:22

Mơ tai Kơnràñ neh ai bol khai in ală lơgar mơ ală làng bol, mơ tòmpà bol khai in tus lồi nhàr lơgar hơ̆ bol khai in. Bol khai dòp geh lơgar Sihôn bơtau Hesbôn dê, mơ lơgar Ok bơtau Basan dê.

I Ală Bơtau 4:19

Geber kòn klau Uria, tòm Galaat (bơtau Sihôn, cau Amôrit, mơ bơtau Ôk cau Basan dê). Mìng dô nă khai lơh gơs cau kwang at bồ hơđang kơnhwàl.

Jôsue 13:30

Ù tiah bol khai dê bơh Mahanaim mơ làm jơh Basan, làm jơh lơgar bơtau Ok cau Basan dê, jơh ală tiah bơt ƀòn làng bol Jair dê tòm Basan, prau jơt nơm ƀòn dờng,

Jôsue 12:4

Mơ bơtau Ok lơgar Basan dê, la dô nă cau gam wơl bơh làng bol Rephaim, khai ơm tòm Astarôt mơ Edrei,

Jôsue 9:10

mơ jơh ală bơta Kơnràñ neh lơh di bàr nă cau bơtau Amôrit ơm đah mattơngai lik hiòng Jordan dê, hơ̆ la Sihôn bơtau Hesbôn mơ Ok bơtau Basan at bồ tòm Astarôt.

Yal Wơl 31:4

Mơ Yàng Jehôwa rơp lơh di bol khai tòm toh kung be Kơnràñ neh lơh di Sihôn mơ Ok la ală cau bơtau cau Ammôn dê mơ Kơnràñ neh tơnroh bal mơ ù tiah lơgar bol khai dê.

Yal Wơl 4:47

Bol khai ai lơgar khai dê mơ lơgar Ok bơtau Basan dê lơh gơs sre brê, hơ̆ la bàr nă cau bơtau Amôrit ơm đah mattơngai lik Jordan dê.

Yal Wơl 3:2

Yàng Jehôwa đơs mơ añ lah: “Bañ rngòt di khai, bơh Añ neh jào khai tòm tê mê bal mơ jơh dô mpồl ling khai dê mơ lơgar khai dê. Lơh tĕ di khai kung be mê neh lơh Sihôn bơtau Amôrit at bồ tòm Hesbôn.”

Yal Wơl 2:32

Tòm tŭ Sihôn mơ jơh dô mpồl ling khai dê lik lòt mơ tòmlơh mơ bol hi tòm Jahas,

Jôsue 12:1

Do la ală cau bơtau tòm lơgar mơ làng bol Israel neh lơh alah, la ală lơgar đah mattơngai lik hiòng Jordan, bơh thòng Arnôn tus hơ mơnơm Hermôn, bal mơ ală tiah đah mattơngai lik Arabah dê: