Yal Wơl 1:8 - Sră Goh 2018

⁸ Sền ne, Añ neh ai bol mê in lơgar do. Mut tĕ mơ dòp ù tiah lơh gơs sre brê mơ Yàng Jehôwa neh srat să ho nền ai ală ồng pàng bol mê in la Abraham, Isak mơ Jakôp, mơ ală kòn sau bol khai in.’

Yal Wơl 1:8 Referans Kwoze

Sơnròp Gơlik Gơs 15:18

Tòm ngai hơ̆ Yàng Jehôwa lơh bơta ho bal mơ Abram, mơ đơs lah: “Añ ai jơi bơtiàn mê in lơgar do, bơh hiòng Ejiptơ tus di hiòng dờng, hơ̆ la hiòng Ơphrat,

Sơnròp Gơlik Gơs 12:7

Yàng Jehôwa tơlik mat mơ Abram mơ đơs lah: “Añ rơp ai jơi bơtiàn mê in lơgar do.” Gen tềng hơ̆ Abram lơh dô nơm cơnòng duh khoai Yàng Jehôwa in la Bơtau neh tơlik mat mơ khai.

Sơnròp Gơlik Gơs 15:16

Tus dê rài poan, gen jơi bơtiàn mê rơp rê wơl hơ do, tài bơh tồi glài cau Amôrit dê òhềt bềng lìu.”

Hebrơ 6:13

Tòm tŭ Yàng Tom Trồ ho pơgon mơ Abraham, bơh ò gơs Bơtau lơi dờng rlau, gen Kơnràñ ai să tòm Kơnràñ mơ srat să lah:

Hebrơ 6:14

“Ngan, añ rơp ai lơngai mê in, mơ añ rơp bơtơl oă jơi bơtiàn mê in.”

Lik Ejiptơ 23:31

Añ rơp bơtào kơ̆ nhàr lơgar bol mê dê bơh Dàlềng Pơrhê jơl tus di Dàlềng Philistin, bơh ƀlàng ngềt ngơt tus di Hiòng Ơphrat. Añ rơp jào tòm tê bol mê làng bol ơm tòm lơgar, mơ bol mê rơp ting bơtrơh bol khai lik bơh di đap bol mê.

Lik Ejiptơ 33:1

Gen Yàng Jehôwa đơs mơ Môise lah: “Mê bal mơ làng bol mơ mê neh lam lik lòt bơh di Ejiptơ sang lòi tĕ tiah do, mơ lòt guh tus hơ lơgar mơ Añ neh srat să ho nền mơ Abraham, Isak, mơ Jakôp mơ đơs lah: ‘Añ rơp ai lơgar hơ̆ jơi bơtiàn mê in.’

Khà Làng Bol 14:23

ò gơs dô nă cau klau lơi tòm bol khai rơp sền gŏ lơgar mơ Añ neh srat să ho ai ală ồng pàng bol khai in. Cau lơi neh sền òsơp di Añ rơp ò gơs tŭ lơi sền gŏ ù tiah hơ̆.

Khà Làng Bol 32:11

‘Tài bơh bol khai ò jơh nùs lòt jat Añ, gen ò gơs dô nă cau klau lơi bàr jơt nam hala dờng rlau neh lik bơh di Ejiptơ rơp gŏ ù tiah mơ Añ neh srat să ho nền ai Abraham, Isak mơ Jakôp in

Yal Wơl 1:11

Dan Jehôwa Yàng Tom Trồ ală ồng pàng bol mê dê bơtơl ntum khà bol mê dê dô rbô dơ̆ oă rlau, mơ ai lơngai bol mê in jat be Kơnràñ neh ho!

Yal Wơl 11:24

Tiah lơi mpàng jơng bol mê jă gen rơp gơrê bal mơ bol mê. Ù tiah bol mê dê rơp bơh di ƀlàng ngềt ngơt tus hơ Liban, mơ bơh di hiòng Ơphrat tus hơ dàlềng đah mattơngai mut.

Nehemi 9:15

Kơnràñ neh ai bol khai in sa piang lă bơh trồ tŭ bol khai jơgloh; tòm tŭ bol khai tơhìr lơh dà lik bơh lŭ nàng ai bol khai in hùc; mơ kung neh sồr bol khai mut dòp ù tiah mơ Kơnràñ neh ho ai bol khai in.

Jeremi 32:22

Kơnràñ ai bol khai in lơgar do, la lơgar bềng lìu dà toh mơ dà lơwe, mơ Kơnràñ neh srat să ai ồng pàng bol khai in.

Ejekiel 47:14

Mê pal tòmpà ring bal digùl bol khai. Tài bơh Añ neh srat să ho nền ai lơgar do ală ồng pàng mê in, lơgar do rơp gơlik gơs phan jơtài bol mê dê.

Yal Wơl 1:35

‘Ò gơs dô nă cau lơi tòm jơi bơtiàn iơh bơsak do rơp gŏ lơgar niam mơ Añ neh srat să ho ai ală ồng pàng bol mê in,

Yal Wơl 2:29

kung be ală kòn sau Esau ơm tòm Seir, mơ ală cau Môap ơm tòm Ar neh lơh bol hi in, jơl tus di tŭ bol hi tiă Jordan mơ mut tòm lơgar mơ Jehôwa Yàng Tom Trồ bol hi dê ai bol hi in.’

Yal Wơl 4:1

Ơ Israel, tŭ do iat tĕ ală bơta lơh nền mơ ală bơta boh lam mơ añ rơp bơto bol mê. Lơh jat ală bơta hơ̆ tồ bol mê geh kis mơ rgơi mut mơ dòp geh lơgar Jehôwa Yàng Tom Trồ ală ồng pàng bol mê dê ai bol mê in.

Yal Wơl 6:10

Tòm tŭ Jehôwa Yàng Tom Trồ bol mê dê cèng bol mê mut tòm lơgar mơ Kơnràñ neh srat să ai ală ồng pàng bol mê dê la Abraham, Isak mơ Jakôp rơp ai bol mê in, dô nơm lơgar gơs ală ƀòn dờng pas sơm ngan mơ bol mê ò gŏ bơt bơtào,

Yal Wơl 7:8

Mơya hơ̆ la tài bơh Yàng Jehôwa neh kòñ gơboh di bol mê mơ prap gàr jơnau srat să ho nền mơ ală ồng pàng bol mê dê mơ Kơnràñ neh ngui tê gơnoar pràn tă tơlik bol mê mơ dong tơwài bol mê bơh di lơgar ơm dĭ, klàs bơh di gơnoar pràn Pharaôn bơtau Ejiptơ dê.

Yal Wơl 7:12

Dilah bol mê ơn nùs tồr dê ală bơta boh lam do mơ kơrhia lòt jat ală bơta hơ̆ gen Jehôwa Yàng Tom Trồ bol mê dê rơp prap gàr bơta ho bal bơh bơta kòñ gơboh mơ bol mê tòm toh jat be Kơnràñ neh srat să ho nền mơ ală ồng pàng bol mê dê.

Yal Wơl 7:13

Kơnràñ rơp kòñ gơboh di bol mê mơ ai lơngai bol mê in mơ lơh jơi bơtiàn bol mê dê gơbơtơl oă. Kơnràñ rơp ai lơngai plai đo hìu kòn bol mê dê, cồng nha ù tiah bol mê dê, hơ̆ la kòi mbo, tơrnòm pa mơ mơñà, ală kơnrồ tòm ală mpồl phan poan jơng bol mê dê mơ ală belàt kòn tòm ală mpồl belàt bol mê dê tòm lơgar mơ Kơnràñ neh srat să ho nền mơ ală ồng pàng bol mê dê ai bol mê in.

Yal Wơl 8:1

Kơrhia tĕ lơh jat kòp jơnau gơnoar sồr mơ añ ai bol mê in tòm ngai do, tồ bol mê geh kis, geh bơtơl oă mơ rgơi mut dòp geh lơgar mơ Yàng Jehôwa neh srat să mơ ală ồng pàng bol mê dê ai bol mê in.

Yal Wơl 9:5

Hơ̆ ò di la tài bơh bơta song ring hala bơta song ngan bol mê dê mơ bol mê rơp dòp geh lơgar bol khai dê; mơya hơ̆ la tài bơh bơta iơh bơsak ală làng bol do dê mơ Jehôwa Yàng Tom Trồ bol mê dê rơp ting bơtrơh bol khai bơh di đap bol mê, nàng lơh gơlik gơs jơnau mơ Kơnràñ neh srat să ho mơ ală ồng pàng bol mê dê la Abraham, Isak mơ Jakôp.

Yal Wơl 10:11

Kơnràñ đơs mơ añ lah: “Lòt tĕ mơ tề lam làng bol tòm gùng dà bol khai dê tồ bol khai rgơi mut mơ dòp geh lơgar mơ Añ neh srat să ho nền mơ ală ồng pàng bol khai dê ai bol khai in.”

Yal Wơl 11:9

tồ bol mê rgơi kis jŏ tòm lơgar mơ Yàng Jehôwa neh srat să mơ ală ồng pàng bol mê dê, ai bol khai in mơ ală kòn sau bol khai in; hơ̆ la dô nơm lơgar hòr lik dà toh mơ dà lơwe.

Yal Wơl 26:3

Mơ bol mê pal tus mơ cau gơnoar ơn phan duh khoai duh broă tòm tŭ hơ̆ mơ đơs mơ khai lah: “Ngai do, añ yal tơlik mơ Jehôwa Yàng Tom Trồ ồng dê lah añ tus di lơgar mơ Yàng Jehôwa neh srat să ho mơ ală ồng pàng bol hi dê rơp ai bol hi in.”

Yal Wơl 26:15

Dan Kơnràñ sền tơmềt bơh hơđang trồ la tiah ơm sùm sàng goh Kơnràñ dê, mơ ai lơngai làng bol Israel in la làng bol Kơnràñ in, mơ ù tiah mơ Kơnràñ ai bol hi in tòm toh jat be Kơnràñ neh srat să ho nền mơ ală ồng pàng bol hi dê, la lơgar bềng lìu dà toh mơ dà lơwe.”

Yal Wơl 28:11

Yàng Jehôwa rơp ai bol mê in geh bơtoah bơtoài tơngkah tơngkañ tòm ù tiah Kơnràñ neh srat să mơ ală ồng pàng bol mê dê ai bol mê in, hơ̆ la plai đo hìu kòn bol mê dê, kòn dềt tòm mpồl phan poan jơng bol mê dê, mơ kòi mbo tòm ù tiah bol mê dê.

Yal Wơl 29:12

nàng mut tòm bơta ho bal Jehôwa Yàng Tom Trồ bol mê dê, mơ jơnau srat să ho nền mơ Jehôwa Yàng Tom Trồ neh bơtào mơ bol mê tòm ngai do;

Yal Wơl 30:20

kòñ gơboh tĕ Jehôwa Yàng Tom Trồ bol mê dê, dòn bơr Kơnràñ mơ ntào kơ̆ tòm Kơnràñ; hơ̆ la bơta kis bol mê in mơ ală ngai jŏ jòng tồ bol mê in kis tòm lơgar mơ Yàng Jehôwa neh srat să ai ală ồng pàng bol mê in la Abraham, Isak mơ Jakôp.

Yal Wơl 31:7

Lồc behơ̆ Môise hòi Jôsue mơ đơs mơ khai di đap mat jơh Israel lah: “Lơh tĕ pràn kơldang mơ khin cha, bơh mê pal lòt bal mơ làng bol do mut tòm lơgar mơ Yàng Jehôwa neh srat să mơ ală ồng pàng bol mê dê nàng ai bol khai in, mơ bol mê pal tòmpà gơ digùl bol khai nàng lơh gơs sre brê bol khai dê.

Yal Wơl 34:4

Lồc behơ̆ Yàng Jehôwa đơs mơ khai lah: “Hơ̆ la lơgar mơ Añ neh srat să ho mơ Abraham, Isak mơ Jakôp tòm tŭ Añ đơs lah: ‘Añ rơp ai gơ ală kòn sau mê in.’ Añ neh lòi mê sền gŏ gơ mơ mat tòm mê dê, mơya mê rơp ò lòt gan mơ mut tòm hơ̆.”

Jôsue 1:6

Lơh tĕ pràn kơldang mơ khin cha, bơh mê rơp ơn làng bol do tòm lơgar Añ ai bol khai in lơh gơs sre brê jat be Añ neh srat să ho nền mơ ală ồng pàng bol khai dê.

Ală Kwang Cahrña 2:1

Cau gơnrơh Yàng Jehôwa dê guh bơh Gilgal tus hơ Bôkim mơ đơs lah: “Añ neh tă cèng bol mê lik bơh Ejiptơ mơ lam bol mê mut tòm lơgar Añ neh ho ai ồng pàng bol mê in. Añ neh đơs ‘Añ rơp ò tŭ lơi sang lòi bơta ho bal mơ bol mê.