Yal Wơl 1:1 - Sră Goh 2018

¹ Do la ală jơnau Môise neh đơs mơ jơh ală cau Israel tòm ƀlàng ngềt ngơt đah ne hiòng Jordan dê, tòm ƀlàng ring tòm toh di đap Sup, digùl Pharan mơ Tôphel, Laban Hajerôt mơ Dijahap.

Yal Wơl 1:1 Referans Kwoze

I Samuel 25:1

Tŭ hơ̆ Samuel sang rài, jơh Israel pơjum ñìm ƀồc mơ tơp khai tòm ƀòn khai dê tòm Ramah. Gen Dabit ñă mù hơ ƀlàng ngềt ngơt Maan.

Jôsue 22:7

Tŭ hơ̆ Môise neh ai nggùl jơi bơtiàn Manase in dô pơnah sre brê tòm Basan; mơya nggùl jơi bơtiàn ne Jôsue neh ai dô pơnah sre brê di gah oh mi Israel bol khai tòm ù tiah đah mattơngai mut hiòng Jordan. Mơ tòm tŭ Jôsue sồr bol khai rê hơ sàl bol khai dê, gen ai lơngai bol khai in,

Jôsue 22:4

Tŭ do Jehôwa Yàng Tom Trồ bol mê dê neh ai ală oh mi bol mê in bơta rlô lơngai jat be Kơnràñ neh ho pơgon. Gen tàng rê tĕ hơ sàl bol mê dê tòm ù tiah gơs sre brê bol mê dê la tiah Môise cau duh broă Yàng Jehôwa dê, neh ai bol mê in đah ne hiòng Jordan.

Jôsue 9:10

mơ jơh ală bơta Kơnràñ neh lơh di bàr nă cau bơtau Amôrit ơm đah mattơngai lik hiòng Jordan dê, hơ̆ la Sihôn bơtau Hesbôn mơ Ok bơtau Basan at bồ tòm Astarôt.

Jôsue 9:1

Tòm tŭ ală cau bơtau ơm đah ne hiòng Jordan dê, ơm tòm lơgar kơh mơnơm, mơ tòm tiah liah rò gah Dàlềng Dờng hơ đah Liban, la bơtau làng bol Hetit, Amôrit, Kanaan, Pherijit, Hebit mơ Jebusit, kơno bơh bơta do,

Yal Wơl 33:2

Khai neh đơs lah: “Yàng Jehôwa neh bơh di Sinai, mơ tus hơđang bol khai bơh di Seir; Kơnràñ gơcrà àng bơh mơnơm Pharan. Kơnràñ neh tus bal mơ rbô rhiang cau sàng goh; tòm tê ma Kơnràñ dê gơlik ồs bơta boh lam bol khai in.

Khà Làng Bol 35:14

Ai tĕ prau nơm đah do hiòng Jordan dê mơ prau nơm tòm Kanaan lơh gơs ală ƀòn dờng kìng crŭ.

Khà Làng Bol 34:15

Bàr jơi bơtiàn mơ nggùl hơ̆ neh dòp geh sre brê bol khai dê ơm đah ne Jordan Jerikô dê, đah mattơngai lik.”

Khà Làng Bol 32:32

Bol hi rơp mă àñ phan tòmlơh mơ tiă hiòng mut tòm Kanaan di đap Yàng Jehôwa, mơya sre brê mơ bol hi dòp geh rơp ơm đah do hiòng Jordan.”

Khà Làng Bol 32:19

Bol hi rơp ò dòp sre brê lơi bal mơ bol khai đah ne Jordan, tài bơh sre brê bol hi dê neh geh dòp đah mattơngai lik Jordan dê.”

Khà Làng Bol 32:5

Bol khai đơs tai lah: “Dilah bol hi geh bơta nđàc di đap mat ồng, dan ai ală cau duh broă ồng in ù tiah hơ̆ lơh gơs sre brê. Dan bañ sồr bol hi tiă hiòng Jordan.”

Khà Làng Bol 13:3

Behơ̆, jat jơnau sồr Yàng Jehôwa dê. Môise sồr bol khai lik lòt bơh di ƀlàng ngềt ngơt Paran. Jơh tơl nă bol khai la ală cau kwang at bồ cau Israel dê.

Khà Làng Bol 12:16

Tơnơ̆ mơ hơ̆, làng bol sang lòi Haserôt mơ lòt tus bơtào sàl ơm tòm ƀlàng ngềt ngơt Pharan.

Khà Làng Bol 11:35

Bơh di Kiprôt Hathaba làng bol lòt gùng tus hơ Haserôt mơ ơm wơl tềng hơ̆.

Khà Làng Bol 10:12

Gen ală cau Israel lik lòt bơh di ƀlàng ngềt ngơt Sinai mơ lòt bơh tiah do tus hơ tiah ne, jơl tus di tŭ mhwal ơm wơl tòm ƀlàng ngềt ngơt Pharan.

Sơnròp Gơlik Gơs 21:21

Khai ơm tòm ƀlàng bràs Paran, mè khai lap bau khai in dô nă cau ơruh Ejiptơ.

Khà Làng Bol 13:26

Bol khai rê wơl hơ Môise mơ Arôn mơ mpồl jơnum cau Israel tòm Kades tòm ƀlàng ngềt ngơt Paran. Tềng hơ̆ bol khai yal wơl broă bol khai dê mơ Môise, Arôn mơ jơh mpồl jơnum mơ sơnio bol khai in ală plai lơgar dê.

Habakuk 3:3

Yàng Tom Trồ tus bơh Theman, Bơtau sàng goh tus bơh mơnơm Pharan. (Selah) Bơta gơklŏ Kơnràñ dê jơm gòm ală tap trồ, mơ bơta jòng ro Kơnràñ bềng lìu ù tiah.

Khà Làng Bol 33:20

Bol khai lik lòt bơh di Rimmôn Pheres mơ bơtào sàl ơm tòm Lipna.

Yal Wơl 2:8

Behơ̆ bol hi kư̆ lòt gùng mơ pleh bơh dê ù tiah ală oh mi bol hi dê la ală kòn sau Esau ơm tòm Seir. Bol hi pơrlac bơh di gùng Arabah la gùng lòt guh hơ Elat mơ Ejiôn Geber, mơ lòt jat rò gah gùng ƀlàng ngềt ngơt Môap dê.

Yal Wơl 4:46

mơ neh ơm tòm thòng rềp di Bet Pheor đah mattơngai lik Jordan dê, tòm lơgar Sihôn bơtau cau Amôrit dê, la bơtau at bồ tòm Hesbôn mơ neh kong ală cau Israel mơ Môise lơh alah tòm tŭ bol khai lik bơh di Ejiptơ.

Jôsue 3:16

gen dà bơh tồ gơ ơm dơh wơl ò hòr tai; gơlơh gơs kung be dô nơm gơnru ngài tus di Adam la ƀòn dờng ơm di gah Jarethan; tòm tŭ dà hòr hơ dàlềng Arabah la Dàlềng Chơt, gen gơkòl soat jơh. Behơ̆ gen làng bol lòt gan tòm toh di đap ƀòn Jerikô.

I Ală Bơtau 11:18

Bol khai lik bơh Midian lòt tus hơ Pharan; bol khai kup cau bơh Pharan lòt bal mơ bol khai tus hơ Ejiptơ, tus hơ Pharaôn, bơtau Ejiptơ. Bơtau ai hìu Hadat in ơm, phan sa mơ ù tiah.

Khà Làng Bol 33:21

Bol khai lik lòt bơh di Lipna mơ bơtào sàl ơm tòm Rissa.

Yal Wơl 5:1

Môise pơjum jơh Israel mơ đơs lah: “Ơ Israel, iat tĕ ală bơta lơh nền mơ ală bơta boh lam mơ añ bơto yal tòm tồr bol mê tòm ngai do. Bơtê tĕ mơ lơh nền lơh jat ală bơta hơ̆.

Yal Wơl 27:1

Môise bal mơ ală cau kwang kra Israel dê neh ai jơnau sồr làng bol in be do: “Prap gàr lơh jat tĕ ală jơnau sồr do mơ añ ai bol mê in tòm ngai do.

Yal Wơl 29:1

Do la ală jơnau lơh nền tòm bơta ho bal mơ Yàng Jehôwa neh sồr ồng Môise bơtào mơ ală cau Israel tòm Môap, rlau mơ bơta ho bal Yàng neh bơtào gơs mơ bol khai tòm Hôrep.

Yal Wơl 31:1

Lồc behơ̆ Môise tơlik mat mơ đơs ală jơnau do mơ jơh Israel: