Yal Tơlik 8:8 - Sră Goh 2018

⁸ Cau gơnrơh dơ̆ bàr uh kơlwòk, gen gơs dô nơm phan gơlơh be dô nơm mơnơm dờng gơs ồs sa kong sơrbì tòm dàlềng. Gen dô pơnah pe dàlềng gơlik gơs mhàm,

Yal Tơlik 8:8 Referans Kwoze

Jeremi 51:25

Yàng Jehôwa đơs: “Ơ mơnơm bơta tơnroh ne, Añ tòmdră mơ mê, La cau neh tơnroh jơh dunnia! Añ rơp pò tê Añ tòmdră mơ mê, rơp pơrlă mê dùh bơh hơđang lŭ klềr, Lơh mê in gơlik gơs mơnơm kong chu.

Jơnau Niam Jat Mak 11:23

Di ngan Añ đơs mơ bol mê, cau lơi đơs mơ mơnơm do lah: ‘Yò tĕ să mơ ntruñ tòm dàlềng,’ dilah khai ò pin wil wơl tòm nùs mơya dòn nền cê jơnau he đơs rơp gơlik gơs ngan, gen ngan bơta hơ̆ rơp gơlik gơs.

Yal Tơlik 8:7

Cau gơnrơh sơnròp uh kơlwòk, gen gơs mìu piar, mơ ồs bơcă bal mơ mhàm dùh tòm plai ù. Dô pơnah pe chi che kong ồs sa, mơ jơh ală ñhơt tơlir kong ồs sa sơl.

Yal Tơlik 11:6

Bàr nă cau hơ̆ gơs gơnoar til ală tap trồ, nàng ò gơs mìu tòm ală ngai bol khai đơs hwơr; bol khai gơs gơnoar hơđang ală dà nàng lơh dà gơlik gơs mhàm, mơ ngui jơh ală bơta rung rài nàng lơh iơh di plai ù tŭ lơi jat nùs bol khai kòñ.

Amôs 7:4

Do la bơta Jehôwa Yàng Tom Trồ sơnio añ in: Jehôwa Yàng Tom Trồ neh hòi mìu ồs nàng lơh glài; gơ sa jơh thòng dờng jrô mơ sa jơh lơgar.

Ejekiel 14:9

Dilah cau gơnoar hwơr gơkòl pơrlồm ơniai mơ đơs dô jơnau, gen Añ, Yàng Jehôwa neh lòi cau gơnoar hwơr hơ̆ gơkòl pơrlồm ơniai, mơ Añ rơp pò tê tòmdră mơ khai, mơ tơnroh khai bơh digùl làng bol Israel Añ jê.

Sacari 13:8

Yàng Jehôwa đơs lah: “Tòm làm jơh lơgar, bàr pơnah pe rơp kong tă sang mơ tơnroh; bulah behơ̆, dô pơnah pe rơp gam wơl tòm hơ̆.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Yal Tơlik 9:15

Behơ̆ poan nă cau gơnrơh geh hồ, bol khai neh gơs rcang sir tus di jơ, ngai, kơnhai mơ nam hơ̆, tồ tơnchơt dô pơnah pe jơi kòn mơnus.

Yal Tơlik 9:18

Dô pơnah pe jơi kòn mơnus kong chơt bơh pe bơta rung rài hơ̆, la ồs, ñhŭ mơ siau lik bơh di bơr ală ơseh.

Yal Tơlik 12:4

Tiang gơ hwài dô pơnah pe ală sơmañ hơđang trồ mơ sơrbì tòm plai ù. Nagrài hơ̆ ơm ntào di đap cau ùr mòr deh, nàng gơ rgơi sa loan kòn khai dê tòm tŭ khai geh deh.