Yal Tơlik 8:5 - Sră Goh 2018

⁵ Cau gơnrơh ai gri kơlhô, ai ồs bơh cơnòng duh khoai mơ ơn bềng tòm hơ̆, mơ sơrbì gơtòm ù; gen gơs ală ntơr kơnàs, jơnau ntas dờng, puhlèp mơ lơnggơr ù.

Yal Tơlik 8:5 Referans Kwoze

Yal Tơlik 11:19

Chòp hìu duh khoai Yàng Tom Trồ ơm hơđang trồ geh pò tơlik, lòi cau in gŏ tòm hìu duh khoai hơ̆ gơs Đài Bơta Ho Bal Kơnràñ dê; gen gơs puhlèp, jơnau ntas dờng, ntơr kơnàs, lơnggơr ù mơ mìu piar dờng.

Yal Tơlik 4:5

Bơh dê sơbàn hơ̆ gơlik ală puhlèp, jơnau ntas mơ ntơr kơnàs; mơ di đap sơbàn gơs poh nơm sơmpòl ồs, hơ̆ la poh Hwềng Yàng Tom Trồ dê.

Broă 16:26

Nisơna, gơs bơta gơlơnggơr ù dờng ngan, tian gơs mơnàng hìu jàm wañ lơnggơr; tŭ hơ̆ mo, ală mpồng gơ pò jơh, che sreng cap cau ơm jàm gơhồ sơntă jơh hir.

Esai 29:6

Yàng Jehôwa Gơnap Gơnoar Dờng rơp còp mê, mơ ntơr kơnàs, gơlơnggơr ù mơ ntas nggồr dờng, càl rbut, mơ lơmpiat ồs sa pơrguc.

Đơs Crih 18:13

Yàng Jehôwa kung lơh ntơr kơnàs hơđang ală tap trồ, Bơtau Hơđang Rlau Jơh lơh ntas nggồr Kơnràñ dê, Gơs mìu piar mơ rnga ồs hơng.

Lebi 16:12

Khai pal ai dô nơm gri ơn kơlhô gơs bềng rnga ồs hơng bơh di cơnòng duh khoai di đap Yàng Jehôwa mơ bàr sơmbat bềng kơlhô ƀô bơlhu neh tơnlề rhền mơ cèng ală phan hơ̆ tus hơ đah dơlam bài kơrnìng.

Yal Tơlik 11:13

Di di jơ hơ̆ gơs dô bơta lơnggơr ù dờng ngan, dô pơnah jơt ƀòn dờng tơrlah; poh rbô nă cau chơt tòm bơta lơnggơr ù hơ̆, ai ală cau gam kis gen rngòt ngan mơ jòng ro Yàng Tom Trồ hơđang trồ.

Yal Tơlik 6:12

Tòm tŭ belàt Kòn tă ƀang kì dơ̆ prau, gen añ sền gŏ, ne, gơs lơnggơr ù dờng ngan, mattơngai gơlik jù be bài sơnò kiat jù, mơ kơnhai gơlik gơs be mhàm.

Broă 4:31

Tòm tŭ neh jơh hòi dan rau, gen tòm tiah pơjum hơ̆ gơlơnggơr ung; jơh tơl nă geh bềng lìu Yàng Hwềng Goh mơ bơto yal jơnau Yàng Tom Trồ dê dô bă khin cha.

Luka 12:49

“Añ neh tus tơndùh ồs tòm ù; ñchi bơta Añ kơp kòñ rlau tai dilah gơ neh hìt rau!

Mathiơ 24:7

Bơh làng bol do rơp bơtào tòmsò mơ làng bol ne, lơgar do tòmlơh mơ lơgar ndai. Oă tiah rơp gơs jơgloh rung mơ tơrlơm ù.

Esai 66:6

Iat tĕ jơnau nggồr nggàc hơ̆ bơh ƀòn dờng; iat tĕ ntas hơ̆ bơh di hìu duh khoai! Hơ̆ la ntas Yàng Jehôwa dê, Kơnràñ tơm wơl ală cau sò tơm di Kơnràñ jơh ală bơta bol khai pal kong.

Esai 30:30

Yàng Jehôwa rơp lơh cau in kơno sap đơs ryŭ ryơm Kơnràñ dê, mơ rơp ai bol khai in sền gŏ tơwòr tê Kơnràñ dê tơndùh bơta gơjrañ dờng bal mơ ồs sa pơrguc, càl khồm druh, càl rbut dờng, mơ mìu piar.

I Ală Bơtau 19:11

Yàng Tom Trồ đơs mơ khai lah: “Lik tĕ, ntào di jơng mơnơm di đap Yàng Jehôwa, bơh Yàng Jehôwa rơp lòt gan.” Tŭ do gơs dô ròs càl dờng khồm pràn ngan di đap Kơnràñ, crè ală mơnơm, mơ lơh bơcah ală pơnai lŭ gơlik rpot rpet; mơya Yàng Jehôwa ò ơm tòm càl. Tơnơ̆ mơ ròs càl gơs dô bơta gơlơnggơr ù, mơya Yàng Jehôwa ò ơm tòm ù lơnggơr;

Sacari 14:5

Bol mê rơp dô tòm thòng mơnơm Añ jê, bơh thòng digùl ală mơnơm rơp lòt ngài tus Ajal. Bol mê rơp dô kung be neh dô bơh bơta gơlơnggơr ù tòm ală ngai Ôsia dê la bơtau Juda. Gen Jehôwa Yàng Tom Trồ añ jê rơp tus, mơ jơh ală cau sàng goh tus bal mơ Kơnràñ.

Jeremi 51:11

Mòn sơmplàñ tĕ kam, tơmbềng tĕ ding kam! Yàng Jehôwa neh chồl nùs ală cau bơtau tòm Medi, bơh Kơnràñ neh lơh nền tơnroh Babilôn. Bơh do la bơta sal tê Yàng Jehôwa dê, Kơnràñ sal tê bơh hìu duh khoai Kơnràñ dê.

Lik Ejiptơ 19:16

Tòm àng drim ngai pe, gơs ntơr kơnàs mơ puhlèp bal mơ dô puk mhwal lơut hơđang mơnơm, mơ gơs kơlwòk ntas dờng. Jơh làng bol ơm tòm sàl rơm să rngòt.

Yal Tơlik 8:3

Chòp gơs dô nă cau gơnrơh ndai tus, ntào dê gah cơnòng duh khoai, at dô nơm gri mơ màh ơn kơlhô. Khai neh geh ai oă kơlhô nàng bơcă bal mơ ală jơnau hòi dan jơh ală cau sàng goh dê, mơ ơn hơđang cơnòng duh khoai mơ màh di đap sơbàn.