Yal Tơlik 6:2 - Sră Goh 2018

² Mơ añ gŏ, ne, gơs dô nơm ơseh kò. Cau hào ơseh gơs dô nơm àtak; mơ neh ai khai in dô nơm sơgơn bơtau, mơ khai lik lòt be cau pha lin rlau nàng geh pha lin rlau.

Yal Tơlik 6:2 Referans Kwoze

Sacari 1:8

Tòm trồ mang añ neh gơs dô bơta gơtơnggŏ, añ gŏ di đap añ gơs dô nă cau hào ơseh pơrhê! Khai ơm ntào digùl ală tòm chi bơñàng tòm dô nơm thòng. Bơh ngkòi khai gơs ală ơseh pơrhê, ơseh gur, mơ ơseh kò.

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.

Yal Tơlik 14:14

Lồc behơ̆ añ sền gŏ, ne, gơs dô nơm mhwal bò, hơđang mhwal gơs dô Bơtau nggui gơlơh be kòn mơnus, bồ ndau dô nơm sơgơn bơtau mơ màh, tê at dô nơm mơ̆ sồt.

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Esai 25:8

Gen Jehôwa Yàng Tom Trồ rơp jùt dà mat bơh di jơh ală mat, mơ bơta sền òsơp làng bol Kơnràñ dê rơp tă tơlik jơh bơh di plai ù, Yàng Jehôwa neh đơs behơ̆.

Đơs Crih 110:2

Yàng Jehôwa sồr lik bơh di Siôn gai gơnoar at bồ mê dê. At bồ tĕ digùl ală cau sò tơm mê dê!

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”

Yal Tơlik 15:2

Añ neh gŏ be dô nơm dàlềng krơh bơcă bal mơ ồs, kung gŏ ală cau neh geh pha lin rlau mơ phan poan jơng mơ rùp gơ mơ khà sơnđan gơ, ală cau hơ̆ ntào di gah dàlềng krơh hơ̆ mơ at ală kơñi pĕ Yàng Tom Trồ dê.

Yal Tơlik 11:18

Ală làng bol gơhào gơjrañ, mơya bơta gơjrañ dờng Kơnràñ dê neh tus. Do la tŭ ală cau chơt kong cahrña, la tŭ ai phan ƀàn ală dĭ gơna Kơnràñ dê la ală cau gơnoar hwơr, ală cau sàng goh mơ ală cau in duh rngòt di sơnđan Kơnràñ, ală cau dềt mơ ală cau dờng; mơ la tŭ tơnroh ală cau tơnroh plai ù.”

I Kôrintô 15:25

Bơh Kơnràñ pal at bồ jơl tus di tŭ Yàng Tom Trồ “ơn jơh ală cau sò tơm hơđơm mpàng jơng Kơnràñ dê.”

Đơs Crih 98:1

Đơs chò tĕ Yàng Jehôwa in dô bơta đơs chò pa, Bơh Kơnràñ neh lơh ală bơta crih crài! Tê ma mơ tơwòr tê sàng goh Kơnràñ dê neh geh pha lin rlau.

Yal Tơlik 19:14

Ală mpồl ling hơđang trồ soh ào bài che dơmài lơbơn, bò mơ goh, hào ơseh kò lòt jat Kơnràñ.

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Đơs Crih 76:7

Mơya Yàng la pal rngòt ngan! Tòm tŭ Yàng gơhào gơjrañ gen ñcau rgơi ntào jai di đap Kơnràñ taih?

Yal Tơlik 9:7

Ală srah nting hơ̆ gơlơh be ală ơseh neh rcang sir nàng lik lòt tòmlơh; hơđang bồ bol gơ gơs chi lơi gơlơh be sơgơn bơtau mơ màh, mơ muh mat bol gơ be muh mat kòn mơnus.