Yal Tơlik 4:8 - Sră Goh 2018

⁸ Poan nơm phan wìn kis hơ̆, kòp nơm gơs prau nơm đar, đah dơlam mơ đah bơdìh ală đar hơ̆ gơs bềng gar mat; ngai mơ mang bol gơ đơs sùm ò dơh lah: “Sàng goh, sàng goh, sàng goh Yàng la Yàng Tom Trồ, Bơtau Gơnap Gơnoar Dờng Làm Jơh, la Bơtau Neh Gơs, Gam Gơs mơ Rơp Tus.”

Yal Tơlik 4:8 Referans Kwoze

Yal Tơlik 1:8

Yàng la Yàng Tom Trồ, Bơtau Gam Gơs, Neh Gơs mơ Rơp Tus, la Bơtau Gơnoar Dờng Làm Jơh đơs lah: “Añ la Alpha mơ Ômega.”

Yal Tơlik 4:6

Di đap sơbàn gơs dô nơm dàlềng krơh gơlơh be krơh àng goh; digùl kòp đah gùt dar sơbàn gơs poan nơm phan wìn kis, đah đap mơ đah ngkòi bol gơ dê gơs bềng gar mat.

Hebrơ 13:8

Yàng Jesu Krist ngai òr, ngai do mơ jơl tus sùm sùm ò tŭ lơi tòmgơl.

Lik Ejiptơ 15:11

Ơ Yàng Jehôwa! Digùl ală yàng, ñcau ndròm be Kơnràñ taih? Ñcau rgơi ndròm be Kơnràñ, ryŭ ryơm tòm bơta sàng goh, Pal rngòt rngơt tòm bơta gơklŏ, lơh ală bơta krơi tềl is?

Yal Tơlik 15:3

Bol khai đơs chò bơta đơs chò Môise dê, la dĭ gơna Yàng Tom Trồ dê, mơ bơta đơs chò Belàt Kòn dê, mơ lah: “Ơ Yàng la Yàng Tom Trồ, Bơtau Gơnoar Dờng lam Jơh, Ală broă Kơnràñ dê la dờng ngan mơ krơi is ngan! Ơ Bơtau ală rài dê, ală gùng dà Kơnràñ dê la song ring mơ song ngan!

Yal Tơlik 11:17

mơ đơs lah: “Ơ Yàng la Yàng Tom Trồ, bơtau Gơnoar Dờng Làm Jơh, Kơnràñ Gam Gơs mơ Neh Gơs, bol hi ưnngài Kơnràñ, tài bơh Kơnràñ neh ai gơnap gơnoar dờng Kơnràñ dê mơ neh sơntòm at bồ.

Yal Tơlik 16:7

Mơ añ kơno cơnòng duh khoai đơs lah: “Ngan, khoai Yàng la Yàng Tom Trồ, Bơtau Gơnoar Dờng Làm Jơh, Ală bơta cahrña Kơnràñ dê la song ngan mơ song ring.”

Ejekiel 1:6

mơya kòp nơm phan hơ̆ gơs poan nơm muh mat mơ poan nơm đar.

Đơs Crih 91:1

Cau lơi kìng crŭ să he tòm Bơtau Hơđang Rlau Jơh, Mơ ơm sùm tòm tiah mƀur Bơtau Gơnap Gơnoar Làm Jơh dê,

Yal Tơlik 7:15

Tài bơh hơ̆ sồng bol khai ơm di đap sơbàn Yàng Tom Trồ dê, ngai mơ mang duh broă Yàng Tom Trồ tòm hìu duh khoai Kơnràñ dê; ai Bơtau nggui hơđang sơbàn rơp jơm gòm bol khai.

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Yal Tơlik 21:22

Tòm ƀòn dờng hơ̆ añ ò gŏ hìu duh khoai lơi, bơh Yàng la Yàng Tom Trồ, Bơtau Gơnoar Dờng Làm Jơh, mơ Belàt Kòn la hìu duh khoai ƀòn hơ̆ dê.

Yal Tơlik 19:15

Gơs dô ngkơr đào sồt lik bơh di bơr Kơnràñ nàng lơh ală làng bol; Kơnràñ rơp ngui gai lòs nàng at bồ bol khai. Kơnràñ rơp jă mpal pat tơrnòm bơta gơjrañ dờng gơhào khuh ngan Yàng Tom Trồ dê, la Bơtau Gơnoar Dờng Làm Jơh.

Yal Tơlik 3:7

“Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò:

Yal Tơlik 1:4

Jang pơyoa poh nơm Hìu Jum Goh in tòm kơnhwàl Asia: Dan oh mi in geh bơta nđàc mơ bơta lơngap lơngai tus bơh Bơtau Gam Gơs, Neh Gơs mơ Rơp Tus; mơ bơh poh Hwềng ơm di đap sơbàn Kơnràñ dê,

Yal Tơlik 4:4

Gùt dar sơbàn hơ̆ gơs bàr jơt poan nơm sơbàn ndai; hơđang ală sơbàn do gơs bàr jơt poan nă cau kwang kra nggui, bol khai soh ào bò mơ dê bồ bol khai ndau sơgơn mơ màh.

II Kôrintô 6:18

Añ rơp lơh gơs Bèp ală bol mê dê, Ală bol mê rơp lơh gơs kòn klau kòn ùr Añ jê. Yàng la Bơtau Gơnoar Dờng Làm Jơh đơs behơ̆.”

Esai 62:1

Tài bơh Siôn Añ rơp ò ơm mŏ mŏ, tài bơh Jerusalem Añ rơp ò ơm rlô, jơl tus di tŭ bơta dong tò gơ dê sòl pơnđàng be tòm tŭ àng drim, mơ bơta dong klàs gơ dê be dô nơm sơmpòl ồs.

Esai 13:6

Ñìm rac tĕ, bơh ngai Yàng Jehôwa dê neh rềp; ngai hơ̆ tus kung be bơta tơnroh bơh Bơtau Gơnap Gơnoar Làm Jơh.

Jôel 1:15

Ơ hơh! Bơh ngai hơ̆, bơh ngai Yàng Jehôwa dê neh tus rềp! Gơ rơp tus kung be bơta tơnroh gơprah gơpring tus bơh Bơtau Gơnar Dờng.

Yal Tơlik 16:14

Bol gơ la hwềng ală cà dê, lơh ală tềl krơi, lik lòt tus hơ ală cau bơtau tòm làm jơh dunnia, nàng pơjum bol khai tòm bơta kơlìn tòm ngai dờng Yàng Tom Trồ dê, la Bơtau Gơnoar Dờng Làm Jơh.

Yal Tơlik 14:11

Ñhŭ bơta jê sồt bol khai dê gơguh gam sùm sùm ò lồi. Ală cau duh khoai phan poan jơng mơ rùp gơ, mơ ală cau dòp tềl sơnđan gơ, gen ngai mơ mang bol khai ò geh tŭ lơi rlô.”

II Timôthe 4:2

Bơto yal tĕ jơnau Yàng, bơto sùm bulah bơtoah hala ò bơtoah, bơto pơndòm, lah pơrhơng, chồl bơtrut, jơh nùs kong ơt tòm bơta bơto sồr.

I Timôthe 4:16

Kơrmap gàr tĕ să tòm mê mơ bơta bơto sồr mê dê; pal kơ̆ wền tĕ tòm ală bơta hơ̆, tài bơh lơh behơ̆ gen rơp dong klàs să tòm mê bal mơ ală cau iat mê sơl.

I Tesalônika 2:9

Ơ oh mi, oh mi gam kah bơta kong lơh broă mơ bơta bòl glar bol hi dê; tòm tŭ bol hi bơto yal Jơnau Niam Yàng Tom Trồ dê oh mi in, gen kung lơh broă ngai mơ mang, tồ ò lơh pơnjê di dô nă cau lơi tòm oh mi.

Broă 20:31

Behơ̆, drơng kơp tĕ mơ kah wơl lah tòm pe nam, ngai mơ mang, añ hòr dà mat mơ bơto sồr tơl nă cau in ò dơh.

Lik Ejiptơ 3:14

Yàng Tom Trồ đơs mơ Môise lah: “AÑ LA BƠTAU GƠS IS GAM GƠS SÙM SÙM.” Kơnràñ đơs tai lah: “Yal tĕ làng bol Israel in be do: ‘BƠTAU GƠS IS neh sồr añ lòt tus hơ bol mê.’”

Ejekiel 1:5

mơ digùl ồs gơlơh kung be poan nơm phan wìn kis. Rùp să ală phan hơ̆ sền gŏ kung be dô nă kòn mơnus,

Ejekiel 1:18

Kong rơndeh wil jơnhoa mơ gơlơh kìr rngòt ngan; mơ jơh poan nơm dơwàng kong rơndeh dê gơs bềng ală mat gùt dar.

Ejekiel 10:12

Jơh să ală ceruƀim dê la ngkòi, tê, mơ pơnđar bol gơ dê, tiah lơi kung gơs bềng ală mat kung be poan nơm kong rơndeh bol gơ dê.

Yal Tơlik 4:9

Mơ kòp dơ̆ ală phan wìn kis ai bơta gơklŏ, bơta ryŭ ryơm, bơta ưnngài nàng ơn Bơtau in ơm nggui hơđang sơbàn, la Bơtau kis gam sùm sùm ò lồi,

Yal Tơlik 5:6

Digùl sơbàn mơ poan nơm phan wìn kis, mơ digùl ală cau kwang kra, añ gŏ dô nơm Belàt Kòn ntào gơlơh be neh kong sreh chơt, gơs poh nơm ngke mơ poh nơm gar mat, la poh Hwềng Yàng Tom Trồ dê kong sồr lòt tus làm jơh plai ù.

Yal Tơlik 6:1

Chòp añ gŏ tòm tŭ Belàt Kòn tă ƀang kì sơnròp tòm poh nơm ƀang kì, gen añ kơno dô nơm phan wìn kis đơs be ntơr lah: “Tus tĕ!”

Yal Tơlik 6:6

Añ kơno digùl poan nơm phan wìn kis gơlơh be gơs jơnau đơs lah: “Dô kơr kòi mi tac dô dơnie, pe kơr kòi tac dô dơnie ai mơñà mơ tơrnòm gen bañ lơh roh.”

Yal Tơlik 7:11

Mơ jơh ală cau gơnrơh ntào gùt dar sơbàn, gùt dar ală cau kwang kra mơ poan nơm phan wìn kis; bol khai tơmbic să di đap sơbàn nàng duh khoai Yàng Tom Trồ,

Yal Tơlik 14:3

Bol khai đơs chò dô bơta đơs chò pa di đap sơbàn, di đap poan nơm phan wìn kis mơ ală cau kwang kra. Ò gơs cau lơi rgơi bơtê bơta đơs chò hơ̆, mìng dô rhiang poan jơt poan rbô nă cau git lơm, hơ̆ la cau neh geh tơwài klàs bơh dunnia.

Yal Tơlik 15:7

Dô nơm tòm poan nơm phan wìn kis tong poh nă cau gơnrơh in poh nơm mơngàn mơ màh ơn bềng bơta gơjrañ dờng Yàng Tom Trồ dê, la Bơtau kis sùm sùm ò lồi.

Yal Tơlik 19:4

Bàr jơt poan nă cau kwang kra bal mơ poan nơm phan wìn kis tơmbic să duh khoai Yàng Tom Trồ la Bơtau nggui hơđang sơbàn, mơ đơs lah: “Amen. Haleluya!”