Yal Tơlik 4:11 - Sră Goh 2018

¹¹ “Khoai Yàng la Yàng Tom Trồ bol he dê, Kơnràñ di pal dòp geh bơta gơklŏ, bơta ryŭ ryơm mơ gơnap gơnoar, Bơh Kơnràñ neh crơng gơs jơh ală phan, Mơ tài bơh nùs kòñ Kơnràñ dê gen ală phan hơ̆ neh gơlik gơs mơ geh crơng gơs.”

Yal Tơlik 4:11 Referans Kwoze

Yal Tơlik 5:12

Bol khai đơs bal dô jơnau dờng lah: “Belàt Kòn neh kong sreh chơt la Bơtau di pal dòp geh gơnap gơnoar, bơta pas sơm, bơta jak chài, gơnoar pràn, bơta ryŭ ryơm, bơta gơklŏ mơ bơta jòng ro”

Esai 40:28

Mê ò git sơl ơ? Mê òhềt kơno sơl ơ? Yàng Jehôwa la Yàng Tom Trồ kis gam sùm sùm, la Bơtau Crơng Gơs ală tiah lồi dut plai ù dê. Kơnràñ ò bòl ò glar, bơta git wă Kơnràñ dê ò gơs cau lơi rgơi jòi bàn.

Jơnau Pơnđik 16:4

Yàng Jehôwa crơng gơs ală jơi phan gơs tơnggume broă gơ dê; Tian gơs cau iơh, prap lòi ngai rung rài in.

Yal Tơlik 10:6

sơnio Bơtau kis gam sùm sùm ò lồi, la Bơtau neh crơng gơs trồ mơ ală phan hơđang trồ, crơng gơs ù mơ ală phan tòm ù, crơng gơs dàlềng mơ ală phan tòm dàlềng. Mơ khai srat să lah ò gơs tŭ lơi gơn tai,

Yal Tơlik 14:7

Khai đơs jơnau dờng lah: “Duh rngòt tĕ di Yàng Tom Trồ mơ jòng ro Kơnràñ, bơh jơ cahrña Kơnràñ dê neh di rau; duh khoai tĕ Bơtau neh crơng gơs trồ, tiah, dàlềng mơ ală croh dà.”

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,

Hebrơ 1:10

Kơnràñ kung đơs lah: “Ơ Yàng, bơh sơnròp Yàng neh bơtào gơs mơnàng plai ù, Ală tap trồ kung la broă tê Kơnràñ dê.

Sơnròp Gơlik Gơs 1:1

Bơh sơnròp Yàng Tom Trồ crơng gơs ală trồ mơ tiah.

Rôma 11:36

Bơh jơh ală phan la bơh Kơnràñ, tài bơh Kơnràñ, mơ gơrê hơ Kơnràñ. Àng gơklŏ Kơnràñ in gam sùm sùm. Amen.

Ephesô 3:9

mơ lơh jơh tơl nă cau in git loh bơh bơta rơndap broă ndơp ndơr dê, neh pồn ndơp bơh ală rài yau tòm Yàng Tom Trồ la Bơtau crơng gơs jơh ală phan.

Broă 14:15

“Ơ ală oh mi, ñchi bơh tài lơh bơta hơ̆ taih? Bol hi la kòn mơnus kung be ală oh mi sơl, bol hi bơto yal Jơnau Niam ală oh mi in, nàng oh mi wèt sang ală yàng roh lơm ne, mơ rê wơl hơ Yàng Tom Trồ gam kis sùm, la Bơtau neh crơng gơs trồ tiah, dàlềng mơ ală phan tòm hơ̆.

Jeremi 32:17

‘Khoai Yàng Jehôwa, Kơnràñ neh ngui gơnap gơnoar dờng làm jơh mơ pò tơlik tơwòr Kơnràñ dê mơ crơng gơs ală tap trồ mơ tiah; ò gơs bơta lơi la kalke Kơnràñ in.

Đơs Crih 18:3

Añ hòi dan mơ Yàng Jehôwa la Bơtau pal jòng ro, Mơ añ geh dong klàs bơh di ală cau sò tơm di añ.

Nehemi 9:5

Gen ală cau Lebi la Jesua, Katmiel, Bani, Hasapneiah, Serebiah, Hôdiah, Sebaniah, mơ Pethahiah đơs lah: “Ntào tĕ, jòng ro Jehôwa Yàng Tom Trồ bol mê dê, la bơtau gam sùm kòp rài. Pal jòng ro sơnđan gơklŏ Kơnràñ dê, sơnđan hơ̆ geh yò tơngguh jơnhoa rlau mơ jơh ală bơta lơngai, mơ jòng ro.”

Broă 17:24

Yàng Tom Trồ la Bơtau neh crơng gơs dunnia mơ ală phan tòm hơ̆, la Yàng trồ tiah dê, ò ơm tòm hìu duh khoai bơh tê cau lơh gơs ò.

II Samuel 22:4

Añ hòi dan di Yàng Jehôwa la Bơtau di pal geh jòng ro, mơ añ neh geh dong klàs bơh di ală cau sò tơm di añ.

Yal Tơlik 5:2

Añ kung gŏ dô nă cau gơnrơh gơs gơnoar pràn ai jơnau dờng yal lah: “Ñcau di pal pò sră do mơ tă ală ƀang kì gơ dê taih?”

Sră Jop 36:3

Añ rơp cèng bơta git wă añ jê bơh tiah ngài; mơ ràng tơlik bơta song ring mơ Bơtau Crơng Gơs añ jê.

Đơs Crih 68:34

Git đal tĕ gơnap gơnoar Yàng Tom Trồ dê, Bơta ryŭ ryơm Kơnràñ dê ơm hơđang Israel, mơ gơnap gơnoar Kơnràñ dê ơm tòm ală tap trồ.

Hebrơ 1:2

tus di ală ngai lồi dut do Kơnràñ đơs mơ bol he bơh Kòn mơ Kơnràñ neh pồ bơtào nàng pơrdòn jơh ală phan, kung kơnòm di Kòn mơ Kơnràñ neh crơng gơs dunnia.

Jeremi 10:11

Bol mê pal đơs mơ bol khai lah: ‘Ală yàng ò rgơi crơng ală trồ mơ ù tiah, rơp kong tơnroh thit bơh di ù tiah hơđơm ală tap trồ.’

Esai 40:26

Pò tĕ mat tơnggòr sền hơđang ală tap trồ: ñcau neh crơng gơs ală phan hơ̆ taih? Hơ̆ la Bơtau neh lơh gơlik gơs ală sơmañ mơ ală khà bol gơ dê, mơ hòi bol gơ jat ală sơnđan is gơ dê; tài bơh bơta pràn Kơnràñ dê la dờng Tòm gơnap gơnoar pràn Kơnràñ dê. Ò lòi hŭi dô nơm lơi.

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

Lik Ejiptơ 20:11

Bơh tòm prau ngai Yàng Jehôwa neh crơng gơs trồ mơ plai ù, dàlềng, bal mơ jơh ală phan tòm hơ̆, mơya Kơnràñ rlô tòm ngai poh. Gen tàng Yàng Jehôwa neh ai lơngai ngai Saƀat mơ lơh gơ in sàng goh.

Yal Tơlik 1:6

mơ lơh bol he in gơlik gơs lơgar cau bơtau dê, mơ cau gơnoar ơn phan duh khoai Yàng Tom Trồ in la Bèp Kơnràñ dê. Dan bơta gơklŏ mơ gơnoar pràn gơrê bal mơ Yàng Jesu Krist sùm sùm ò lồi. Amen.

Yal Tơlik 19:1

Tơnơ̆ mơ hơ̆ añ kơno hơđang trồ gơs jơnau driau dờng gơlơh be mpồl bol oă đơs lah: “Haleluya! Bơta dong klàs, bơta gơklŏ, mơ gơnap gơnoar gơrê bal mơ Yàng Tom Trồ bol he dê.