Yal Tơlik 3:7 - Sră Goh 2018

⁷ “Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò:

Yal Tơlik 3:7 Referans Kwoze

Esai 22:22

Añ rơp ơn hơđang pơnì khai kai mpồng hìu Dabit dê; khai rơp pò mơ ò gơs cau lơi rgơi til, khai rơp til gen ò gơs cau lơi rgơi pò.

Mathiơ 16:19

Añ rơp jào mê in kai mpồng lơgar đang trồ. Bơta lơi mê kơt tòm ù gen kung rơp kơt hơđang trồ sơl, mơ bơta lơi mê hồ tòm ù gen kung rơp geh hồ hơđang trồ sơl.”

Yal Tơlik 1:18

Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.

Sră Jop 12:14

Bơta lơi Kơnràñ sòr tơrlah, ò gơs cau lơi rgơi bơt bơtào wơl; Dilah Kơnràñ til, ò gơs cau lơi rgơi pò.

Yal Tơlik 6:10

Bol khai hòi driau dô jơnau dờng lah: “Khoai Bơtau Tòm At Bồ la Bơtau sàng goh mơ song ngan, jơl tus di tŭ lơi sồng Kơnràñ cahrña mơ sal tê bơh mhàm bol hi dê di ală cau ơm tòm plai ù taih?”

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Luka 1:32

Kòn klau hơ̆ rơp la dờng ryŭ, geh sơnđan la Kòn Bơtau Hơđang Rlau Jơh dê, Yàng la Yàng Tom Trồ rơp ai Kơnràñ in sơbàn Dabit la ồng pàng Kơnràñ dê.

Jơnau Niam Jat Mak 1:24

hòi driau lah: “Ơ Jesu Cau Nasaret, bol hi mơ Kơnràñ gơs ñchi jơnau taih? Kơnràñ lòt tus nàng tơnroh bol hi ơ? Añ git Kơnràñ la ñcau, la Bơtau sàng goh Yàng Tom Trồ dê.”

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Yal Tơlik 19:11

Chòp añ gŏ trồ gơ pò, ne, gơs dô nơm ơseh kò. Bơtau hào hơđang ơseh hơ̆ sơnđan la Bơtau Dòn Song mơ Song Ngan; Kơnràñ cahrña mơ tòmlơh jat bơta song ring.

Yal Tơlik 3:14

“Cih tĕ cau gơnrơh Hìu Jum Goh Laodise in lah: Do la ală jơnau đơs Bơtau Amen dê, la Bơtau lơh cơng dòn song mơ song ngan, la tòm ryas bơta crơng gơs Yàng Tom Trồ dê:

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,

Yal Tơlik 1:11

“Cih tĕ bơta mê gŏ tòm dô dap sră mơ pơyoa poh nơm Hìu Jum Goh in: Hìu Jum Goh Ephesô, Simirnơ, Pergam, Thiatirơ, Sardis, Philadelphi, mơ Laodise.”

Broă 3:14

Ală oh mi neh pơndang sang Bơtau sàng goh mơ song ring mơ dan Pilat hồ he in dô nă cau tơnchơt cau.

Mathiơ 24:35

Trồ tiah rơp roh mơya jơnau đơs Añ jê ò gơs tŭ lơi roh ò.”

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Luka 4:34

“Ơ Jesu Cau Nasaret, digùl bol hi mơ Kơnràñ gơs ñchi jơnau taih? Kơnràñ lòt tus nàng tơnroh bol hi ơ? Añ git Kơnràñ la ñcau, la Bơtau Sàng goh Yàng Tom Trồ dê.”

Esai 55:5

“Sền ne, bol mê rơp hòi ală lơgar mơ bol mê ò git, mơ ală lơgar ò git bol mê rơp ntoat tus hơ bol mê, tài bơh Jehôwa Yàng Tom Trồ bol mê dê la Bơtau Sàng Goh Israel dê, bơh Kơnràñ neh lơh bol mê in geh gơklŏ.”

Yal Tơlik 15:3

Bol khai đơs chò bơta đơs chò Môise dê, la dĭ gơna Yàng Tom Trồ dê, mơ bơta đơs chò Belàt Kòn dê, mơ lah: “Ơ Yàng la Yàng Tom Trồ, Bơtau Gơnoar Dờng lam Jơh, Ală broă Kơnràñ dê la dờng ngan mơ krơi is ngan! Ơ Bơtau ală rài dê, ală gùng dà Kơnràñ dê la song ring mơ song ngan!

Esai 49:7

Yàng Jehôwa đơs be do: Bơtau Dong Tơwài Israel dê mơ la Bơtau Sàng Goh Kơnràñ dê, mơ cau kong sền òsơp, kong ƀòn lơgar sền ngkòr ngkàc cù kìr, la dĭ gơna ală cau kwang at bồ, lah: “Ală cau bơtau rơp gŏ mê mơ ñă ntào, ală cau kwang dờng rơp gŏ mơ tơmbic să, tài bơh Yàng Jehôwa la Bơtau dòn song, Bơtau Sàng Goh Israel dê la Bơtau neh sac rwah mê.”

Esai 48:17

Yàng Jehôwa, Bơtau Dong Tơwài mê, Bơtau Sàng Goh Israel dê, đơs be do: “Añ la Yàng Jehôwa, Yàng Tom Trồ bol mê, la Bơtau bơto bơta lơi la niam rlau jơh bol mê in, la Bơtau neh tề lam bol mê tòm gùng bol mê pal lòt.

Esai 47:4

Bơtau Dong tơwài bol he dê, Sơnđan Kơnràñ la Yàng Jehôwa Gơnap Gơnoar Dờng Làm Jơh, la Bơtau Sàng Goh Israel dê.

Esai 41:20

tồ làng bol sền mơ git, sền sơwì mơ wă wơng lah tê Yàng Jehôwa neh lơh bơta hơ̆, Bơtau Sàng Goh Israel dê neh crơng gơs bơta hơ̆.

Esai 41:16

Mê rơp tòmpơr gơ, càl rơp cèng pơrdô gơ, càl rbut dờng rơp rsìh bol gơ roh jơh. Mơya mê rơp hòn chò tòm Yàng Jehôwa, geh gơklŏ tòm Bơtau Sàng Goh Israel dê.

Esai 6:3

Ală seraphim đơs tòmho bal lah: “Sàng goh, sàng goh, sàng goh la Yàng Jehôwa Gơnap Gơnoar Dờng; Làm jơh plai ù bềng lìu bơta gơklŏ Kơnràñ dê.”

Đơs Crih 145:17

Yàng Jehôwa la song ring tòm jơh ală gùng dà Kơnràñ dê, Mơ gơs bơta kơ̆ dơn tòm jơh ală broă lơh Kơnràñ dê.

Đơs Crih 89:18

Bơh khèl bol hi dê gơrê mơ Yàng Jehôwa. Cau bơtau bol hi dê gơrê mơ Bơtau sàng goh Israel dê.

Sră Jop 11:10

Dilah Yàng Tom Trồ lòt tus kup jàm ồng, Mơ bơtào tiah cahrña, ñcau rgơi kơryan Kơnràñ taih?

Yal Tơlik 21:5

Bơtau ơm nggui hơđang sơbàn đơs lah: “Do, Añ lơh gơs pa jơh ală bơta.” Mơ đơs tai lah: “Cih tĕ jơnau do, bơh ală jơnau do la pal dòn kơnòm mơ song ngan.”

Yal Tơlik 19:2

Bơh ală bơta cahrña Kơnràñ dê la song ngan mơ song ring; Kơnràñ neh lơh nền glài cau ùr dri tơlàr dờng, la cau neh ai bơta rềs àr bơrnàn khai dê nàng lơh ồm lề plai ù, mơ Kơnràñ neh sal tê di khai bơh mhàm ală dĭ gơna Kơnràñ dê.”

Yal Tơlik 16:7

Mơ añ kơno cơnòng duh khoai đơs lah: “Ngan, khoai Yàng la Yàng Tom Trồ, Bơtau Gơnoar Dờng Làm Jơh, Ală bơta cahrña Kơnràñ dê la song ngan mơ song ring.”

Yal Tơlik 4:8

Poan nơm phan wìn kis hơ̆, kòp nơm gơs prau nơm đar, đah dơlam mơ đah bơdìh ală đar hơ̆ gơs bềng gar mat; ngai mơ mang bol gơ đơs sùm ò dơh lah: “Sàng goh, sàng goh, sàng goh Yàng la Yàng Tom Trồ, Bơtau Gơnap Gơnoar Dờng Làm Jơh, la Bơtau Neh Gơs, Gam Gơs mơ Rơp Tus.”

Yal Tơlik 2:1

“Cih tĕ cau gơnrơh Hìu Jum Goh Ephesô in lah: Do la ală jơnau đơs Bơtau at poh nơm sơmañ tòm tê ma mơ lòt digùl poh nơm jơng ồs đèng mơ màh

Esai 30:11

Lik tĕ bơh gùng, pleh tĕ bơh gùng, bañ lòi bol hi iat tai bơh Bơtau Sàng Goh Israel dê!”

Đơs Crih 16:10

Bơh Yàng rơp ò sang hwềng soàn añ tòm lơgar Làng ƀồc, Kung ò lòi cau dòn song Yàng dê gŏ bơtô ƀồc.