Yal Tơlik 3:4 - Sră Goh 2018

⁴ Mơya tòm Sardis mê gam gơs dô êt cau ò lơh ƀơ̆ wàm ồi ào bol khai dê; ală cau hơ̆ rơp soh ào bò mơ lòt bal mơ Añ, bơh bol khai la di pal.

Yal Tơlik 3:4 Referans Kwoze

Yal Tơlik 7:9

Tơnơ̆ mơ hơ̆ añ sền gŏ, ne, gơs dô mpồl bol oă tian gơs ò gơs cau lơi rgơi kòp, lik bơh jơh ală lơgar, jơi bơtiàn, làng bol, mơ jơnau đơs; bol khai ntào di đap sơbàn mơ di đap Belàt Kòn, bol khai soh ào jrùh bò, mơ di tê at ală nha gòl,

Yal Tơlik 3:5

Cau lơi geh pha lin rlau gen rơp soh ào bò behơ̆ sơl. Añ rơp ò jùt sơnđan mat khai bơh di sră bơta kis, mơ Añ rơp yal tơlik sơnđan khai di đap Bèp Añ jê, mơ di đap ală cau gơnrơh Kơnràñ dê sơl.

Yal Tơlik 6:11

Neh ai kòp nă bol khai in dô nơm ào jrùh bò, mơ gơs jơnau đơs mơ bol khai lah pal ơm rlô dô êt jŏ tai, jơl tus di tŭ lơi geh tơl khà ală cau bơyô duh broă bal mơ bol khai mơ ală oh mi bol khai dê, la cau pal kong tơnchơt be bol khai sơl.

Cau Bơto 9:8

Lòi tĕ ào jrùh mê dê bò sùm, bañ lòi siơ̆u mơñà hơđang bồ mê.

Yal Tơlik 19:14

Ală mpồl ling hơđang trồ soh ào bài che dơmài lơbơn, bò mơ goh, hào ơseh kò lòt jat Kơnràñ.

Yal Tơlik 4:4

Gùt dar sơbàn hơ̆ gơs bàr jơt poan nơm sơbàn ndai; hơđang ală sơbàn do gơs bàr jơt poan nă cau kwang kra nggui, bol khai soh ào bò mơ dê bồ bol khai ndau sơgơn mơ màh.

Yal Tơlik 3:18

Behơ̆ Añ bơto tơngkah mê rwat tĕ màh Añ jê neh ryă tòm ồs, tồ mê in gơlik gơs pas sơm; rwat ală ào bò, tồ mê in soh nàng jơm ndơp bơta ƀàssìl bơh bơta ơm kuh lòi rồ mê dê; mơ rwat sơnơm nàng bong di mat tồ mê gŏ.

Yal Tơlik 19:8

Neh ai khai in soh ào bài che dơmài lơbơn àng gơcrà mơ sàng goh bơh bài che dơmài lơbơn hơ̆ la ală broă song ring ală cau sàng goh dê.”

Jude 1:23

dong klàs tĕ ală cau ndai, tă bol khai lik klàs bơh di ồs; ai ală cau ndai tai gen oh mi ai tĕ nùs kòñ nđàc bal mơ nùs rngòt, gơjrañ kơuềng tơn di ào kòl poac să lơh ƀơ̆ ƀơl.

Luka 21:36

Behơ̆ bol mê pal drơng kơp tĕ mơ hòi dan sùm, tồ bol mê in gơs tơl pràn nàng lik klàs bơh di ală bơta pal tus hơ̆ mơ ntào di đap Kòn Mơnus.”

Jơnau Niam Jat Mak 16:5

Behơ̆ bol khai mut tòm bơtô ƀồc, gŏ dô nă cau pơnu ơm nggui đah ma, soh ào jrùh bò gen bol khai rngòt ngan.

Luka 20:35

ai ală cau geh kòp la di pal dòp rài tơnơ̆ mơ geh kis wơl bơh bơta chơt, gen ò lap klau tòmbau ùr.

Mathiơ 10:11

Tòm tŭ bol mê mut tòm ƀòn dờng hala ƀòn dềt lơi, gen jòi lùp tĕ tềng hơ̆ gơs cau lơi di pal, gen ơm tĕ bal mơ khai tus di tŭ lik lòt.

Yal Tơlik 11:13

Di di jơ hơ̆ gơs dô bơta lơnggơr ù dờng ngan, dô pơnah jơt ƀòn dờng tơrlah; poh rbô nă cau chơt tòm bơta lơnggơr ù hơ̆, ai ală cau gam kis gen rngòt ngan mơ jòng ro Yàng Tom Trồ hơđang trồ.

II Tesalônika 1:5

Hơ̆ la cơng tàng loh làng bơh bơta cahrña song ring Yàng Tom Trồ dê, nàng oh mi in geh kòp la di pal ngan mơ lơgar Yàng Tom Trồ, kung bơh lơgar hơ̆ mơ oh mi gam kong bòl glar.

Esai 64:6

Bol hi jơh tơl nă neh gơlik gơs kung be dô nă cau ƀơ̆ ƀơl, mơ jơh ală broă song ring bol hi dê la kung be ală ào ƀơ̆ ƀơl; bol hi jơh tơl nă ñòp ro kung be dô nơm nha, mơ tồi glài bol hi dê kung be càl khồm pơrdô bol hi roh thit.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Esai 52:1

Ơ Siôn, kah rngal tĕ, kah rngal tĕ, soh tĕ bơta pràn ai dê. Ơ Jerusalem la ƀòn dờng sàng goh, soh tĕ ồi ào hàng mơnĕ ai dê. Cau ò siat gơltau mơ cau ƀơ̆ ƀơl rơp ò mut tòm tiah ai dê tai.

Đơs Crih 68:14

Tòm tŭ Bơtau Gơnap Gơnoar Làm Jơh lơh nrah nring ală cau bơtau tềng hơ̆, Gen ù gơlik bò be tòm tŭ mìu piar hơđang mơnơm Jalmôn.

Este 8:15

Gen Mordike lik lòt bơh di đap cau bơtau, soh ồi ào bơtau dê dà tơlir trồ mơ dà bò, ndau dô nơm sơgơn bơtau dờng mơ màh, mơ soh dô nơm ào jrùh mơ bài che dơmài lơbơn dà gur. Mơ ƀòn dờng Susa ai jơnau driau dờng mơ hòn chò.

Broă 1:15

Tòm ală ngai hơ̆, Pier ntào digùl ală oh mi dòn Yàng, (ntum ală cau pơjum tềng hơ̆ pơgap dô rhiang bàr jơt nă), mơ đơs lah:

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Esai 59:6

Che blung bol khai dê ò rgơi tàñ gơs ồi ào, bol khai ò rgơi tơnsoh să tòm bol khai in mơ phan bol khai neh lơh gơs. Ală broă lơh bol khai dê la ală broă iơh rmơh, mơ lơh bơta rhung rhang tòm tê bol khai dê.

Esai 1:9

Dilah Yàng Jehôwa Gơnap Gơnoar Dờng Làm Jơh ò lòi wơl bol he in dô êt nă cau gam kis, gen bol he rơp gơlik gơs be Sôdôm, mơ tòm toh be Gômôrơ.

I Ală Bơtau 19:18

Mơya Añ rơp ơn is poh rbô nă cau tòm Israel jơh ală gơltang hơ̆ òhềt cùn khoai di đap Baal, mơ kòp nơm sơndồi bol khai òhềt cum gơ.”

Yal Tơlik 1:11

“Cih tĕ bơta mê gŏ tòm dô dap sră mơ pơyoa poh nơm Hìu Jum Goh in: Hìu Jum Goh Ephesô, Simirnơ, Pergam, Thiatirơ, Sardis, Philadelphi, mơ Laodise.”

Yal Tơlik 14:4

Ală cau hơ̆ òhềt gơs ƀơ̆ ƀơl mơ ală cau ùr, bơh bol khai gam rlùng. Belàt Kòn lòt tiah lơi gen bol khai jat tiah hơ̆. Bol khai neh geh Yàng Tom Trồ tơwài bơh digùl jơi kòn mơnus, tồ gơlik gơs ală cau sơnròp geh ơn Yàng Tom Trồ in mơ Belàt Kòn in.

Lebi 13:48

ồi ào tàñ mơ che brài dơmài hala mơ sơnò belàt, mơ gơltau hala lơh gơs mơ gơltau,