Yal Tơlik 22:4 - Sră Goh 2018

⁴ Bol khai rơp gŏ mat Kơnràñ, mơ di bìng liang bol khai dê gơs sơnđan Kơnràñ dê.

Yal Tơlik 22:4 Referans Kwoze

Yal Tơlik 14:1

Gen añ sền gŏ tai, do, Belàt Kòn ntào hơđang mơnơm Siôn, bal mơ Kơnràñ gơs dô rhiang poan jơt poan rbô nă cau geh cih sơnđan Kơnràñ mơ sơnđan Bèp Kơnràñ hơđang bìng liang bol khai dê.

Mathiơ 5:8

Lơngai ală cau gơs nùs sàng goh in, bơh rơp gŏ Yàng Tom Trồ!

Yal Tơlik 3:12

Cau lơi geh pha lin rlau, gen Añ rơp lơh khai in gơlik gơs dô nơm jrong tòm hìu duh khoai Yàng Tom Trồ Añ jê, mơ khai ò gơs tŭ lơi lik bơh tềng hơ̆ tai. Añ rơp cih hơđang khai sơnđan Yàng Tom Trồ Añ jê, sơnđan ƀòn dờng Yàng Tom Trồ Añ jê, la Jerusalem pa hơđang trồ bơh Yàng Tom Trồ Añ jê mơ mù, bal mơ sơnđan pa Añ jê.

Sră Jop 33:26

Gen khai hòi dan mơ Yàng Tom Trồ mơ geh dòp bơh Kơnràñ. Khai sền gŏ mat Kơnràñ mơ hòn chò driau dờng, mơ Yàng Tom Trồ tơm wơl khai in bơh bơta song ring khai dê.

Hebrơ 12:14

Ting jat tĕ bơta ring lơngai gơwèt mơ tơl nă cau, bal mơ bơta gơlik gơs sàng goh, bơh dilah ò gơlik gơs sàng goh gen ò gơs cau lơi rơp gŏ Yàng.

Yal Tơlik 7:3

mơ đơs lah: “Bañ lơh iơh di plai ù, dàlềng, hala ală chi che, jơl tus di tŭ lơi bol hi neh tap ƀang kì di bìng liang ală dĭ gơna Yàng Tom Trồ bol he dê.”

I Kôrintô 13:12

Tŭ do bol he sền ò loh be sền tòm krơh lu li, mơya tòm tŭ hơ̆ mat tòm toh mơ mat; tŭ do añ git ò wil tơl, mơya tòm tŭ hơ̆ añ rơp git jơh kung be Yàng neh git loh bơh añ.

Jang 17:24

Ơ Bèp, Añ kòñ tiah lơi Añ ơm, gen ală cau mơ Bèp neh ai Añ in kung ơm tềng hơ̆ bal mơ Añ, nàng bol khai sền gŏ bơta gơklŏ mơ Bèp neh ai Añ in, tài bơh Bèp neh kòñ gơboh di Añ lài mơ tŭ òhềt crơng gơs trồ tiah.

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Esai 33:17

Gar mat mê rơp sền gŏ bơtau tòm bơta hàng mơnĕ Kơnràñ dê, mơ gŏ dô nơm lơgar pò ơnàng.

Đơs Crih 17:15

Ai añ, añ rơp sền gŏ mat Kơnràñ dê tòm bơta song ring. Tòm tŭ añ kah rngal, añ rơp hừh nùs mơ sền gŏ rùp să Yàng dê.

Esai 40:5

Gen bơta gơklŏ Yàng Jehôwa dê rơp geh yal tơlik, jơh tơl nă kòn mơnus rơp sền gŏ bơta hơ̆, bơh bơr Yàng Jehôwa dê neh đơs behơ̆.”

Đơs Crih 4:6

Gơs oă cau đơs lah: “Ñcau rơp ai bol he in gŏ bơta lơngai taih? Ơ Yàng Jehôwa, dan bơta àng mat Kơnràñ dê sòl hơđang bol hi.”

Esai 35:2

Gơcat bơkào lìu làc mơ hòn chò mơ chò hòp đơs chò. Bơta gơklŏ Liban dê rơp geh ai gơ in, bơta ryŭ ryơm Karmel mơ Sarôn dê; bol gơ rơp gŏ bơta gơklŏ Yàng Jehôwa dê, mơ bơta ryŭ ryơm Yàng Tom Trồ bol he dê.

Ejekiel 33:23

Gen gơs jơnau Yàng Jehôwa đơs mơ añ lah:

Đơs Crih 42:2

Hwềng soàn añ tơhìr Yàng Tom Trồ, la Yàng Tom Trồ gam kis sùm. Tŭ lơi añ rơp lòt tus mơ tìp mat Yàng Tom Trồ taih?