Yal Tơlik 22:1 - Sră Goh 2018

¹ Cau gơnrơh sơnio añ in gŏ hiòng dà bơta kis ơm digùl gùng ƀòn dờng dê; hiòng hơ̆ gơcrà be krơh àng goh, mơ gơhòr lik bơh di sơbàn Yàng Tom Trồ mơ Belàt Kòn dê.

Yal Tơlik 22:1 Referans Kwoze

Yal Tơlik 7:17

Bơh Belàt Kòn ơm digùl sơbàn rơp ê gàr bol khai, mơ tề lam bol khai tus hơ ală croh dà bơta kis, mơ Yàng Tom Trồ rơp jùt jơh dà mat di mat bol khai.”

Jang 4:14

mơya cau lơi hùc dà Añ rơp ai gen ò gơs tŭ lơi tơhìr tai. Dà Añ ai rơp gơlik gơs dô nơm dà cat tòm cau hơ̆, gơđat tus di bơta kis gam sùm sùm.”

Yal Tơlik 21:6

Kơnràñ đơs tai mơ añ lah: “Sir rau. Añ la Alpha mơ Ômega, Bơtau sơnròp mơ lồi dut. Cau lơi tơhìr, gen Añ rơp ai dà hùc be phan pà gòi bơh croh dà bơta kis.

Sacari 14:8

Tòm ngai hơ̆, dà kis rơp hòr lik bơh Jerusalem, nggùl hòr tus hơ dàlềng đah mattơngai lik, nggùl hòr tus hơ dàlềng đah mattơngai mut, tòm kơnhai prang mơ tòm kơnhai noat mrềt.

Đơs Crih 46:4

Gơs dô nơm hiòng dà, ală ntê dà hơ̆ lơh chò hòp ƀòn Yàng Tom Trồ dê, La tiah ơm sàng goh Bơtau Hơđang Rlau Jơh dê.

Yal Tơlik 22:17

Yàng Hwềng mơ bau ùr pa đơs bal lah: “Tus tĕ!” Cau lơi kơno gen đơs tĕ lah: “Tus tĕ!” Cau lơi tơhìr gen tus tĕ. Cau lơi kòñ gen dòp gòi tĕ dà bơta kis.

Jeremi 17:13

Khoai Yàng Jehôwa, la bơta gơn kơnòm Israel dê, Ală cau lơi sang lòi Kơnràñ gen rơp kong ƀàssìl ƀàsso! Ală cau dô pleh bơh Kơnràñ rơp kong cih sơnđan hơđơm ù, Bơh bol khai neh sang lòi croh dà bơta kis, hơ̆ la Yàng Jehôwa.

Jeremi 2:13

“Làng bol Añ neh lơh bàr bơta iơh: Bol khai neh sang lòi Añ, La hiòng dà bơta kis, Mơ tò is tơrlung dà bol khai in, ală tơrlung dà neh dàng, Ò rgơi ơn dà.

Esai 41:18

Añ rơp lơh ală hiòng dà gơhòr hơđang ală mơnơm kơlờl, mơ ală croh dà ngŏ bơh digùl thòng. Añ rơp lơh ƀlàng bràs in gơlik gơs tơnau dà, mơ lơh ù rañ rsơh in gơlik gơs croh dà.

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.

Broă 2:33

Behơ̆, tơnơ̆ mơ tŭ Kơnràñ neh geh yò tơngguh đah ma Yàng Tom Trồ, mơ neh dòp geh jơnau ho ai Yàng Hwềng Goh bơh di Bèp, gen Kơnràñ tuh tơlik Yàng Hwềng Goh be ală oh mi gŏ mơ kơno.

Yal Tơlik 21:11

Gơ gơs bơta gơklŏ Yàng Tom Trồ dê, bơta àng gơcrà ƀòn dê ndròm be lŭ màng gơcrà, be lŭ bò gơcrà, sàng be krơh àng goh.

Jang 15:26

Mơya tŭ lơi Bơtau Pơndòm pơniang tus, la Bơtau Añ rơp sồr bơh di Bèp mơ lòt tus hơ bol mê, hơ̆ la Hwềng Jơnau song dê lik bơh di Bèp, Bơtau hơ̆ rơp lơh cơng bơh Añ.

Yal Tơlik 5:13

Añ kơno jơh ală phan crơng gơs hơđang trồ, tòm ù, hơđơm ù, tòm dàlềng, mơ jơh ală phan tòm ală tiah hơ̆ đơs chò bal lah: “Dan Bơtau nggui hơđang sơbàn bal mơ Belàt Kòn geh bơta jòng ro, bơta ryŭ ryơm, bơta gơklŏ mơ gơnoar pràn jơl sùm sùm ò lồi.”

Esai 48:18

Ơ hơh kơp kòñ bol mê mìng ơn nùs tồr di ală jơnau sồr Añ jê, gen bơta pas gơs bol mê dê rơp kung be dô nơm hiòng dà, bơta cồng nha bol mê dê rơp be ală ryà dàlềng.

Yal Tơlik 5:6

Digùl sơbàn mơ poan nơm phan wìn kis, mơ digùl ală cau kwang kra, añ gŏ dô nơm Belàt Kòn ntào gơlơh be neh kong sreh chơt, gơs poh nơm ngke mơ poh nơm gar mat, la poh Hwềng Yàng Tom Trồ dê kong sồr lòt tus làm jơh plai ù.

Esai 66:12

Bơh Yàng Jehôwa đơs be do: “Añ rơp ai gơ in bơta pas gơs lơngai lơngò tus hơ khai kung be dô nơm hiòng dà, mơ bơta pas sơm ală làng bol dê kung be dà hòr pràn; bol mê rơp geh tơmpô, geh kơnđơt kơnđu tòm tơwòr tê khai dê, mơ rơnggô hơđang gơltang khai dê.

Yal Tơlik 1:1

Bơta yal tơlik jơnau ndơp Yàng Jesu Krist dê, mơ Yàng Tom Trồ neh ai Kơnràñ in nàng yal tơlik ală dĭ gơna Kơnràñ in ală bơta rơp gơlik tus gòñ. Kơnràñ neh sồr cau gơnrơh Kơnràñ dê lòt tus yal tơlik ală bơta hơ̆ Jang in la dĭ gơna Kơnràñ dê,

Yal Tơlik 21:9

Gơs dô nă tòm poh nă cau gơnrơh neh at poh nơm mơngàn bềng poh bơta rung rài lồi dut, lòt tus đơs mơ añ lah: “Tus tĕ hơ do, añ rơp sơnio mê in ƀan, la bau ùr Belàt Kòn dê.”

Yal Tơlik 22:6

Cau gơnrơh đơs tai mơ añ lah: “Ală jơnau do la pal dòn mơ song ngan. Yàng la Yàng Tom Trồ ală hwềng ală cau gơnoar hwơr dê neh sồr cau gơnrơh Kơnràñ dê lòt tus, nàng sơnio ală dĭ gơna Kơnràñ in ală bơta rơp gơlik tus gòñ.

Jang 13:32

Dilah Yàng Tom Trồ geh gơklŏ di Kòn mơnus, gen Yàng Tom Trồ rơp lơh Kòn Mơnus in geh gơklŏ di să tòm Yàng Tom Trồ, mơ Yàng Tom Trồ rơp lơh Kơnràñ in geh gơklŏ mo.