Yal Tơlik 21:3 - Sră Goh 2018

³ Añ kơno dô jơnau dờng lik bơh di sơbàn, đơs lah: “Ne, tiah ơm Yàng Tom Trồ dê ơm digùl jơi kòn mơnus. Kơnràñ rơp ơm bal mơ bol khai, mơ bol khai rơp lơh gơs làng bol Kơnràñ dê, să tòm Yàng Tom Trồ rơp ơm bal mơ bol khai, mơ lơh gơs Yàng Tom Trồ bol khai dê.

Yal Tơlik 21:3 Referans Kwoze

Ejekiel 37:27

Tiah ơm sùm Añ jê rơp gơs digùl bol khai; Añ rơp gơs Yàng Tom Trồ bol khai dê, bol khai rơp gơs làng bol Añ jê.

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

Jang 14:23

Yàng Jesu ho lah: “Dilah cau lơi kòñ gơboh di Añ, gen rơp prap gàr jơnau Añ jê, Bèp Añ rơp kòñ gơboh di khai, bol hi rơp lòt tus hơ khai mơ ơm sùm mơ khai.

Sacari 8:8

Añ rơp cèng brê bol khai wơl nàng ơm tòm Jerusalem, bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê tòm bơta dòn song mơ song ring.”

Hebrơ 8:10

Yàng đơs tai lah: “Do la bơta ho bal Añ rơp bơtào bal mơ hìu Israel, Tơnơ̆ mơ ală ngai hơ̆: Añ rơp ơn bơta boh lam Añ jê tòm dơngoh bol khai dê, Mơ cih gơtòm nùs bol khai; Añ rơp la Yàng Tom Trồ bol khai dê, Mơ bol khai rơp la làng bol Añ jê.

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Hebrơ 11:16

Mơya tŭ do bol khai jơh nùs kơp kòñ dô nơm lơgar niam rlau, hơ̆ la lơgar hơđang trồ; gen tàng Yàng Tom Trồ ò ƀàssìl geh sơnđan la Yàng Tom Trồ bol khai dê, bơh Kơnràñ neh rcang sir bol khai in dô nơm ƀòn dờng.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Jeremi 32:38

Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai dê.

Yal Tơlik 7:15

Tài bơh hơ̆ sồng bol khai ơm di đap sơbàn Yàng Tom Trồ dê, ngai mơ mang duh broă Yàng Tom Trồ tòm hìu duh khoai Kơnràñ dê; ai Bơtau nggui hơđang sơbàn rơp jơm gòm bol khai.

II Kôrintô 6:18

Añ rơp lơh gơs Bèp ală bol mê dê, Ală bol mê rơp lơh gơs kòn klau kòn ùr Añ jê. Yàng la Bơtau Gơnoar Dờng Làm Jơh đơs behơ̆.”

Yal Tơlik 21:7

Cau lơi geh pha lin rlau rơp geh ală bơta hơ̆ lơh gơs sre brê; Añ rơp lơh gơs Yàng Tom Trồ khai dê mơ khai rơp lơh gơs kòn Añ jê.

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Yal Tơlik 12:10

Gen añ kơno hơđang trồ gơs jơnau dờng đơs lah: “Tŭ do bơta dong klàs, gơnap gơnoar, lơgar Yàng Tom Trồ bol he dê, mơ gơnoar Bơtau Krist Kơnràñ dê neh tus, bơh cau yă wơn oh mi bol he dê neh kong sơrbì rau, hơ̆ la cau ngai mơ mang yă wơn bol khai di đap Yàng Tom Trồ bol he dê.

Ejekiel 43:7

Khai đơs mơ añ lah: “Ơ kòn mơnus, do la tiah ơn sơbàn Añ jê, mơ la tiah ơn kơndòl jơng Añ jê. Do la tiah Añ rơp ơm sùm sùm digùl kòn sau Israel. Hìu Israel, bol khai hala ală cau bơtau bol khai dê, rơp ò tŭ lơi lơh ƀơ̆ ƀơl tai sơnđan sàng goh Añ jê bơh bơta dri tơlàr bol khai dê, mơ bơh ală rùp ràk ò gơs bơta kis ală cau bơtau bol khai dê hơđang ală tiah jơnhoa.

I Ală Bơtau 8:27

Mơya ngan lah Yàng Tom Trồ ơm hơđang plai ù do sơl? Bulah hơđang trồ mơ ală tap trồ jơnhoa rlau jơh kung ò rgơi ơn Kơnràñ, tơ ài lah hìu dềt do mơ añ neh bơt!

II Yal Yau 6:18

Mơya ngan la Yàng Tom Trồ rơp ơm tòm ù mơ kòn mơnus sơl ơ? Bulah ală tap trồ, mơ ală tap trồ jơnhoa rlau jơh ò rgơi nàng prap Kơnràñ, tơ ài lah hìu duh khoai dềt rlau jơh do mơ añ neh bơt!

Yal Tơlik 10:8

Jơnau đơs mơ añ neh kơno bơh đang trồ, đơs tai mơ añ lah: “Lòt tĕ, ai sră pồt neh pò tòm tê cau gơnrơh ntào hơđang dàlềng mơ hơđang ù.”

Yal Tơlik 10:4

Dơ̆ poh nơm kơnàs ntơr rau gen añ kòñ cih, mơya añ kơno dô jơnau bơh đang trồ đơs lah: “Til tĕ ală jơnau poh nơm kơnàs neh đơs, mơ bañ cih.”

Lik Ejiptơ 25:8

Gen sồr bol khai lơh Añ in dô nơm Hìu Duh Khoai Sàng Goh, nàng Añ rơp ơm digùl bol khai.

Lik Ejiptơ 29:45

Gen Añ rơp ơm digùl làng bol Israel mơ lơh gơs Yàng Tom Trồ bol khai dê.

Ejekiel 48:35

Jơh gùt dar ƀòn dờng rơp la jơt phàm rbô tal. Mơ sơnđan ƀòn dờng bơh di tŭ hơ̆ rơp la: “YÀNG JEHÔWA ƠM TỀNG HƠ̆.”

I Tesalônika 3:11

Dan să tòm Yàng Tom Trồ la Bèp bol he dê, mơ Yàng Jesu la Yàng bol he dê, lam gùng bol hi in lòt tus hơ oh mi.

Hebrơ 8:2

la Cau duh broă tòm tiah sàng goh, tòm hìu duh khoai ngan hơđang trồ, bơh Yàng neh bơtào gơs ò di bơh kòn mơnus.

Yal Tơlik 22:3

Rơp ò gam gơs bơta srat rma tai, mơya tòm ƀòn hơ̆ gơs sơbàn Yàng Tom Trồ mơ Belàt Kòn dê, ală dĭ gơna Kơnràñ dê rơp duh broă Kơnràñ.

Khà Làng Bol 9:16

Gơ kư̆ pơnjat gơlik gơs behơ̆; mhwal jơm gòm gơ, mơ tòm trồ mang gơ sền gơlơh be ồs.