Yal Tơlik 21:10 - Sră Goh 2018

¹⁰ Añ gơs rngoh rngac bơh Yàng Hwềng, mơ cau gơnrơh cèng añ tus hơ dô nơm mơnơm dờng mơ jơnhoa, sơnio añ in gŏ ƀòn dờng sàng goh la Jerusalem mù bơh đang trồ bơh dê Yàng Tom Trồ.

Yal Tơlik 21:10 Referans Kwoze

Yal Tơlik 21:2

Añ gŏ ƀòn dờng sàng goh la Jerusalem pa, mù bơh đang trồ bơh dê Yàng Tom Trồ; gơ neh rcang sir be dô nă bau ùr pa neh bơka să ơm gơn bau klau khai dê.

Ejekiel 11:24

Hwềng yò tơngguh añ tòm bơta gơtơnggŏ mơ Hwềng Yàng Tom Trồ cèng añ tus hơ Kalde, tus hơ ală cau kong kup cèng. Gen bơta gơtơnggŏ mơ añ neh gŏ lik bơh di añ.

Yal Tơlik 17:3

Añ geh rngoh rngac bơh Yàng Hwềng, mơ cau gơnrơh hơ̆ cèng añ lòt tus tòm ƀlàng bràs; añ gŏ dô nă cau ùr hào hơđang dô nơm phan poan jơng pơrhê, gơ gơs poh nơm bồ, jơt nơm ngke, să gơ bềng ală sơnđan tràl sơrbil.

Yal Tơlik 1:10

Tòm ngai Yàng dê añ gơs Yàng Hwềng lơh rngoh rngac, mơ añ kơno bơh tơnơ̆ añ gơs jơnau ntas dờng be kơlwòk lah:

Broă 8:39

Tòm tŭ bol khai guh bơh dà, gen Hwềng Yàng dê cèng Philip lòt thit; cau kwang kơndời hơ̆ ò gŏ tai khai, mơ kư̆ hòn chò lòt gùng.

Ejekiel 11:1

Gen Hwềng yò tơngguh añ mơ cèng añ tus di mpồng dờng đah mattơngai lik hìu Yàng Jehôwa dê, wèt hơ đah mattơngai lik.Tềng hơ̆, di gùng mut tòm mpồng dờng gơs bàr jơt pram nă cau klau; digùl bol khai, añ gŏ gơs Jaajania kòn klau Ajur, mơ Phelatia kòn klau Benayah, la ală cau kwang at bồ làng bol.

Ejekiel 8:3

Cau hơ̆ pò tơlik gơlơh kung be dô nơm tê mơ sơmbat kup di sŏ hơđang bồ añ. Hwềng yò tơngguh añ digùl trồ mơ tiah, mơ cèng añ tòm bơta gơtơnggŏ Yàng Tom Trồ dê hơ Jerusalem, di gùng mut tòm mpồng dờng đah đang la tiah bơtào rùp ràk bơta ƀoah pơrñat, la bơta gơchồl bơta ƀoah pơrñat dê.

Yal Tơlik 4:2

Tŭ hơ̆ mo, añ gơs rngoh rngac bơh Yàng Hwềng, mơ ne, gơs dô nơm sơbàn hơđang trồ, mơ gơs dô Bơtau nggui tềng hơ̆.

Ejekiel 3:14

Chòp Yàng Hwềng cèng añ guh mơ cèng añ tus tiah ndai, mơ añ lòt tòm bơta sràt bơtang mơ tòm bơta gơjrañ mañ tòm hwềng añ, gơs tê Yàng Jehôwa dê ơn hơđang añ pràn kơldang.

I Ală Bơtau 18:12

Tòm tŭ añ lòt bơh di ồng, rơp gơs hwềng Yàng Jehôwa dê cèng ồng lòt tiah lơi añ ò git; behơ̆, tòm tŭ añ tus yal Ahap in, mơ khai ò gŏ ồng, khai rơp tơnchơt añ. Bulah, añ la dĭ gơna ồng dê duh rngòt di Yàng Jehôwa bơh tŭ gam pơnu.

II Ală Bơtau 2:16

Mơ đơs mơ khai lah: “Tềng do, bol he gơs pram jơt nă cau pràn kơldang digùl ală cau duh broă ồng dê; dan lòi bol khai in lòt jòi cau tòm ồng dê; digơlan Hwềng Yàng Jehôwa dê cèng khai guh, mơ sơrbì khai hơđang mơnơm lơi hala tòm thòng lơi sơl?” Elise ho: “Ò di, bañ sồr bol khai lòt.”

Galati 4:26

Mơya Jerusalem ơm hơđang jòng la ƀòn khat gơboh, hơ̆ la mè bol he dê.

Yal Tơlik 3:12

Cau lơi geh pha lin rlau, gen Añ rơp lơh khai in gơlik gơs dô nơm jrong tòm hìu duh khoai Yàng Tom Trồ Añ jê, mơ khai ò gơs tŭ lơi lik bơh tềng hơ̆ tai. Añ rơp cih hơđang khai sơnđan Yàng Tom Trồ Añ jê, sơnđan ƀòn dờng Yàng Tom Trồ Añ jê, la Jerusalem pa hơđang trồ bơh Yàng Tom Trồ Añ jê mơ mù, bal mơ sơnđan pa Añ jê.

Yal Tơlik 11:2

Mơya ƀlàng jơng gùng hìu duh khoai gen lòi tĕ bañ was, bơh tiah hơ̆ neh lòi ală làng bol bơdìh in; bol khai rơp jă ƀòn dờng sàng goh tòm poan jơt bàr kơnhai.